- 2019-05-01 01:10:00
- ព័ត៌មាន
តារាប្រុសនិយមសិចស៊ី លី ឧត្ដម ឡើងស៊េរីរថយន្តធ្វើមិនដឹង ក្រោយចូលឆ្នាំខ្មែរ
- 2019-05-01 01:10:00
- ចំនួនមតិ 0 | ចំនួនចែករំលែក 0
តារាប្រុសនិយមសិចស៊ី លី ឧត្ដម ឡើងស៊េរីរថយន្តធ្វើមិនដឹង ក្រោយចូលឆ្នាំខ្មែរ
ចន្លោះមិនឃើញ
តារាសម្ដែងដែលមានឈាមជ័រជាកូនកាត់ឥណ្ឌា លោក លី ឧត្ដម ដែលល្បីខាងបញ្ចេញភាពភាពសិចស៊ីលើបណ្ដាញសង្គម មួយរយៈចុងក្រោយនេះហាក់មានទីផ្សារប្រសើរខ្លាំង អ្វីដែលជាការចាប់អារម្មណ៍នោះលោកទើបតែឡើងស៊េរីរថយន្តទំនើប១គ្រឿង តាមតម្លៃដល់ទៅជាង៣ម៉ឺនដុល្លារឯណោះ។
រថយន្តដែល លោក លី ឧត្ដម ឡើងតែទិញនោះ គឺម៉ាកឡិចស៊ីស RX330 ដោយលោកបានទិញក្នុងតម្លៃ៣២០០០ ដុល្លារ។ លោក ទើបតែទិញកាលជាងកន្លះខែមកនេះ ដោយប្រាក់យកមកទិញរថយន្តនោះ តារាសម្ដែងរូបនេះបានថ្លែងឲ្យដឹងថា គឺជាកម្លាំងញើសឈាមរបស់ខ្លួនសុទ្ធសាធ ក្នុងនោះបានមកពីការងារសិល្បៈ និងការរកស៊ីលក់ទំនិញតាមអនឡាញ មិនមានអ្នកណានៅពីក្រោយខ្នងឡើយ។
លោក លី ឧត្ដម បានបន្តឲ្យដឹងថា មួយរយៈនេះការងារសិល្បៈរបស់លោកហាក់ប្រសើរខ្លាំង ដោយថ្មីៗនេះ លោកត្រូវបានក្រុមហ៊ុនផលិតថ្នាំដុះធ្មេញល្បីឈ្មោះមួយនៅប្រទេសថៃ ជ្រើសរើសជាតារាតំណាងផលិតផល។ លោកថា ផលិតថ្នាំដុះធ្មេញ ដែលលោកបានថតផ្សាយឲ្យនោះ គឺមានលក់ទាំងនៅប្រទេសថៃ និងនៅប្រទេសកម្ពុជា ហើយបច្ចុប្បន្នកំពុងតែចរាចរណ៍លើទីផ្សារ។
ដោយសារតែបានប្រាក់ពីការងារឲ្យផលិតផលខាងលើនោះហើយ ជាដើមចមនាំឲ្យមានការឡើង ស៊េរីរថយន្តនោះ ។ លោក លី ឧត្ដមបញ្ជាក់បន្ថែមថា ប្រាក់៣២០០០ ដុល្លារទម្រាំសន្សំប្រាក់មកទិញរថយន្តគ្រប់នោះ មិនមែនជាការងាយស្រួលឡើយ ក្នុងនោះលោកបានលក់ឡានចាស់ដែលខ្លួនធ្លាប់ជិះកន្លងមកឡិចស៊ីស ៣០០ បូកជាប្រាក់សន្សំច្រើនឆ្នាំ និង ប្រាក់តម្លៃខ្លួនទើបតែថតជាតារាតំណាងផលិតផលឲ្យថ្នាំដុះធ្មេញខាងលើ ទើបបូកបញ្ចូលគ្នាបានគ្រប់។
លោក លី ឧត្ដម បានសម្ដែងការសប្បាយចិត្តជាខ្លាំងនៅពេលដែលសម្រេចបានដូចបំណងខ្លួនបែបនេះ លោកថា របស់ប្រឹងរកដោយញើសឈាមខ្លួនឯង គឺជិះទៅមានភាពកក់ក្ដៅនិងមានក្ដីសុខខ្លាំង ។
ទោះជាបីជាការប្ដូររថយន្តពី១គ្រឿងទៅ១គ្រឿងមិនមែនជាការងាយស្រួលបែបនេះក្ដី ឡិចស៊ីស RX330 ក៏មិនមែនជាម៉ូដែលចុងក្រោយរបស់តារាកូនកាត់ឥណ្ឌារូបនេះឡើយ លោកថា ប្រសិនបើទៅថ្ងៃអនាគត ទីផ្សារសិល្បៈ របស់ខ្លួនកាន់តែប្រសើរជាងនេះនោះ ច្បាស់ណាខ្លួនពិតជា អាចប្ដូរអាសេរីទំនើបជាងនេះជាក់ជាមិនខាន៕
