Marvel កំពុងស្វែងរកតួអង្គភេទទី៣ សញ្ជាតិអាស៊ីសម្រាប់ភាពយន្តរឿង "The Eternals”

2019-04-19 08:51:59
ភាពយន្ត

2019-04-19 08:51:59
ចំនួនមតិ 0 | ចំនួនចែករំលែក 0

ចន្លោះមិនឃើញ

Marvel Studios ត្រូវបានឲ្យដឹងថា កំពុងតែធ្វើការស្វែងរកតួអង្គភេទទី ៣ សញ្ជាតិអាស៊ីដែលស័ក្ដិសមបំផុតសម្រាប់ខ្សែភាពយន្តថ្មី "The Eternals”។

បើតាម That Hashtag Show បានឲ្យដឹងថា តារាសម្ដែងដែលកំពុងស្វែងរក គឺត្រូវស័ក្ដិសមគ្នាជាមួយនឹងតួអង្គដែលមានបុគ្គលិកលក្ខណៈ "ឆ្លាត មានមនោសញ្ចេតនា និងគិតគូរខ្ពស់ចំពោះក្រុមគ្រួសារ"។ តាមសេចក្ដីរាយការណ៍ក៏បានឲ្យដឹងដែរថា តារាសម្ដែង Conrad Ricamora ដែលដើរតួជា Oliver Hampton ក្នុងស្រឡាយរឿង "How to Get Away with Murder” កំពុងស្ថិតក្នុងការពិចារណាជ្រើសជាតួអង្គសំខាន់មួយក្នុងភាពយន្តថ្មីរបស់ Marvel មួយនេះ។

“The Eternals” ជាខ្សែភាពយន្តមួយ ផ្ដោតសំខាន់លើក្រុម Super-powered ដែលតួអង្គនីមួយៗត្រូវបានយកតាមលំនាំសៀវភៅរឿងព្រេងក្នុងឆ្នាំ ១៩៧៩របស់ Jack Kirby។ ខណៈតួអង្គដែលមានបុគ្គលិកលក្ខណៈជាភេទទី ៣ នៅមិនទាន់ស្វែងរកបាន តួអង្គមួយចំនួនទៀតដូចជា Sersi, Ikaris និង Piper ត្រូវបានកំណត់រួចរាល់។

តារាសម្ដែង Kumail Nanjiani ត្រូវបានជ្រើសរើសឲ្យសម្ដែងជាតួឯក អមជាមួយតារាសម្ដែង Angelina Jolie ដើរតួជា Sersi។ តារាសម្ដែងប្រចាំប្រទេសកូរ៉េ Ma Dong-Seok ក៏ត្រូវបានបញ្ជាក់ថាចូលរួមសម្ដែងក្នុងខ្សែភាពយន្តថ្មីមួយនេះផងដែរ។ គួរបញ្ជាក់ដែរថា ខ្សែភាពយន្ត "The Eternals” ចាប់ផ្ដើមដំណើរការថតនៅក្នុងឆ្នាំនេះ និងរំពឹងថានឹងចាក់បញ្ចាំងជាផ្លូវការនៅក្នុងឆ្នាំ ២០២០ ខាងមុខនេះ៕