- 2019-04-12 04:39:48
- ព័ត៌មាន
យល់ថាអយុត្តិធម៌ពេក តារាសម្ដែង ហាណា សុខចិត្តជួយសង១០០ដុល្លារជំនួស ទោះមិនមែនរឿងខ្លួនឯងសោះ
- 2019-04-12 04:39:48
- ចំនួនមតិ 0 | ចំនួនចែករំលែក 0
យល់ថាអយុត្តិធម៌ពេក តារាសម្ដែង ហាណា សុខចិត្តជួយសង១០០ដុល្លារជំនួស ទោះមិនមែនរឿងខ្លួនឯងសោះ
ចន្លោះមិនឃើញ
តារាសម្ដែង ល័ក្ខណ ហាណា បានសុខចិត្តចេញថវិកាផ្ទាល់ខ្លួនចំនួន ១០០ដុល្លារ ជួយសងជំនួសក្នុងករណីគ្រោះថ្នាក់ចរាចរណ៍មួយ ដែលនាងអះអាងថា ជារឿងអយុត្តិធម៌សម្រាប់ជនដែលត្រូវគេចាប់ឲ្យសង។
"រឿងគេសោះ ឯងលូកដៃចូលព្រោះតែអាណិត គ្នាយំផងលើកដៃសំពះផង អាណិតក៏ជួយចេញសងអោយ100$ រឿងគេ តែវាអយុត្តិធម៌សម្រាប់ខ្មែរ ហុី...!”។ ហាណា ថ្លែង
ហេតុការណ៍នេះ បានកើតឡើងយប់មិញ យ៉ាងណាតារាស្រីមិនបានបញ្ចេញឲ្យដឹងទីតាំងកើតហេតុពិតប្រាកដនោះទេ។ តាមការមើលឃើញហេតុការណ៍ផ្ទាល់ភ្នែក កញ្ញា ហាណា បានឲ្យដឹងថា ហេតុការណ៍នោះ គឺជាការប៉ះទង្គិចគ្នារវាងម៉ូតូ និងម៉ូតូ ២គ្រឿង ក្នុងនោះមួយគ្រឿង បើកបរដោយយុវជនវ័យក្មេងម្នាក់។ ម៉ូតូទាំងពីរ ធ្វើដំណើរក្នុងទិសដៅខ្វែងគ្នា ហើយដោយមិនប្រុងប្រយ័ត្ន ម៉ូតូទាំងពីរក៏បានប៉ះគ្នា។
ហាណា បញ្ជាក់ថា ក្មេងប្រុសក្នុងរូប គឺធ្វើដំណើរផ្លូវត្រង់ ឯភាគីម្ខាងទៀត ជាអ្នកឆ្លងកាត់។ "ក្មេងប្រុសនោះ ជិះត្រង់ ហើយម៉ូតូមួយទៀតឆ្លងផ្លូវក៏ប៉ះគ្នា ហើយអោយម៉ូតូគ្នាជិះត្រង់នោះសងទាំងអស់ ទាំងគ្នាគ្មានលុយមួយរៀល ហើយដើរតាមសំពះអង្វររហូត!”។ ហាណា ថ្លែង។
ក្នុងហេតុការណ៍ តារាស្រី យល់ថា ក្មេងប្រុសដែលបើកបរផ្លូវត្រង់ គឺជាអ្នកមានអាទិភាព ប៉ុន្តែពេលកើតរឿងនេះ ស្រាប់តែត្រូវគេចាប់ឲ្យសងទៅវិញ។ ដោយសារមិនមានលុយសូម្បីមួយរយជាប់ខ្លួន ក្មេងប្រុសបានសំពះអង្វរភាគីម្ខាងទៀត។ ឃើញដូច្នេះ នាង អាណិតពេក ក៏ជួយចេញលុយ ១០០ដុល្លារ សងជំនួសតែម្ដងទៅ បើទោះខ្លួនមិនជាប់ពាក់ព័ន្ធនឹងហេតុការណ៍ខាងលើនេះក៏ដោយ។ សកម្មភាពនេះ តារាសម្ដែង ហាណា ទទួលបានការសរសើរ និងលើកទឹកចិត្តយ៉ាងច្រើន៕
