- 2019-03-18 04:36:57
- ព័ត៌មាន
ដល់ករបាត់ មានព័ត៌មាន នៅអាមេរិកឯណោះ កក្រើក មុន ព្រាប សុវត្ថិ និងកូនៗទៅដល់ទៀត!
- 2019-03-18 04:36:57
- ចំនួនមតិ 0 | ចំនួនចែករំលែក 0
ដល់ករបាត់ មានព័ត៌មាន នៅអាមេរិកឯណោះ កក្រើក មុន ព្រាប សុវត្ថិ និងកូនៗទៅដល់ទៀត!
ចន្លោះមិនឃើញ
តារាចម្រៀង ព្រាប សុវត្ថិ និងកូនៗទាំង៣ រួមទាំងក្រុមតន្ត្រីលោកផង បានធ្លាយព័ត៌មានគ្រោងចេញទៅសម្ដែងនៅសហរដ្ឋអាមេរិកឆាប់ៗនេះ ស្របពេលបច្ចុប្បន្ននៅនាយសមុទ្រនោះ កំពុងរំជើបរំជួលសម្បើមណាស់។
ភាពរំជើបរំជួលនោះ គឺដោយសារតែបងប្អូនខ្មែររស់នៅអាមេរិក បាន និងកំពុងរកឱកាសចូលរួមការប្រគំតន្ត្រីរបស់ក្រុមគ្រួសារតារាចម្រៀងល្បីទៅពីកម្ពុជា ក្នុងនោះ មានទាំងការដណ្ដើមទិញសំបុត្រ និងខ្លះទៀតស្វះស្វែងរកព័ត៌មានពីការសម្ដែងបន្ទាប់ៗរបស់ ឪពុកកូនលោក ព្រាប សុវត្ថិ ថាពួកគេនឹងទៅសម្ដែងនៅតំបន់ណា ទីក្រុង ឬរដ្ឋណាផ្សេងទៀត។
ប្រភពពីពលរដ្ឋខ្មែររស់នៅសហរដ្ឋអាមេរិកម្នាក់បានឲ្យដឹងថា ចាប់តាំងពីមានព័ត៌មានថា តារាចម្រៀងជួរមុខរបស់កម្ពុជា គ្រោងទៅជាន់ទឹកដីសហរដ្ឋអាមេរិកលើកទី២នេះមក បងប្អូនខ្មែរដែលជាអ្នកគាំទ្រលោក ព្រាប សុវត្ថិ និងកូនៗ ដណ្ដើមគ្នាទិញសំបុត្រសម្រាប់ចូលទស្សនា។ "ខ្ញុំរាប់ថាលឿនជាងគេដែលទិញបាន តែឥឡូវគឺអស់ហើយ អស់តាំងពីថ្ងៃដែលខ្ញុំទិញម្ល៉េះ ក្រោយតែប៉ុន្មានម៉ោងប៉ុណ្ណោះ"។
ព័ត៌មាន ស៊ីគ្នានឹងអ្វីដែលលោក ហង្ស ឈា សហម្ចាស់ឧបត្ថម្ភមួយរូប បានបញ្ចេញលឺហ្វេសប៊ុកលោកថ្មីៗនេះដែរថា សំបុត្រចូលទស្សនាការប្រគំតន្ត្រីរបស់ ឪពុកកូន ព្រាប សុវត្ថិ នៅឯកាស៊ីណូ Foxwoods សរុបទាំងអស់ប្រមាណ ១៥០០សំបុត្រ នោះបានលក់អស់ហើយ។ ក្នុងនោះដែរ អ្នករៀបចំ បានធ្វើការសុំអភ័យទោសចំពោះប្រិយមិត្តដែលមិនបានទិញសំបុត្រទាន់ពេល។ បញ្ហានេះ ម្ចាស់សំណេរបានបញ្ជាក់ខ្លីថា សំបុត្រពិតជាបានលក់អស់មែន និងលឿនជាងការប្រគំតន្ត្រីផ្សេងទៀតដែលលោកបានរៀបចំកន្លងមក។
លោក ព្រាប សុវត្ថិ និងកូន រួមទាំងក្រុមតន្ត្រីពួកគេ គ្រោងទៅអាមេរិកឆាប់ៗនេះ ដោយកាលបរិច្ឆេទផ្លូវការ មិនទាន់ត្រូវបានបញ្ជាក់។ ដំណើរនេះ ជាលើកទី ២របស់លោក ព្រាប សុវត្ថិ ប៉ុន្តែជាលើកដំបូងសម្រាប់កូនៗរបស់លោកទៅអាមេរិកតាមអ្នករៀបចំខាងលើ។ បញ្ហានេះ ប្រភពមិនបញ្ចេញឈ្មោះខាងលើ បានសង្កត់ធ្ងន់ថា លោក ព្រាប សុវត្ថិ គឺជារឿងមួយ ប៉ុន្តែ កូនៗទាំង៣របស់លោក គឺជាចំណុចទាកទាញដ៏ខ្លាំងមួយទៀត ពោលគឺអ្នកគាំទ្រទំនងចង់ឃើញការសម្ដែងផ្ទាល់របស់កូនទាំង៣ របស់កំពូលតារាចម្រៀង។
ជុំវិញបញ្ហានេះ លោក ហង្ស ឈា សុំមិនធ្វើការអត្ថាធិប្បាយវែងឆ្ងាយ។ លោកថា អាស្រ័យលើការយល់ឃើញរបស់បងប្អូនអ្នកគាំទ្រទាំងអស់ ប៉ុន្តែលោកអាចនិយាយបានថា ពួកគេ (ឪពុកកូនព្រាប សុវត្ថិ) មានភាពទាក់ទាញខ្លាំងដូចៗគ្នា៕