- 2019-01-30 03:06:00
- ជីវិតតារា
បាត់មុខបាត់មាត់យូរ Allen Kibum អតីតសមាជិកក្រុម U-KISS ក្លាយជាឪពុកគេហើយ
- 2019-01-30 03:06:00
- ចំនួនមតិ 0 | ចំនួនចែករំលែក 0
បាត់មុខបាត់មាត់យូរ Allen Kibum អតីតសមាជិកក្រុម U-KISS ក្លាយជាឪពុកគេហើយ
ចន្លោះមិនឃើញ
នៅថ្ងៃទី ៣០ ខែមករានេះ ខាងសារព័ត៌មានមួយចំនួនបានអះអាងថា អតីតសមាជិកក្រុម U-KISS តារាចម្រៀង Allen Kibum បានក្លាយជាឪពុកគេហើយ ខណៈប្រពន្ធរបស់លោកបានសម្រាលបានកូនប្រុសម្នាក់កាលពីថ្ងៃទី ១៨ ខែមករាកន្លងទៅនេះ។
ជាមួយគ្នានេះដែរ ខាងបណ្ដាញសារព័ត៌មានក៏បានទម្លាយព័ត៌មានអាពាហ៍ពិពាហ៍របស់ Allen Kibum ថ្មីៗដំណាលគ្នា ដោយបញ្ជាក់ថា ភរិយារបស់អតីតតារាប្រុសរូបនេះ គឺជាកូនស្រីរបស់ថៅកែហាងបម្រើសេវាកម្មផ្នែកចំណីអាហារដ៏ធំមួយ និងមានក្រុមហ៊ុនពាក់ព័ន្ធខាងផ្នែកខារ៉ាអូខេក្នុងប្រទេសជប៉ុន។
ជាការឆ្លើយតបនឹងព័ត៌មាននេះ បងប្រុសបង្កើតរបស់ Kibum ដែលជាសមាជិកក្រុម SS501 តារាចម្រៀង Kim Hyung Jun បានប្រាប់អ្នកសារព័ត៌មានថា៖ "ពិតប្រាកដណាស់ថា Kibum ថ្មីៗនេះពិតជាក្លាយជាឪពុកគេមែន។ ទោះជាយ៉ាងណាក៏ដោយ វារៀងពិបាកបន្តិចក្នុងការបញ្ជាក់ប្រាប់អ្នកសារព័ត៌មានជុំវិញរឿងផ្ទាល់ខ្លួនរបស់ប្រពន្ធលោក"៕
