- 2019-02-18 03:05:00
- ស្ទីលតារា
ស្មោះស្ម័គ្រមែន! តារាទាំងនេះសុខចិត្តសាក់រូបគូស្នេហ៍ បង្ហាញក្តីស្រលាញ់ដោយគ្មានញញើត
- 2019-02-18 03:05:00
- ចំនួនមតិ 0 | ចំនួនចែករំលែក 0
ស្មោះស្ម័គ្រមែន! តារាទាំងនេះសុខចិត្តសាក់រូបគូស្នេហ៍ បង្ហាញក្តីស្រលាញ់ដោយគ្មានញញើត
ចន្លោះមិនឃើញ
ដើម្បីកាន់តែបង្ហាញទំហំចិត្តស្រលាញ់ខ្លាំង មិនអាចកាត់ថ្លៃបានសម្រស់ម្ចាស់ចិត្តខ្លួន តារាបីដូងបានសម្រេចសាក់រូប និងឈ្មោះមនុស្សជាទីស្រលាញ់ខ្លួន ដោយមិនរុញរា។ សុខចិត្តលះបង់សាច់ មិនខ្លាចការឈឺចាប់បែបនេះ ទង្វើនេះកាន់តែធ្វើឲ្យទស្សនិកជន លាន់មាត់គ្រប់គ្នាពីការលះបង់ចំពោះគូស្នេហ៍របស់ខ្លួន។
១. G-Devith
តារាចម្រៀងខ្ពស់ស្រលះរូបនេះ បានសាក់រូបកញ្ញា ទេព បូព្រឹក្ស នៅដើមដៃរបស់ខ្លួនយ៉ាងធំ ដោយមានទាំងដាក់ពណ៌ស្រស់ស្អាតថែមទៀតផង។ នេះជាសក្ខីយភាពមួយបង្ហាញថា ក្រៅពីម្ចាស់បទ "ឈូសទឹកកក" G-Devith គ្មាននារីណាផ្សេងមកជំនួសបានឡើយ បើទោះបូព្រឹក្សតែងប្រច័ណ្ឌលោកញឹកញាប់ក៏ដោយ។
ពេលឃើញគូស្នេហ៍ខ្លួនសាក់រូបបែបនេះ តារាចម្រៀងនៅផលិតហង្សមាសសប្បាយចិត្ត និងសង្ឃឹមថារូបនេះមិនត្រឹមស្ថិតនៅលើដៃទេ តែស្ថិតនៅក្នុងបេះដូងរបស់តារាមកពីខេត្តបាត់ដំបងផងដែរ។
២. សាន ផានិត
អ្នកណាក៏ដឹងថា ដើម្បីបញ្ជាក់ក្តីស្រលាញ់មិនអាចកាត់ថ្លៃបាន ម្ចាស់បទ "ទូរស័ព្ទប្រាប់ផង" បានសាក់ឈ្មោះ កែវ នីសា នៅដើមទ្រូងខាងឆ្វេង កាលនៅជាសង្សានឹងគ្នា។ ក្រោយពីបែកគ្នា ហើយតារាចម្រៀងរូបនេះមានប្រពន្ធកូន តែភ្លាមៗស្នាមសាក់នេះមិនទាន់លុបចោលឡើយ។ ចំណែក ប្រពន្ធរបស់សាន ផានិត ទោះឃើញស្នាមសាក់ឈ្មោះអតីតសង្សាលើដើមទ្រូងប្ដី ក៏មិនខឹងតែបែរជាឲ្យប្តីនៅរក្សាស្នាមសាក់នេះទៅវិញ ដែលទឹកចិត្តនេះធ្វើឲ្យលោកសាន ផានិត ក្ដុកក្ដួល កាន់តែអាណិតស្រលាញ់ប្រពន្ធទ្វេដង។
ទោះយ៉ាងណា ម្ចាស់បទ"ភ្លេងការ" មិនអាចបន្តទុកស្នាមសាក់នេះទៀតឡើយ ដោយលោកបានសម្រេចចិត្តលុបចោល ហើយដាក់ឈ្មោះកូនប្រុសបណ្ដូលចិត្តរបស់ខ្លួនវិញ។
៣. អេង ឬទ្ធី
ក្រៅពីបង្ហាញទំហំស្រលាញ់ស្ទើរអស់ពីពោះ សម្រាប់ពិធីការីនី ស៊ឹម សូលីកា និងកូនស្រី លោក អេង ឬទ្ធី នៅសាក់រូបម្ចាស់ចិត្តលើដើមទ្រូងបន្ថែមទៀត។
ចំណងស្នេហ៍អ្នកទាំងពីរបានបើកចំហ និងបង្ហាញភាពផ្អែមល្ហែមយ៉ាងត្រជាក់ចិត្ត ប្រៀបដូចជាស្រមោចនិងស្ករ ដែលមើលទៅសុភមង្គលគ្រួសារនេះពោរពេញដោយក្តីសុខ។
