- 2019-02-07 03:20:00
- ជីវិតតារា
ថមមី និង សួស វីហ្សា បង្ហើបពីចំណុចពិសេសរបស់គូស្នេហ៍ ធ្វើឲ្យស្រលាញ់គ្នាដកចិត្តមិនរួច
- 2019-02-07 03:20:00
- ចំនួនមតិ 0 | ចំនួនចែករំលែក 0
ថមមី និង សួស វីហ្សា បង្ហើបពីចំណុចពិសេសរបស់គូស្នេហ៍ ធ្វើឲ្យស្រលាញ់គ្នាដកចិត្តមិនរួច
ចន្លោះមិនឃើញ
ថ្មីៗនេះគូស្នេហ៍តារាចម្រៀង សួស វីហ្សា និងតារាសម្ដែង ថមមី ទើបតែប្រកាសប្រាប់សាធារណជនថា ពួកគេកំពុងតែមានទំនាក់ទំនងស្នេហ៍ជាមួយគ្នា បន្ទាប់ពីទាក់ទងគ្នាអស់រយៈពេល៤ឆ្នាំរួចទៅហើយ។
ឆ្លើយតបមកកាន់ Sabay តារាទាំងគូរបានបញ្ជាក់ថា ស្នេហារបស់ពួកគេទាំងពីរគឺពិតជាឆ្លងកាត់នូវរឿងរ៉ាវជាច្រើនទម្រាំមានពេលដូចសព្វថ្ងៃនេះ។ "ហ្នឹងបងដំបូងឡើយ ពួកយើងគ្រាន់តែជាមិត្តជិតស្និទ្ធនឹងគ្នាទេ ប៉ុន្តែដោយសារតែមានចរិតលេងសើចច្រើនដូចគ្នាអីចឹង ក៏កាន់តែត្រូវគ្នាតែម្ដង។ ម្យ៉ាងទៀតអ្វីដែលខ្ញុំពេញចិត្តចំពោះគាត់នោះគឺ ការយកចិត្តទុកដាក់ចំពោះខ្ញុំមិនថា ជាមានទុក្ខធុរៈគ្រួសារ អ្នកផ្ទះខ្ញុំត្រូវចូលពេទ្យអី ក៏គាត់នៅតែនៅក្បែរខ្ញុំ កំដរខ្ញុំរហូតគឺប្ដូរផ្ដាច់តែម្ដង។" សួស វីហ្សា និយាយរៀបរាប់បែបនេះពី ថមមី។
ចំពោះខាងលោក ថមមី វិញក៏មានពាក្យពេចន៍ល្អៗពី វីហ្សា ច្រើនដែរ ដោយនិយាយថា អ្នកទាំងពីរធ្លាប់ឆ្លងកាត់រឿងរ៉ាវជាច្រើនជាមួយគ្នា កម្សត់ច្រើនជាងសប្បាយ ប៉ុន្តែលោកគិតថាគូស្នេហ៍ខ្លួនជាមនុស្សស្រីមួយរូបដែលរឹងមាំ និងមានចរិតល្អមិនចេះប្រកាន់ខ្លួននិងប្រកាន់វណ្ណៈអ្វីនោះឡើយ។
ចំពោះពេលនេះអ្នកទាំងពីរមិនទាន់មានគម្រោងរៀបការនៅឡើយទេ ដោយកំពុងតែប្រឹងធ្វើការខណៈពេលឱកាសរកចំណូលកំពុងតែអំណោយផល ជាក់ស្ដែងថ្មីៗនេះពួកគេទើបតែទៅសម្ដែងនៅប្រទេសកូរ៉េខាងត្បូងជាមួយគ្នាផងដែរ៕
រូបថតពី Facebook របស់ ថមមី