- 2019-02-07 07:10:00
- ជីវិតតារា
PeyPey Dy បង្ហើបពីចំណូលប្រចាំខែ រកបានដល់ទៅខ្ទង់ម៉ឺនដុល្លារ
- 2019-02-07 07:10:00
- ចំនួនមតិ 0 | ចំនួនចែករំលែក 0
PeyPey Dy បង្ហើបពីចំណូលប្រចាំខែ រកបានដល់ទៅខ្ទង់ម៉ឺនដុល្លារ
ចន្លោះមិនឃើញ
PeyPey Dy ត្រូវបានគ្រប់គ្នាស្គាល់ថាជាបុគ្គលល្បីឈ្មោះមួយរូប ដែលមានទេពកោសល្យសឹងតែគ្រប់បែប មិនថាជាបង្កើតវីដេអូកំប្លែង សម្ដែង ឬក៏ច្រៀងជាដើម អ្វីដែលគួរឲ្យកត់សម្គាល់បំផុតនោះគឺសមត្ថភាពរកស៊ីរបស់លោកតែម្ដង។
ថ្លែងមកកាន់ Sabay លោក PeyPey Dy ប្រាប់ថាខ្លួនរកចំណូលបានដល់ទៅខ្ទង់ជាងម៉ឺនដុល្លារឯណោះ ជារៀងរាល់ខែដោយលក់ផលិតផលថែរក្សាស្បែក។ "បាទបងខ្ញុំរកចំណូលបានខ្ទង់៣ម៉ឺនក្នុងមួយខែ ដោយលក់ផលិតផល ហ្នឹងគិតទាំងដើមបើគិតពីប្រាក់ចំណេញវិញ គឺបានខ្ទង់ជាង២ម៉ឺនក្នុងមួយខែ។" នេះបើតាម តារារូបនេះបញ្ជាក់។
ក្រៅពីលក់ផលិតផលនេះ លោកក៏នៅតែបន្តប្រឡូកក្នុងវិស័យសិល្បៈដដែល ដោយថ្មីៗនេះលោកទើបតែបានទៅសម្ដែងនៅប្រទេសកូរ៉េខាងត្បូងជាមួយតារាៗក្នុងស្រុកជាង២០រូបឯណោះ។ ក្នុងដំណើរនេះ Dy ក៏នឹងផលិតវីដេអូខ្លះៗ ដើម្បីចែកជូនអ្នកគាំទ្រខ្លួនផងដែរ បន្ទាប់ពីស្ងាត់មួយរយៈមិនសូវមានអ្វីថ្មីមកបង្ហាញ៕
