- 2019-04-12 06:15:14
- ព័ត៌មាន
មានពិសោធជាមួយផលិតករកំពូលៗ Sophea Kim សម្រេចចាយលុយផ្ទាល់ខ្លួនផលិតរឿង តែឥឡូវអស់លុយទៅហើយ!
- 2019-04-12 06:15:14
- ចំនួនមតិ 0 | ចំនួនចែករំលែក 0
មានពិសោធជាមួយផលិតករកំពូលៗ Sophea Kim សម្រេចចាយលុយផ្ទាល់ខ្លួនផលិតរឿង តែឥឡូវអស់លុយទៅហើយ!
ចន្លោះមិនឃើញ
កូនខ្មែរម្នាក់ដែលមានឈ្មោះថា Sophea Kim បានបង្ហាញមហិច្ឆតាផលិតខ្សែភាពយន្តមួយរឿង ក្នុងបំណងលើកស្ទួយវិស័យភាពយន្តខ្មែរ ប៉ុន្តែអ្វីដែលយុវផលិតកររូបនេះកំពុងត្រូវការបំផុតនោះ គឺការគាំទ្របន្ថែមលើដើមទុនដើម្បីបញ្ចប់ បន្ទាប់ពីថវិកាផ្ទាល់ខ្លួន ដល់កំណត់ទៅហើយ។
Sophea Kim ដែលបានកើត និងធំដឹងក្ដីក្នុងប្រទេសកម្ពុជា បានប្រឡូកក្នុងវិស័យផលិតកុននេះជាមួយជនបរទេសអស់រយៈពេលជាង ១២ឆ្នាំឯណោះ។ ក្នុងនោះ ចាប់តាំងពីឆ្នាំ ២០០៧ Sophea ក៏មានឱកាសបានរួមការងារយ៉ាងជិតស្និទ្ធជាមួយនឹងផលិតករភាពយន្តជាតិ និងអន្តរជាតិជាច្រើននាក់ដូចជា៖ Rithy Panh, Regis Wargnier, Chantal Akerman, Jeanne Labrune, Angelina Jolie ជាដើម។
ឈានចូលឆ្នាំថ្មី Sophea មានអាយុ ៣៥ឆ្នាំហើយ ហើយក៏ជាពេលដែលផលិតកររូបនេះ សម្រេចផលិតរឿងដោយខ្លួនឯងជាលើកដំបូង ក្នុងនាមជាអ្នកដឹកនាំម្នាក់។ អ្វីដែលជាបទពិសោធន៍ដែល Sophea បានឆ្លងកាត់នាពេលកន្លងមកក្នុងជីវិត នាងនឹងចែករំលេចក្នុងរឿងថ្មីមានចំណងជើងថា "GREY FEATHER”។ តាមរយៈ រឿងនេះផងដេរ Sophea ចង់លាតត្រដាងពីជីវិតយុវវ័យដែលកើតកាលពីជំនាន់ខ្មៅងងឹត និងបានតស៊ូពុះពាររាល់ឧបសគ្គ និងឆ្លងកាត់ការផ្លាស់ប្ដូរសង្គមរស់នៅជាច្រើនជំនាន់។
ទាក់ទងគោលបំណងនៃការផលិតរឿងនេះវិញ សម្រាប់ Sophea និងមិត្តភ័ក្ដិ ពិតជាប្រឈមនឹងសំណួរជាច្រើនពីវប្បធម៌ និងសង្គមរស់នៅ។ ដូច្នេះហើយ នាងចង់ប្រើប្រាស់ភាពយន្តនេះ ដើម្បីឆ្លើយតបទៅសំណួរទាំងឡាយ។
ការងារផលិតកុនមួយនេះពិតជាមានសារសំខាន់សម្រាប់ Sophea ក្នុងនាមជាផលិតករកុនខ្មែរ ដែលជាស្ត្រី ហេតុនេះការគាំទ្រលើកទឹកចិត្ត ពិតជាត្រូវការជាចាំបាច់។ ម្យ៉ាង នេះក៏ជាកត្តាចម្បង ដែលអាចធ្វើឲ្យផលិតកររូបនេះ មានកម្លាំងចិត្តបន្តធ្វើការងារនេះឲ្យកាន់តែល្អ ដើម្បីបង្ហាញទៅឆាកអន្តរជាតិថា ខ្មែរក៏អាចធ្វើបានដែរ។ យ៉ាងណា ដូចបរិយាពីខាងលើ Sophea កំពុងត្រូវការដើមទុន ដើម្បីថតបញ្ចប់រឿងនេះ។
ដូច្នេះដើម្បី ចូលរួមបរិច្ចាគ សូមចុចលើតំណរនេះ ដើម្បីចូលទៅរើសប្រភេទនៃការបរិច្ចាគដែលខ្លួនចង់ធ្វើ ដែលមានទាំងអស់ ៣ប្រភេទ!!!