- 2019-05-07 02:57:01
- ព័ត៌មាន
មកវិញហើយៗ អតីតតារាចម្រៀង Rock ៣នាក់ ឲ្យតម្រុយថានឹងវិលមកច្រៀងវិញ ប្រិយមិត្តគាំទ្រពេញទំហឹង
- 2019-05-07 02:57:01
- ចំនួនមតិ 0 | ចំនួនចែករំលែក 0
មកវិញហើយៗ អតីតតារាចម្រៀង Rock ៣នាក់ ឲ្យតម្រុយថានឹងវិលមកច្រៀងវិញ ប្រិយមិត្តគាំទ្រពេញទំហឹង
ចន្លោះមិនឃើញ
អតីតតារាចម្រៀងផលិតកម្ម រ៉ក់ ដែលបានបិទទៅហើយ ៣នាក់ មានលោក លំ សុក្រិត លោក ជេក និងលោក ផា យ៉ត ជាអតីតសមាជិក Rock Boy បានឲ្យតម្រុយថា ពួកគេនឹងវិលមកសិល្បៈចម្រៀងវិញឆាប់ៗនេះហើយ។ ដំណឹងនេះ ធ្វើអ្នកគាំទ្ររបស់ពួកគេសប្បាយរីករាយយ៉ាងខ្លាំង
"យើងទាំងបីនាក់ នឹងវិលមកកាន់ទីផ្សារចម្រៀងជាថ្មីម្ដងទៀតឆាប់ឆាប់...."។ លោក លំ សុក្រិត បានបង្ហោះនៅលើបណ្ដាញសង្គមរបស់លោកដោយភ្ជាប់ជាមួយរូបថតពួកគេទាំងបីនាក់ផង។ ឃើញតម្រុយនេះ អ្នកគាំទ្រពួកគេទាំងបី ថ្លែងថាពួកគេរីករាយ និងរងចាំគាំទ្រពេញទំហឹងតែម្ដង។ ប៉ុន្តែមួយចំនួន នៅមន្ទិលថា នេះជាការពិត ឬយ៉ាងណា?
ជុំវិញបញ្ហានេះ លោក លំ សុក្រិត បានបង្ហើបថា នោះការពិត គឺលោក និងមិត្តភ័ក្ដិ២នាក់ទៀត ជេក និង ផាយ៉ត គ្រោងវិលវិញមែន។ យ៉ាងណា តារាចម្រៀងមកពីខេត្តកំពង់ធំ មិនទាន់បញ្ចេញកាលបរិច្ឆេទពិតប្រាកដថាពួកលោកនឹងវិលមកវិញពេលណាឡើយ។ "សុំអត់ទាន់ប្រាប់ទេបង ចង់ឲ្យភ្ញាក់ផ្អើលតែម្ដង...ដោយឥឡូវកំពុងសម្ងំធ្វើបទចម្រៀងសិន និងបានធ្វើរួចរាល់មួយបទហើយ តែសុំមិនទាន់ប្រាប់ចំណងជើងទេ!"។ សុក្រិត ថ្លែង។
លំ សុក្រិត លោក ជេក និង ផាយ៉ត គឺជាអតីតសមាជិកក្រុម Rock Boy របស់ផលិតកម្ម Rock ជាមួយគ្នា។ ក្នុងអាជីពចម្រៀងជាក្រុម ពួកគេបានកសាងកេរ្តិ៍ឈ្មោះ តាមរយៈបទមួយចំនួនដូចជាបទ "ម្ដេចភ្លេចសន្យា" និង "សង្សារវិទ្យាល័យជាដើម"។ ប៉ុន្តែក្រោយមក ពួកគេបានបែកក្រុម និងដើរចេញពីផលិតកម្ម Rock អំឡុងឆ្នាំ ២០១៣ ទៅធ្វើជាតារាចម្រៀងឯករាជ្យរៀងៗខ្លួន។ ប៉ុន្តែបន្តិចៗម្ដង ពួកគេស្ទើរតែបាត់ឈ្មោះ ដោយសារស្ងប់ស្ងាត់សកម្មភាពសិល្បៈ។
ក្នុងចំណោមពួកគេទាំង៣នាក់ គេឃើញតែ ផាយ៉ត ម្នាក់ប៉ុណ្ណោះ ដែលយូរៗម្ដងបានចេញទៅច្រៀងនៅក្រៅប្រទេស ឬហោចណាស់ ច្រៀង Cover ដាក់លើយូធូប។ ដោយឡែក ២នាក់ទៀត ហាក់ឆ្ងាយពីការងារសិល្បៈតែម្ដង។ ដូច្នេះហើយ ដោយសារតែនៅស្ដាយកេរ្តិ៍ឈ្មោះ ស្ដាយការងារសិល្បៈដែលខ្លួនស្រឡាញ់ សុក្រិត ក៏បានផ្ដួចផ្ដើមគំនិតក្នុងវិលត្រឡប់មកសិល្បៈនេះវិញ ហើយក៏ទទួលបានការឯកភាពពីដៃគូពីរនាក់ទៀត។
តាមការបង្ហើប Rock Boy នឹងប្រើប្រាស់ថវិកាខ្លួនឯងសុទ្ធសាធក្នុងការធ្វើបទចម្រៀងជូនអ្នកគាំទ្របានស្ដាប់សារជាថ្មីនេះ ដោយក្នុងនោះ អ្នកផ្ដួចផ្ដើមគំនិតបង្ហើបថា គ្រោងធ្វើឲ្យខ្លាំងតែម្ដង។ យ៉ាងនេះក្ដី សុក្រិត មិនទាន់ហ៊ាននិយាយពីកម្រិតគាំទ្រនោះទេ ដោយលោកឡើងថា ទុកឲ្យអ្នកគាំទ្រ ក៏ដូចជាអ្នកស្ដាប់ វិនិច្ឆ័យទៅចុះ។ ប៉ុន្តែលោកនៅមានក្ដីសង្ឃឹមខ្លះដែរថា នឹងអាចទទួលផ្លែផ្កាល្អ ដោយសារតែក្រុមរបស់លោកមានប្រិយមិត្តស្គាល់ច្រើនគួរសមដែរ៕
