- 2019-05-24 07:45:00
- ចម្រៀង
មិនធម្មតា!ផ្តាច់ព្រ័ត្រ Battle of the Bands Cambodia ក្រុមទាំង៤លើកយកតែ Original Song ប៉ុណ្ណោះ
- 2019-05-24 07:45:00
- ចំនួនមតិ 0 | ចំនួនចែករំលែក 0
មិនធម្មតា!ផ្តាច់ព្រ័ត្រ Battle of the Bands Cambodia ក្រុមទាំង៤លើកយកតែ Original Song ប៉ុណ្ណោះ
ចន្លោះមិនឃើញ
នៅសល់ស្អែកមួយថ្ងៃទៀតទេ វគ្គផ្ដាច់ព្រ័ត្រនៃកម្មវិធី Battle of Bands Cambodia បានមកដល់ និងរកឃើញថាក្រុមណាជាម្ចាស់ជយលាភីហើយ។ អ្វីកាន់តែពិសេសទៀតនោះ ក្រុមទាំង៤ ដែលត្រៀមនឹងដណ្ដើមពានរង្វាន់ តម្រូវឲ្យលើកយកតែបទចម្រៀង Original Song ប៉ុណ្ណោះ ដែលជាលក្ខខណ្ឌនៃការប្រកួត។
បើតាមកញ្ញា ម៉ាប់ ស្រីមុំ ជំនួយការផលិតករ ប្រាប់ថា កម្មវិធីបានទុកពេល១ខែសម្រាប់ក្រុមទាំង៤ ក្នុងការតែងនិពន្ធបទចម្រៀងថ្មី។ ការតម្រូវបែបនេះ ដោយសារកម្មវិធីចង់ផ្ដល់ឱកាសដល់យុវជនជំនាន់ថ្មីដែលចង់ប្រឡូកក្នុងវិស័យសិល្បៈឲ្យមានការច្នៃប្រឌិត ហើយចង់លើកស្ទួយវិស័យសិល្បៈ ដោយការចេះបង្កើតបទចម្រៀងថ្មី។ ទន្ទឹមនឹងនេះ កម្មវិធីមិនចង់បានបទចម្រៀងកូពីសម្រាប់បេក្ខជនយកមកប្រលងនោះឡើយ ដោយសារនេះជាការប្រកួតសមត្ថភាព។
កញ្ញា បន្ថែមថា ការកំណត់បែបនេះ មិនមែនជាការតឹងតែងនោះទេ។ ម្យ៉ាងទៀត ឆ្លងកាត់ការប្រលងមួយរយៈនេះ ទាំងកញ្ញានិងគណៈកម្មាធិការមើលឃើញថា មិនលំបាកខ្លាំងសម្រាប់ក្រុមទាំង៤ឡើយ ព្រោះពួកគេ មានទេពកោសល្យផ្នែកតែងនិពន្ធ ច្នៃប្រឌិតខ្លាំងដោយក្រុមខ្លះធ្លាប់បានបង្ហាញតាំងពីវគ្គដំបូងៗ ដោយលើកយកបទ Original Song មកប្រលង ។
បើងាកមកមើលអំឡុងពេលហ្វឹកហាត់សមរបស់ក្រុមទាំង៤ ដូចជា ក្រុម Hashtag ក្រុម Sweet Band ក្រុម Batbangers និងក្រុម De' first ឃើញថាល្អប្រសើរ។ ពេលនោះ គណៈកម្មាធិការឲ្យយោបល់ថា មានក្រុមខ្លះធ្វើបទរួចហើយ តែក៏ធ្វើសារឡើងវិញ ក្រុមខ្លះក៏ច្នៃបន្តិចៗ ធ្វើតាមអ្វីដែលពួកគេចង់បាន ហើយទាំង៤ក្រុមនេះ មានស្ទិលលេងខុសៗគ្នាទាំងអស់ ។
បើចង់ដឹងកាន់តែច្បាស់ថា សមត្ថភាពនិងទេពកោសល្យរបស់ក្រុមទាំង៤ អស្ចារ្យកម្រិតណា កុំភ្លេចមកទស្សនានៅថ្ងៃ២៥ ខែឧសភា ឆ្នាំ២០១៩ នៅផ្សារទំនើប Exchange Square ចាប់ពីម៉ោង ៥កន្លះល្ងាចតទៅ៕
