• 2019-05-08 11:20:00
  • ភាពយន្ត

អ្នកដឹកនាំរឿងល្បីៗតាមប៉ុស្ត៍ទូរទស្សន៍ គ្រោងបញ្ចេញរឿងថ្មីចំណាយរាប់ម៉ឺនដុល្លារ មានគ្រប់រសជាតិធានាមិនខកចិត្ត

  • 2019-05-08 11:20:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ស្នាដៃថ្មី ដែលប្រមូលផ្តុំទៅដោយកំប្លែងគ្រប់រសជាតិ របស់លោក អ៊ុង ឌុច សិត្ថាវីរៈ ត្រៀមបញ្ចាំងឆាប់ៗនេះហើយនៅថ្ងៃ ០៦ មិថុនា លើរោងភាពយន្តទាំងអស់នៅក្នុងព្រះរាជាណាចក្រកម្ពុជា។

លោក បានឱ្យដឹងថា ស្នាដៃថ្មីនេះចាយពេលផលិតដល់ទៅ ២,៥ ឆ្នាំឯណោះ ជាមួយនិងទឹកប្រាក់ជាច្រើនត្រូវបានចំណាយក្នុងការផលិត។ ម្ចាស់ផលិតកម្មរូបនេះបានបង្ហើបឱ្យដឹងទៀតថាការចំណាយអស់ច្រើនបែបនេះ គឺដើម្បីបានគុណភាពសម្រាប់បងប្អូន ទស្សនិជនត្រូវការ ហើយក៏សង្ឃឹមថានឹងមានការជួយគាំទ្រពីបងប្អូនទស្សនិជនវិញផងដែរ។

“ធម្មតាធ្វើរឿងអីក៏ដោយយើងតែងទាមទារចង់បានការគាំទ្រពីទស្សនិកជនមកវិញ ប៉ុន្តែសួរថាបើរឿងយើងគ្មានគុណភាព តើឱ្យពួកគាត់គាំទ្រយើងយ៉ាងដូចម្តេច?អ៊ីចឹងក្នុងនាមជាផលិតករ ក៏ដូចជាអ្នកដឹកនាំម្នាក់ ខ្ញុំបានព្យាយាមយ៉ាងខ្លាំងក្លាទាំងកម្លាំងកាយ កម្លាំងប្រាជ្ញា កម្លាំងចិត្ត ពេលវេលានិងថវិការ ធ្វើយ៉ាងណាដើម្បីភាពយន្តខ្មែរមានគុណភាពហើយក៏សង្ឃឹមថារឿងមួយនេះនឹងទទួលបានការគាំទ្រច្រើន"។ ផលិតករខាងលើបន្ថែម។

ពិសេស លោកបានបញ្ជាក់បន្ថែមថា សាច់រឿងបែបកំប្លែងថ្មីនេះ គឺជាស្នាដៃសម្រិតសម្រាំងមួយដែលអ្នកនិពន្ធ សរសេរឡើងដើម្បីបំពេញចំណង់ចំណូលចិត្តរបស់បងប្អូនខ្មែរដែលនិយមមើលរឿងបែបកំប្លែងសើចសប្បាយៗ ដើម្បីរំសាយភាពតានតឹងពីព្រោះថារឿងនេះគឺពិតជាមហាកំប្លែង មហាសើច មហាហួសចិត្តគិតមិនដល់ ឆ្ងល់ចេះតែមើលម្ដងហើយចង់មើលម្ដងទៀត។

កុំឱ្យខាតពេលឥឡូវមកតាមដាន Trailer "សើចកប់ ឬ Top Laugh” ខាងក្រោម៖

ក្រៅពីរឿង "សើចកប់ ឬ Top Laugh” នេះ លោកធ្លាប់មានស្នាដៃរឿងភាគ ល្បីៗជាច្រើនដែលចាក់បញ្ចាំងនៅតាមស្ថានីយទូរទស្សន៍ធំៗនានា ដូចជារឿង ជីវិតនាងរក្សា-កូនប្រសាអ្នកទីក្រុង-និស្ស័យស្នេហ៍ខ្ញុំ នៅ MY TV, កំលោះក្តាមប្រៃកញ្ញាស្ពៃជ្រក់ នៅ ETV, ផ្កាយមារ នៅ CTN, ភក្តីស្នេហ៍ទ្វេភព-សមុទ្រទឹកភ្នែក-កញ្ញាអំពិលផ្អែម នៅ PNN ជាដើម និងកំពង់តែផលិតភាពយន្ត ភាគបុរាណដ៏អស្ចារ្យមួយទៀតសម្រាប់ PNN ផងដែរ គឺរឿង សព្វសិទ្ធ៕

អត្ថបទ៖ ថា ម៉ាលីដា

មតិយោបល់
អត្ថបទពេញនិយម