រឿងពិត ពីក្រោយ ស្រីនិច បដិសេធថតសិចស៊ីជាមួយបុរសផ្សេង ក្រៅពី សាន់នី!

2019-05-31 03:47:34
ព័ត៌មាន

2019-05-31 03:47:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រីស្អាត សំឡេងពីរោះ ស៊ឹម ស្រីនិច បានបញ្ចេញរូបភាពសិចស៊ីបែបសិល្បៈប៉ុន្មានសន្លឹកជាមួយកំលោះ សាន់នី ធ្វើឲ្យមានការចាប់អារម្មណ៍។ ជាមួយគ្នានោះ នាងអះអាងថា រូបភាពទាំងនេះ នាងនឹងមិនថតឡើយ ប្រសិនបើដៃគូបុរសរបស់នាង មិនមែនជា កំលោះសង្ហាខាងលើ។

ភ្លាមៗ មិនមានការបកស្រាយឡើយពីសាមីខ្លួន ថាហេតុអ្វី បានជាជានាងប្រកាន់គោលការណ៍តឹងបែបនេះ។ ថ្ងៃនេះ ស្រីស្អាតវ័យ ២០ឆ្នាំ បានបញ្ចេញឲ្យដឹងថា ចំពោះមូលហេតុនោះ មិនមែនមកពីកំលោះ សាន់នី មានទំនាក់ទំនងអ្វីពិសេសជាមួយនាង រហូតដល់នាងត្រូវប្រកាន់ខ្លួនក្នុងការថតប៉ះសាច់ជាមួយបុរសផ្សេងនោះទេ។ ប៉ុន្តែបញ្ហា ត្រង់ថា ស៊េរីរូបភាពដែលនាងថត គឺមានភាពជិតស្និទ្ធខ្លាំង ខុសពីរូបភាពដែលនាងធ្លាប់ថតនានាពីមុនមក។

ដូច្នេះហើយ ដៃគូថត ក៏គួរតែជាមនុស្សដែលជិតស្និទ្ធនឹងគ្នាខ្លាំងដែរ ទើបអាចថតបាន ហើយនោះជាមូលហេតុដែលនាងមិនមានចិត្តចង់ថតរូបភាពបែបនេះជាមួយបុរសផ្សេង ដែលមិនសូវស្និទ្ធគ្នា។ "ខ្ញុំថតរូបភាពនេះ ដោយសារតែខ្ញុំមានភាពស្និទ្ធស្នាលខ្លាំងជាមួយ សាន់នី អាចនិយាយបានថា ស្និទ្ធជាងបងប្អូន ជាងមិត្តភ័ក្ដិ ប៉ុន្តែមិនមានជាស្នេហាទេ!(សើច)”។

ភាពស្និទ្ធស្នាល វាអាចឲ្យមនុស្សយល់ចិត្តគ្នា និងមិនសូវខ្មាសអៀន ក្នុងការធ្វើការជាមួយគ្នា។ ដូច្នេះហើយ ទើបស្រីនិច្ច ប្រកាន់គោលការណ៍ថតរូបសិចស៊ីក្នុងគំនិតខាងលើនេះ ដោយតម្រូវតែជាមួយកំលោះ សាន់នី។ និយាយពីទំនាក់ទំនងមួយនេះដដែល តួស្រីក្នុងរឿង "ស្រទន់មន្តស្នេហ៍" បញ្ជាក់ថា កញ្ញា បានស្គាល់ជាមួយកំលោះមុខដូចកូនចិន ក្នុងរយៈពេលយូរដែរហើយ ហើយមកទល់បច្ចុប្បន្ន ទំនាក់ទំនងនេះកាន់តែស្និទ្ធខ្លាំង។

ប៉ុន្តែយ៉ាងនេះក្ដី តារាស្រីវ័យក្មេង សង្កត់ធ្ងន់ថា នោះមិនមែនជាទំនាក់ទំនងក្នុងផ្លូវស្នេហានោះទេ។ ផ្អែកលើសម្ផស្សស្រស់ស្អាត និងមានវ័យត្រឹម ២០ឆ្នាំនោះ ស៊ឹម ស្រីនិច ជាតារាស្រីមួយដួងដែលបាន និងកំពុងតែរះក្នុងសង្គមសិល្បៈ ក្នុងនោះនាងបានអះអាងថា នាងត្រូវបានប្រិយមិត្តស្គាល់ច្រើន ក្រោយពីបានចូលរួមសម្ដែងនៅក្នុងរឿង "ស្រទន់មន្តស្នេហ៍" របស់អ្នកនិពន្ធ ម៉ីសន សុធារី។

ក្រោយមកទៀត តាមរយៈរឿង "កញ្ញាជើងខ្លាំង" ក៏បានធ្វើឲ្យប្រិយមិត្តកាន់តែស្គាល់មួយកម្រិតទៀត។ តាមរយៈការគាំទ្រនេះ អ្នកគាំទ្រមួយចំនួន បានស្នើសុំ ស្រីនិច ថតរូបសិល្បៈសិចស៊ី ទើបចុងក្រោយក៏ទទួលថតតាមគំនិតដូចក្នុងរូប ដោយចាប់ដៃជាមួយមនុស្សស្និទ្ធស្នាលកំលោះ សាន់នី តែម្ដង។ ស្រីនិច្ច បញ្ជាក់ថា អ្វីដែលនាងធ្វើ គឺដើម្បីផ្ដល់ជូននូវភាពខុសប្លែកក្នុងលក្ខខណ្ឌសិល្បៈ។ ក្រោយចេញស៊េរីរូបភាពនោះ ស្រីនិច្ច ឲ្យដឹងថា ប្រិយមិត្តជាច្រើនទទួលយករូបភាពសិល្បៈរបស់នាង និងដៃគូ៕