- 2019-02-26 03:44:30
- ព័ត៌មាន
តារាប្រុស ៤គូនេះ ជាមិត្តរួមបន្ទប់ស្និទ្ធនឹងគ្នាបំផុតក្នុងចំណោមក្រុម K-pop ទាំងអស់
- 2019-02-26 03:44:30
- ចំនួនមតិ 0 | ចំនួនចែករំលែក 0
តារាប្រុស ៤គូនេះ ជាមិត្តរួមបន្ទប់ស្និទ្ធនឹងគ្នាបំផុតក្នុងចំណោមក្រុម K-pop ទាំងអស់
ចន្លោះមិនឃើញ
ជារឿងធម្មតាទៅហើយសម្រាប់ក្រុមតារា K-Pop ដែលត្រូវចែកបន្ទប់គ្នាគេងនៅក្នុងអគារស្នាក់នៅរបស់ពួកគេ ជាពិសេសឆ្នាំដំបូងៗដែលពួកគេបង្ហាញមុខលើវិថីសិល្បៈ។ ការរស់នៅជាមួយគ្នា គឺជាឱកាសសម្រាប់តារាទាំងនោះបង្កើតទំនាក់ទំនងកាន់តែជិតស្និទ្ធ លើសពីមិត្តរួមក្រុមទៅទៀត។ តើមានអ្នកណាខ្លះដែរ ដែលត្រូវបានអ្នកគាំទ្រលើកថាជាដៃគូដ៏ល្អនឹងគ្នា មកដឹងដូចតទៅ៖
១. Suho និង Sehun (ក្រុម EXO)
ទំនាក់ទំនងរវាងមេក្រុម និងសមាជិកក្មេងជាងគេរបស់ EXO ទាក់ទាញចំណាប់អារម្មណ៍ Fan ជាច្រើន។ កាលរស់នៅជុំបន្ទប់ជាមួយគ្នា អ្នកទាំង ២បានបង្កើតអនុស្សាវរីយ៍រាប់មិនអស់ និងស្រឡាញ់រាប់អានគ្នាប្រៀបដូចបងប្អូនរួមផ្ទៃ។
២. Jin និង Suga (ក្រុម BTS)
អ្នកទាំង ២ក៏ត្រូវគេអួតសរសើរពីមិត្តភាពមិនអាចកាត់ថ្លៃបានដែរ ក្នុងនាមជាមិត្តរួមបន្ទប់ជាមួយគ្នា។ ស្របពេល Jin និង Suga សុទ្ធតែជាសមាជិកមានអាយុច្រើនជាងគេក្នុងក្រុម ដូចនេះមើលទៅពួកគេ ហាក់យល់ពីគ្នាច្រើនជាងសមាជិកដទៃ។
៣. BamBam និង Yugyeom (ក្រុម GOT7)
សមាជិក ២នាក់នេះ ត្រូវគ្នាណាស់ កាលនៅបន្ទប់ជាមួយគ្នា តែបើទោះពេលនេះពួកគេលែងគេងជាមួយគ្នាក៏ដោយ ក៏ទំនាក់ទំនងជិតស្និទ្ធ និងក្ដីស្រឡាញ់ដូចបងប្អូនល្អ ពួកគេនៅតែរក្សាជានិច្ច។
៤. Jaehyun និង Haechan (ក្រុម NCT)
បើទោះជាការបែងចែកបន្ទប់គ្នាគេងសម្រាប់ក្រុម NCT ត្រូវបានផ្លាស់ប្ដូរ ប៉ុន្តែ Jaehyun និង Haechan បានបន្សល់ទុកនៅអនុស្សាវរីយ៍ជាច្រើន។ ទំនាក់ទំនងជិតស្និទ្ធរបស់អ្នកទាំង ២ពិតជាគួរឲ្យកោតសរសើរ ហើយពេលឃើញបែបនេះ ប្រាកដណាស់អ្នកគាំទ្រក៏សប្បាយចិត្តដែរ។
៥. Wonwoo និង S. Coups (ក្រុម Seventeen)
នៅពេល Seventeen ផ្លាស់ទៅរស់នៅកន្លែងស្នាក់ថ្មី S.Coups ដែលជាមេក្រុមត្រូវចែកបន្ទប់ជាមួយនឹង Wonwoo។ ដោយសារជាមនុស្សចូលចិត្តលេងហ្គេមដូចគ្នា អ៊ីចឹងហើយពួកគេពិតជាត្រូវគ្នាណាស់ បេះមិនចង់ចេញទេ៕