អ្នកដឹកនាំសម្ដែងនៅថោន បានរៀបការ ជាមួយនារីដ៏ស្រស់ស្អាតហើយយប់មិញ

2019-05-06 08:50:55
ព័ត៌មាន

2019-05-06 08:50:55
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកដឹកនាំសម្ដែង ប៊ុន រតនា ហៅ សេម បានចូលរោងការហើយ ជាមួយកញ្ញា លីឈី ហើយនាយប់មិញនេះបានប្រារព្ធពិធីទទួលភ្ញៀវកិត្តិយសពិសាភោជនីយអាហារនៅព្រីមែរសែនសុខ ប្រមាណជាង ១០០តុឯណោះ។

ភរិយារបស់លោក ប៊ុន រតនា គឺកញ្ញា លីឈី ជាតារាសម្ដែងដ៏ស្រស់ស្អាតមួយរូប។ ជុំវិញដើមកំណើតស្នេហ៍វិញ ពួកគេបានបង្ហើបថា ដំបូងឡើយ គឺពួកគេបានស្គាល់គ្នាក្នុងការងារសិល្បៈ ដោយខាងប្រុសគឺជាអ្នកដឹកនាំសម្ដែង និងខាងស្រី គឺជាតារាសម្ដែង។ បន្ទាប់ពីជួបគ្នាញយៗ ក្រសែភ្នែកបាញ់រកគ្នា ហើយបេះដូងក៏វេញចូលគ្នា ពួកគេក៏សម្រេចកសាងទំនាក់ទំនងស៊ីជម្រៅមួយតែម្ដង។

"បើនិយាយពីសាច់យើងស្គាល់គ្នា គឺច្រើនឆ្នាំហើយ ក្នុងវេលានោះ ពួកយើងមើលគ្នាទៅវិញទៅមក ហើយទីបំផុតក៏ស្រឡាញ់គ្នា គឺប្រហែលជារយៈពេល២ឆ្នាំនេះឯង ដែលយើងស្រឡាញ់គ្នា"។ លោក ប៊ុន រតនា ថ្លែង។

អ្នកនាង លីឈី បានលើកសរសើរស្វាមីថា ជាមនុស្សមានចរិតល្អ ពិសេសនោះ លោកគឺជាមនុស្ស ម៉ឺងម៉ាត់នឹងការងារ ដែលនេះ គឺជាចំណុចទាកទាញចិត្តរបស់នាងឲ្យព្រមប្រគល់បេះដូង និងព្រមផ្ញើ។ ក្រោយចាប់ដៃគ្នា គូស្វាមីភរិយាថ្មោងថ្មី បង្ហើបថា ពួកគេមានគម្រោងអាជីវកម្មមួយចំនួនបន្ថែមពីលើអ្វីដែលមានបច្ចុប្បន្ន គឺអាជីវកម្មលក់ឡាន ដែលលោក សេម បានគ្រប់គ្រងយូរមកហើយ។

ដោយសារតែម្នាក់ៗ សុទ្ធជាមនុស្សក្នុងសិល្បៈ យប់មិញនេះ គេឃើញសិល្បករខ្មែរច្រើនណាស់ បានចូលរួមអបអរថ្ងៃមង្គលរបស់ពួកគេយប់មិញ។ តោះ...ទស្សនាទិដ្ឋភាពយប់មិញខ្លះៗ ទាំងអស់គ្នា!!!