- 2019-05-30 06:40:55
- ជីវិតតារា
ឃើញ ឱក សុគន្ធកញ្ញា ជោគជ័យទាំងស្នេហា ការងារ តែនៅពីក្រោយនាងធ្លាប់ខកចិត្ត និងឈរយំលែងខ្មាសFan ក៏មាន
- 2019-05-30 06:40:55
- ចំនួនមតិ 0 | ចំនួនចែករំលែក 0
ឃើញ ឱក សុគន្ធកញ្ញា ជោគជ័យទាំងស្នេហា ការងារ តែនៅពីក្រោយនាងធ្លាប់ខកចិត្ត និងឈរយំលែងខ្មាសFan ក៏មាន
ចន្លោះមិនឃើញ
ឈរជើងលើវិស័យសិល្បៈតាំងពីអាយុ ១០ឆ្នាំ ឃើញ ឱក សុគន្ធកញ្ញា ជោគជ័យទាំងការងារ និងស្នេហាដែលនាងបានរៀបការជាមួយលោក អ៊ឹង សុខលី ប្អូនប្រុសថៅកែហង្សមាសកាលពីថ្ងៃ ១៦ ឧសភា នោះ តែមុននឹងឈានមកដល់ចំណុចនេះ កញ្ញា ធ្លាប់ទទួលរងការបរាជ័យ និងបាក់ទឹកចិត្ត គេចមិនផុតដូចអ្នកដទៃដែរ។
ស្តែងតាមរយៈវីដេអូឃ្លីបមួយដែល Fan លួចថតបានអំឡុងពេលនាងសម្តែងនៅក្នុងផាប់មួយកន្លែង នាងបានរៀបរាប់រឿងបរាជ័យក្នុងជីវិតជាច្រើនដំណាក់កាល ដែលក្នុងនោះរឿងដែលនាងប្រឈមខ្លាំងមុនគេនោះគឺ បែកបាក់គ្រួសារ។ ចាប់ពីពេលនោះ ជីវិតគ្រួសារគឺបានធ្លាក់ដុនដាប ហើយជំហរគ្រួសារទាំងមូលត្រូវធ្លាក់លើនាង និងម្តាយ។
មិនតែប៉ុណ្ណោះបើរម្លឹកទៅដល់កាលពីឆ្នាំ ២០០៧ ដល់ ២០១០ នាងប្រាប់ថាធ្លាប់ឆ្លងកាត់ភាពខកចិត្តច្រើនដងមកហើយ ប៉ុន្តែមានម្តងដែលនាងមិនអាចបំភ្លេចបាន នៅអំឡុងឆ្នាំ២០០៧-២០១០ ជាពេលដែលបទចម្រៀងរបស់នាងមិនមានភាពរីកចម្រើនទៅមុខទាល់តែសោះ។
"ខ្ញុំធ្លាប់ខកចិត្តច្រើនដងណាស់ ទម្រាំមកដល់ថ្ងៃនេះ ប៉ុន្តែមានម្ដងដែលធ្វើឲ្យខ្ញុំខកចិត្ត និងបរាជ័យខ្លាំងបំផុតនោះ គឺមុនឆ្នាំចុងក្រោយដែលខ្ញុំទទួលបានជោគជ័យ គឺអំឡុងឆ្នាំ២០០៧ រហូតដល់២០១០ រយៈពេលជាង៣ឆ្នាំខ្ញុំគ្មានកម្លាំងចិត្តអ្វីទាល់តែសោះ…ចង់បោះ ចោលតែម្ដង”។ កញ្ញា ថ្លែងដូច្នេះនៅក្នុងកម្មវិធី CTN ប៉ុស្តិ៍លេខ21កាលពីថ្ងៃទី២៧សីហារបស់អ្នកនាង យុគ ចិន្តា។
នាងបានបន្តទៀតថា ៖ "ប្រហែលជា៦ខែចុងក្រោយខ្ញុំអស់សង្ឃឹម ហើយមុនពេលឡើងយន្តហោះទៅប្រទេសអូស្ត្រាលី…ជាពេលដែលនៅសល់ សម្រាប់បញ្ចប់ទៅធ្វើអ្វីផ្សេង ព្រោះវិស័យចម្រៀងមិនទៅមុខសោះ ពេលដែលខ្ញុំធ្វើទៅគិតថាល្អដែរ ប៉ុន្តែបានត្រឹមតែគេស្គាល់ឈ្មោះ អត់មានអ្នកទទួលស្គាល់បទចម្រៀងខ្ញុំខ្លាំងទាល់តែសោះ”។
ប៉ុន្តែតារាស្រីរូបនេះមិនដែលចុះចាញ់ ហើយថែមទាំងប្រាប់ខ្លួនឯងព្រមជាមួយនឹងគ្រួសារថា៖ "ឆាកជីវិតរបស់ខ្ញុំ រឿងបរាជ័យទី១ គឺបែកបាក់គ្រួសារតាំងពីក្មេងមក។ ខ្ញុំបានតស៊ូរៀនផង មើលប្អូនផង ហើយខ្លួនជាស្រី ត្រូវពុះពារ រស់នៅនៅពេលដែលឪពុកចាកចេញខ្ញុំមានតែម្តាយ... ខ្ញុំប្រាប់ខ្លួនឯងថាត្រូវតែរឹងប៉ឹង ហើយប្តេជ្ញារកលុយជូនគ្រួសារ និងដោយកិត្តិយសជូនគ្រួសារមួយនេះឱ្យបាន។ រឿងរ៉ាវកើតឡើងជាបន្តបន្ទាប់នៅក្នុងជីវិតរបស់ខ្ញុំ ខ្ញុំបានឆ្លងវាទាំងទឹកភ្នែក...ប៉ុន្តែសំខាន់ខ្ញុំបានធ្វើ ហើយទទួលបានលទ្ធផលល្អ និងជួយគ្រួសារមួយនេះ"។
"លុយគឺសំខាន់ តែលុយមិនអាចទិញកិត្តិយសបាននោះទេ ត្រូវយកកិត្តិយសនាំមុនគេ ហើយស្វែងរកលុយដោយថ្លៃថ្នូរជាទីបំផុត"។ នេះជាពាក្យស្លោកសម្រាប់ជីវិតរបស់ ឱក សុគន្ធកញ្ញា ដែលជាសារ ផ្តែផ្តាំអ្នកគាំទ្រនាងសម្រាប់ជួយឱ្យមានភាពជោគជ័យក្នុងជីវិត៕
