- 2019-06-05 10:37:00
- ព័ត៌មាន
តោះ! ទៅសើចឲ្យណាណីជាមួយរឿងកំប្លែងស្ទីលថ្មី «សើចកប់» ចាក់បញ្ជាំងផ្លូវការក្តៅៗ
- 2019-06-05 10:37:00
- ចំនួនមតិ 0 | ចំនួនចែករំលែក 0
តោះ! ទៅសើចឲ្យណាណីជាមួយរឿងកំប្លែងស្ទីលថ្មី «សើចកប់» ចាក់បញ្ជាំងផ្លូវការក្តៅៗ
ចន្លោះមិនឃើញ
ទីបំផុត ភាពយន្តខ្មែរខ្នាតធំបែបកំប្លែង ចំណងជើង “សើចកប់” ឬ Top Laughដែលគ្រប់គ្នាទន្ទឹងរង់ចាំបានសម្ពោធដាក់បញ្ចាំងហើយ គឺចាប់ទីថ្ងៃទី ៦ មិថុនា ២០១៩នេះតទៅ នៅតាមរោងកុនទាំងអស់នៅកម្ពុជា។
ភាពយន្តបែបកំប្លែងជំនាន់ថ្មីនេះ ផលិតដោយផលិតកម្ម អ៊ែតគ្រីអេធ័រ បានចំណាយពេលថតអស់ជាច្រើនខែ ទម្រាំសម្រេចបានលទ្ធផលយកមកចាក់បញ្ចាំង ដោយមានកម្មវិធីសម្ពោធបញ្ចាំងកាលពីថ្ងៃអាទិត្យ ទី២ មិថុនា ២០១៩ នៅរោងភាពយន្ត Prime Cineplex ផ្សារទំនើបសុវណ្ណា។
នេះជាសម្មតិផលលើកទីពីររបស់ផលិតកម្ម អ៊ែតគ្រីអេធ័រ ដែលជាប្រភេទសាច់រឿងបែបកំប្លែង ធ្វើឲ្យអ្នកមើលផ្ទុះសំណើច ទាំងមិនដឹងខ្លួន ដែលជាស្នាដៃសម្រិតសម្រាំងថ្មីមួយរបស់លោក អ៊ុង ឌុច សិត្ថាវីរៈ ដើម្បីបំពេញចំណង់ចំណូលចិត្តរបស់បងប្អូនខ្មែរដែលនិយមមើលរឿងបែបកំប្លែងសើចសប្បាយៗ ដើម្បីរំសាយភាពតានតឹង។
រីឯចង្វាក់ផលិតកម្មវិញ ផលិតកម្ម អ៊ែតគ្រីអេធ័រ ផលិតរឿងភាពយន្តខ្នាតធំមួយនេះឡើងយ៉ាងយកចិត្តទុកដាក់ ប្រកបដោយគុណភាពខ្ពស់ រូបភាពតាមភាគនីមួយៗភ្លឺច្បាស់ និងតាមបច្ចេកទេសខ្ពស់ធ្វើយ៉ាងណាដើម្បីបម្រើជូនបងប្អូនទស្សនាឲ្យបានជាទីគាប់ចិត្ត។
សូមកុំខកខានទៅទស្សនារឿង Top Laugh “សើចកប់” ឲ្យបានច្រើនកុះករ នៅតាមរោងកុនទាំងអស់នៅក្នុងរកម្ពុជា ចាប់ពីថ្ងៃទី៦ មិថុនា ២០១៩ នេះតទៅ៕