រឿងថ្មីរបស់ Joongki និង Jiwon ត្រូវគេលើកថាជារឿង "Game of Thrones" របស់កូរ៉េ

2019-03-05 02:09:32
ភាពយន្ត

2019-03-05 02:09:32
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងថ្មីស្វាគមន៍ដំណើរវិលមកវិញរបស់តារាសម្ដែង Song Joong Ki និង Kim Ji Won កំពុងធ្វើឲ្យមហាជនជាច្រើនទន្ទឹងរង់ចាំទស្សនាគ្រប់ៗគ្នា។

តាមរយៈព័ត៌មានដែលបានចុះផ្សាយនាពេលកន្លងមក រឿងថ្មីដែលមានចំណងជើងថា "Asadal Chronicles” នឹងក្លាយជារឿងភាគល្អបំផុត ក្រោមស្នាដៃផលិតរបស់ផលិតកម្ម Studio Dragon។ ផ្អែកតាមប្រភព បានឲ្យដឹងថា រឿងនេះចំណាយអស់ដល់ទៅ ៤០ពាន់លានវ៉ុន (ប្រហែល ៣៥,៥លានដុល្លារ) ហើយត្រូវបានលើកថាជារឿង "Game of Thrones" របស់កូរ៉េទៀត។ ខ្សែភាពយន្តបែបបុរាណជាប្រវត្តិសាស្ត្រនេះផងដែរ ក៏នឹងក្លាយជារឿងថ្មីដែល មនុស្សជាច្រើនរំពឹងថា នឹងផ្ទុះកក្រើក ព្រោះសាច់រឿងពិសេស ព្រមទាំងប្រមូលផ្ដុំតួល្បីៗជាច្រើន។

“Asadal Chronicles” គ្រោងនឹងចាក់បញ្ចាំងជាផ្លូវការនៅក្នុងពេលឆាប់ៗ ឆ្នាំ ២០១៩នេះ។ Song Joong Ki គ្រងតំណែងជាតួឯកជាមួយ Kim Ji Won ព្រមទាំងមានការចូលរួមសម្ដែងជាមួយនឹង Jang Dong Gun, Kim Okbin, Jo Sungha និងតារាប្រុសស្រីជាច្រើនរូបទៀត៕

ប្រភព៖ kstarlive ប្រែសម្រួល៖ យី សុធារី