- 2019-01-27 08:47:45
- ព័ត៌មាន
ប្លែក...មួយរយៈនេះ តារាកំប្លែងក្នុងរឿង "ខ្មោចត្រឡោកបែក" នាយ កូទី ឡើងចុះៗកម្ពុជាញឹកតែម្ដង
- 2019-01-27 08:47:45
- ចំនួនមតិ 0 | ចំនួនចែករំលែក 0
ប្លែក...មួយរយៈនេះ តារាកំប្លែងក្នុងរឿង "ខ្មោចត្រឡោកបែក" នាយ កូទី ឡើងចុះៗកម្ពុជាញឹកតែម្ដង
ចន្លោះមិនឃើញ
តារាកំប្លែងល្បីឈ្មោះរបស់ថៃនាយ កូទី (Kootee) បានធ្វើដំណើរមកដល់កម្ពុជាជាថ្មីទៀតហើយ ក្រោយពីគេបានប្រទះឃើញបង្ហាញវត្តមានរបស់លោក នៅប្រលានយន្តហោះអន្តរជាតិភ្នំពេញ កាលពីរសៀលម្សិលមិញ។
ចោមរោមដោយអ្នកសារព័ត៌មាន និងអ្នកគាំទ្រលោកមួយចំនួន កូទី បានប្រាប់ថា លោកមានបេសកកម្មសិល្បៈសំខាន់មួយ ហើយនោះជាមូលហេតុនាំវត្តមានមកដល់កម្ពុជាជាថ្មី ក្រោយពីបានចាកចេញចុងក្រោយនៅចុងឆ្នាំ ២០១៨។ តាមការសាកសួរបន្ត តារាថៃរូបនេះ បញ្ជាក់ថា លោកត្រូវចូលរួមព្រឹត្តិការណ៍ប្រគំតន្ត្រីទ្រង់ទ្រាយធំមួយមានឈ្មោះថា ឃូលហ្វ្រេសនៅកោះពេជ្រ ក្រោយពេលដែលលោកត្រូវបានជ្រើសរើសជាតំណាងរបស់ភេសជ្ជៈនោះផង។
កូទី ថ្លែងថា លោករីករាយណាស់ ចំពោះដំណើរត្រឡប់មកកម្ពុជាជាថ្មីនេះ នឹងសង្ឃឹមថា អ្នកគាំទ្រលោក នឹងរីករាយដូចគ្នា នាជំនួបក្នុងកម្មវិធីតន្ត្រីធំមួយយប់នេះ។ តារាកំប្លែងកម្ពុជា និងតារាចម្រៀងប្រុសស្រីល្បីឈ្មោះជាច្រើននៅកម្ពុជា មាន ពែកមី នាយគ្រឿន តារាចម្រៀងល្បីឈ្មោះ មាស សុខសោភា កញ្ញាឯកMiss Univer 2018កញ្ញា រឿន ណាត និងកូនប្រុសលោក ព្រាប សុវត្ថិ ទាំង៣ ក៏ត្រូវបានអះអាងថា នឹងចូលរួមជាមួយ កូទី ផងដែរ។
តាមផែនការ កូទី នឹងបង្ហាញខ្លួនច្រៀងបទចម្រៀងថៃចំនួន ៥បទ ជាសម្រាប់អ្នកគាំទ្ររបស់លោក ក៏ដូចជាប្រជាជនរដ្ឋខ្មែរទាំងអស់គ្នា។ តាមការបញ្ជាក់របស់សាមីខ្លួន ក្រៅពីបេសកកម្មតន្ត្រីខាងលើ លោកក៏មានគម្រោងធ្វើកម្មវិធីសប្បុរសធម៌ជួយសង្គមកម្ពុជាទៀតផង ក្នុងនាមជាតារាតំណាង “ឃូលហ្វ្រេស” ។ យ៉ាងណា លោកមិនបាននិយាយលម្អិតពីបញ្ហានោះទេ។
នេះគឺជាលើកទី៣ ហើយសម្រាប់តារាកំប្លែងជនជាតិថៃ កូទី ដែលបានមកដល់កម្ពុជា ប៉ុន្តែជាលើកទី១ ដែលលោកមកក្នុងតំណាងភេសជ្ជៈខាងលើចូលរួមការប្រគំតន្ត្រី។ កាលពីលើកទី១ និងលើកទី២ គឺលោកមកក្នុងបេសកកម្មសិល្បៈដូចគ្នាដែរ ប៉ុន្តែពីរលើកមុននោះ គឺមកដើម្បីថតស្ប៉តពាណិជ្ជកម្មប៉ុណ្ណោះ។ កូទី បញ្ជាក់ឲ្យដឹងថា លោកសង្ឃឹមថា នឹងអាចវិលមកកម្ពុជាជាថ្មីទៀតនាពេលខាងមុខ ពិសេសតាមរយៈសកម្មភាពសប្បុរសធម៌ដែលលោកបានបង្ហើបពីខាងលើ៕