- 2019-03-28 03:37:50
- ព័ត៌មាន
នាយ ក្រឹប-នាយក្រិន តូចតែមាឌ បើនិយាយពីកូនវិញ អ្នកមានកាយសម្បទាគ្រប់គ្រាន់សុំខ្មាស
- 2019-03-28 03:37:50
- ចំនួនមតិ 0 | ចំនួនចែករំលែក 0
នាយ ក្រឹប-នាយក្រិន តូចតែមាឌ បើនិយាយពីកូនវិញ អ្នកមានកាយសម្បទាគ្រប់គ្រាន់សុំខ្មាស
ចន្លោះមិនឃើញ
ទស្សនិកជនច្បាស់ជាស្គាល់ហើយ នាយក្រិន និង នាយក្រឹប ពួកគេទាំងពីរសុទ្ធតែមានមាឌតូចទាបដូចគ្នា ហើយពួកគេម្នាក់ៗសុទ្ធតែមានប្រពន្ធកូនដូចៗគ្នា និងមានកូនច្រើនទៀតផង ដែលត្រង់នេះធ្វើឲ្យអ្នកដែលមានកាយសម្បទាគ្រប់គ្រាន់អាចនឹងសុំចាញ់។
១.នាយក្រិន ៖ នាយក្រិន ត្រូវបានគេដឹងថា មានកូនរហូតដល់ទៅ៤នាក់ទៅហើយ ប្រុស២ស្រី២ ក្នុងនោះកូនប្រពន្ធដើម ១នាក់ប្រុស បច្ចុប្បន្នកំពុងរស់នៅជាមួយប្រពន្ធដើមនៅឯនៅឯខេត្តព្រះសីហនុ។ នាយក្រិន បានរៀបការជាមួយភរិយាទី២ របស់ខ្លួនបានជាង៦ឆ្នាំមកហើយ បន្ទាប់ពីចែកផ្លូវពីភរិយាដើម។ កូនទី១ ប្រុស មានវ័យ៨ឆ្នាំជាង បច្ចុប្បន្នកំពុងរស់នៅជាមួយអតីតភរិយា នៅឯកំពង់សោម។
ចំណែកកូនទី២ ប្រុស មានវ័យជិត៥ឆ្នាំ កូនទី៣ ស្រី មានវ័យជាង២ឆ្នាំ និងកូនទី៤ គឺជាកូនស្រី មានវ័យជិត១ឆ្នាំ។ នាយក្រិន ត្រូវបានគេដឹងថា មានជីវភាពប្រសើរជាងនាយក្រឹប ព្រោះនាយមានការងារសិល្បៈច្រើនជាង ហើយមានមុខរបរបើកហាងផ្សេងទៀតក្រៅ ពីការងារសិល្បៈ។
នាយក្រិនក៏មានឪពុកធម៌ មិនខុសពី នាយក្រឹបដែរ ដែលឪពុកធម៌របស់នាយ គឺតារាកំប្លែងជើងចាស់នាយកុយ។ ចំពោះការយកកូននេះ ទោះបីជាបច្ចុប្បន្នមានកូនរហូតដល់ទៅ៤នាក់ហើយ នាយក្រិន មិនទាន់ប្រកាសបិទបញ្ជីត្រឹមនេះដូចគ្នា។ នាយលើកឡើងថា ស្រួលមិនស្រួល នាយអាចនឹងយកថែមទៀតក៏អាចថាបាន។
២.នាយក្រឹប៖ តារាសម្ដែងនាយក្រឹប ត្រូវបានគេដឹងថា មានកូន២នាក់ ប្រុសទាំង២ ក្នុងនោះកូនច្បងមានវ័យ៥ឆ្នាំជាង និងកូនប្អូនមានវ័យ២ឆ្នាំកន្លះ។ ប្រពន្ធរបស់តារាមានល្អិតវ័យ៣៥ឆ្នាំរូបនេះ មាននាទីមើលថែកូននៅឯស្រុកកំណើតស្ថិតក្បែរផ្សារអ្នកលឿង ខេត្ត ព្រៃវែង។
នាយក្រឹប បានឲ្យដឹងថា សេដ្ឋកិច្ចក្រុមគ្រួសារទាំងមូល គឺពឹងផ្នែកលើ នាយទាំងស្រុង ប៉ុន្តែអាចថាជាសំណាងល្អ នាយត្រូវបាននាយគ្រួច យកទៅធ្វើជាកូនធម៌ និងផ្ដល់ការងារសិល្បៈជាបន្តបន្ទាប់ តាមរយៈការចុះលេងកំប្លែង ឬការប្រគំតន្ត្រីនាយ តាមរោងការ ឬតាមថ្នាក់ដឹកនាំ។ បែបនេះក្ដី នាយថ្លែងថា ការងារសិល្បៈរាល់ថ្ងៃនេះ គឺបានម៉ាគ្រប់ៗគ្រាន់ចិញ្ចឹមប្រពន្ធកូនប៉ុណ្ណោះ មិនមានអ្វីសល់ជាដុំកំភួនឡើយ។
ចំពោះការយកកូននេះ ទោះបីជាបច្ចុប្បន្នមានកូន២នាក់ហើយ និងសេដ្ឋកិច្ចមិនទាន់ប្រសើរបែបណាក្ដី នាយក្រឹប មិនព្រមបិទបញ្ជីត្រឹមនេះឡើយ នាយថ្លែងថា ប្រសិនទៅថ្ងៃមុខសេដ្ឋកិច្ចគ្រួសារប្រសើរជាងនេះបន្តិចនោះ នាយគ្រោងតាមយកកូនស្រីម្នាក់ទៀត៕
