- 2019-04-02 02:13:54
- ព័ត៌មាន
តារារ៉េប Nipsey Hussle ត្រូវឃាតករបាញ់សម្លាប់ក្នុងវ័យ ៣៣ ឆ្នាំ
- 2019-04-02 02:13:54
- ចំនួនមតិ 0 | ចំនួនចែករំលែក 0
តារារ៉េប Nipsey Hussle ត្រូវឃាតករបាញ់សម្លាប់ក្នុងវ័យ ៣៣ ឆ្នាំ
ចន្លោះមិនឃើញ
តារារ៉េបសញ្ជាតិអាមេរិក Nipsey Hussle បានស្លាប់បាត់បង់ជីវិតនៅក្នុងវ័យត្រឹមតែ ៣៣ ឆ្នាំ ក្រោយរងការបាញ់ប្រហារក្នុងទីក្រុង Los Angeles កាលពីថ្ងៃអាទិត្យ ទី ៣១ ខែមីនាកន្លងទៅនេះ។
តារារ៉េបដែលមានឈ្មោះពិតប្រាកដថា Ermias Davidson Asghedom ត្រូវបានឲ្យដឹងថា រងការបាញ់ប្រការទៅលើរូបលោកជាច្រើនដង នៅក្រៅហាងលក់សម្លៀកបំពាក់របស់លោកផ្ទាល់ ដែលមានទីតាំងនៅប៉ែកខាងត្បូងនៃទីក្រុង Los Angeles កាលពីរសៀល ថ្ងៃអាទិត្យ វេលាម៉ោងប្រហែល ៣ និង ២០នាទី។
តារារ៉េប Nipsey រួមនឹងជនរងគ្រោះ៣ នាក់ផ្សេងទៀត ត្រូវបានបញ្ជូនទៅកាន់មន្ទីរពេទ្យភ្លាមៗ ប៉ុន្តែលោកបានដាច់ខ្យល់ស្លាប់ពេលដល់ពេទ្យ។
ចំពោះឃាតកគឺមិនទាន់បញ្ជាក់អត្តសញ្ញាណបាននៅឡើយទេ ខណៈពួកគេបានរត់គេចខ្លួន ក្រោយពេលកើតហេតុ៕