- 2019-06-07 02:19:47
- ព័ត៌មាន
អាណិត ប៊ុន សក្តិ ឪពុកស្លាប់ទៅហើយ ហើយឥឡូវម្ដាយ កំពុងជួបគ្រោះសាហាវថែមទៀត
- 2019-06-07 02:19:47
- ចំនួនមតិ 0 | ចំនួនចែករំលែក 0
អាណិត ប៊ុន សក្តិ ឪពុកស្លាប់ទៅហើយ ហើយឥឡូវម្ដាយ កំពុងជួបគ្រោះសាហាវថែមទៀត
ចន្លោះមិនឃើញ
តារាចម្រៀង ប៊ុន សក្តិ ធ្លាប់បាត់បង់ឪពុកជាទីស្រលាញ់របស់ខ្លួនដោយជំងឺមហារីកពោះវៀនធំម្ដងរួចមកហើយ ដោយទុក្ខសោកនោះទើបតែរសាត់បាត់ពីខ្លួនមិនបានប៉ុន្មានផង ត្រាប់តែពេលនេះ ម្ដាយម្នាក់ទៀតកំពុងកើតជំងឺដ៏កាចសាហាវនេះដែរ ធ្វើឲ្យកើតទុក្ខយ៉ាងខ្លាំង។
តារាចម្រៀង លោក ប៊ុន សក្តិ បានថ្លែងឲ្យដឹងថា កាល១២ឆ្នាំគ្រួសាររបស់លោកបានជួបទុក្ខសោកម្ដងរួចមកហើយ ដោយឪពុករបស់លោកបានកើតជំងឺមហារីកពោះវៀនធំ ដោយកាលណោះលោកបានដឹងឪពុកលោកឈឺជំងឺនេះ មានរយៈពេលខ្លីប៉ុណ្ណោះ លោកក៏បានចែកឋានទៅ ដោយលោកមិនបានមើលថែឲ្យអស់ពីចិត្តនៅឡើយ។
រំលឹកពីអាការៈជំងឺឪពុករបស់លោកកាលណោះ ប៊ុន សក្តិ ប្រាប់ថា ដំបូងឡើយ ឪពុករបស់លោក ចេះតែមានអាការៈចុកឆ្អល់ក្នុងពោះជាខ្លាំងទ្រាំមិនបាន។ បែបនេះ ក្រុមគ្រួសារក៏បាននាំទៅឲ្យពេទ្យពិនិត្យ ហើយក្រោយពិនិត្យទៅ ទើបដឹងថា កើតជំងឺមហារីកពោះវៀន។ លុះមិនបានប៉ុន្មានថ្ងៃផង ឪពុករបស់លោកដែលជា មេបង្គោលក្នុងគ្រួសារក៏បានស្លាប់ ធ្វើឲ្យក្រុមគ្រួសារមានការសង្វេគជាខ្លាំង។
គិតថា ជំងឺដ៏កាចសាហាវនេះនិងលែងកើតលើ ក្រុមគ្រួសារលោកទៀតហើយ ព្រោះកន្លងមកក្រុមគ្រួសារលោកមិនមានពូជ កើតមហារីកឡើយ ប៉ុន្តែស្រាប់តែប៉ុន្មានថ្ងៃនេះ ជំងឺដែលគួរឲ្យខ្លាចមួយនេះ បានកើតមកលើម្ដាយជាទីស្រលាញ់របស់លោកថែមទៀត។ តាមអតីតតារាចម្រៀងផលិតកម្មសាន់ដេ ម្ដាយរបស់លោក មានជំងឺមហារីកសុដន់។
"ដឹងពីដំណឹងមួយនេះ ខ្ញុំ និងក្រុមគ្រួសារស្លុតចិត្តជាខ្លាំងណាស់...តើពីជាតិមុនខ្ញុំបានសាងបាបកម្មអ្វីខ្លះ បានជាជាតិនេះអភ័ព្វម្ល៉េះ ១២ឆ្នាំមុនលោកឪពុកទទួលមរណភាពដោយសារជំងឺមហារីកពោះវៀន ដល់ពេលឥឡូវនេះ អ្នកម្ដាយជាទីគោរពនៃកូន បានកើតជំងឺមហារីកនេះដែរហើយ ពុទ្ធោ...លោកអើយ"។ ប៊ុន សក្ដិ ថ្លែង។
បច្ចុប្បន្នលោក និងក្រុមគ្រួសារកំពុងតែរកវិធីដើម្បីព្យាបាលម្ដាយរបស់លោកឲ្យអស់ពីលទ្ធភាព។ លោកថា ឥឡូវនេះនៅបន្តព្យាបាលនៅក្នុងស្រុកសិន ហើយបើស្ថានភាពមិនប្រសើរ ម្ដាយរបស់លោក អាចនឹងបញ្ជូនបន្តទៅព្យាបាលនៅក្រៅប្រទេសថែមទៀត៕