• 2019-01-31 07:50:00
  • ភាពយន្ត

"ទារុណកម្មខ្មោច" ពី​អ្នកដឹកនាំ ហុយ យ៉ាឡេង ចំណាយទុនច្រើនជាងរឿងមុនៗជិតដាក់បញ្ចាំងផ្លូវការ

  • 2019-01-31 07:50:00
  • ចំនួនមតិ 0 | ចំនួនចែករំលែក 9

ចន្លោះមិនឃើញ

ក្រោយម្ចាស់ផលិតកម្មមាតុចក្រហ្វីលម៍ ហ៊ុយ យ៉ាឡេងដែលបានរួមសហការជាមួយផលិតកម្មសិល្បៈភាពយន្តខ្មែរទើប​តែ​បញ្ចេញ Trailer ថ្មីៗនេះសម្រាប់​រឿង «ទារុណកម្មខ្មោច» ដែលធ្វើឱ្យអ្នកគាំទ្រជាច្រើនលាន់មាត់សរសើរគ្រប់គ្នាថាព្រឺព្រួច មិនចាញ់កុន​បរទេសប៉ុន្មាន​ទេ ព្រម​ទាំង​ចំណាយទុនច្រើនជាងរឿងមុនៗ​ទៀត​ផង។

ជាក់ស្តែងអ្នកដឹកនាំរឿងឆ្នើមរូបនេះបានរៀបរាប់មកកាន់ Sabay​​​ ថា​ សម្រាប់រឿងមួយនេះគឺពិបាកជាងរឿងមុនៗ ព្រោះ​តម្រូវ​ឲ្យ​លោកត្រូវអត់បាយអត់ទឹក តមអាហារឲ្យស្គមរឺងរៃដូច​ក្នុងសម័យខ្មែរក្រហមគឺ ថតមួយខែឈុតធាត់ហើយអត់បាយមួយខែបានមកឈុតស្គម១អាទិត្យទៀត។ ចំណុច​ពិបាកៗ គឺពិត​ជា​មាន​ច្រើន​ដោយ​ ពេល​ខ្លះ​ខំអត់អាហារ ថតទារុណកម្មម្ជុលខ្ទាស់ដោតត្រចៀក ជ្រមុជទឹកចង់ស្លាប់ ដើម្បីឲ្យបានសាច់រឿងល្អ។ សម្រាប់ការចំណាយទុនផលិតសរុបក្នុងរឿងទាំំងមូលគឺ​អស់​ទឹក​ប្រាក់​សរុប ដល់​ទៅ​ជាង៧មឺនដុល្លារឯណោះ។

យ់ាងណាមិញម្ចាស់ផលិតកម្មនេះបានបន្ថែមទៀតថា «ទារុណកម្មខ្មោច» ដែលជាស្នាដៃដឹកនាំដោយលោកផ្ទាល់ ដែលបានឆ្លងកាត់ការដឹកនាំរឿង២ជំនាន់ តាំងពីសម័យរោងភាពយន្តដែលនៅសេសសល់តាំងពីជំនាន់ដើមមក​ដល់បច្ចុប្បន្ន។ ភាពយន្តដែលលោកធ្លាប់ទទួលបានជោគជ័យជំនាន់មុន ធ្វើ​ឲ្យ​អ្នកគាំទ្រនិយាយតៗគ្នារហូតមកដល់បច្ចុប្បន្ន គឺរឿង «ខ្មោចដើមចេកជ្វា» និង​១៥រឿងជាបន្ត​បន្ទាប់ រហូតមកដល់សម័យ​កុន​ឥឡូវ​នេះវិញ លោកក៏ទទួលបានការគាំទ្រកាន់តែខ្លាំងម្តងទៀតតាមរយៈរឿង «ធ្មប់» ហើយ​បន្ត​ផលិត​​៥រឿង​​បន្ថែម​ទៀត​ សរុប​ដល់​ទៅ​២០រឿង។

អ្វី​ដែល​គួរ​ឲ្យ​កត់​សម្គាល់​គឺ លោកទើបតែបញ្ចប់ការដាក់បញ្ចាំង​កម្មវិធី​មហោស្រពភាពយន្តខ្មែរនៅសហរដ្ឋអាមេរិកនាចុងឆ្នាំ២០១៨ និងជាប់ពានភាពយន្តឆ្នើមប្រចាំ​សម្រាប់​រឿង​ «ធ្មប់» ផងដែរ។ ចូលមកដល់ឆ្នាំ ២០១៩ នេះ ខ្សែភាពយន្តដែលអ្នកគាំទ្ររង់ចាំយ៉ាងអន្ទះសារនោះ​គឺរឿង​ « ទារុណកម្មខ្មោច» ដែលនឹងធ្វើការចាក់បញ្ចាំងនៅគ្រប់បណ្តារោងភាពយន្តចាប់ពីថ្ងៃ ទី២៨ ខែកុម្ភៈ ឆ្នាំ២០១៩ ខាងមុខនេះ ហើយលោកជឿជាក់ថាទទួលបានការគាំំទ្រច្រើនពីសំណាក់ប្រិយ​មិត្តអ្នកចូលចិត្ត​វិស័យ​កុន៕

មើលរូបភាពសកម្មភាពក្រោយការថតខ្លះៗខាងក្រោម៖

ផ្តល់សិទ្ធរូបភាពដោយ៖ លោក ហ៊ុយ យ៉ាឡេង

អត្ថបទ៖ សិរីរត្នន៍

មតិយោបល់