- 2019-06-26 03:04:05
- ស្ទីលតារា
បាត់មុខយូរ លេចមុខវិញ ឡុវ ថាវរី លេចធ្លោជាមួយរ៉ូបសាមញ្ញបញ្ចេញសម្រស់ដើមទ្រូង
- 2019-06-26 03:04:05
- ចំនួនមតិ 0 | ចំនួនចែករំលែក 0
បាត់មុខយូរ លេចមុខវិញ ឡុវ ថាវរី លេចធ្លោជាមួយរ៉ូបសាមញ្ញបញ្ចេញសម្រស់ដើមទ្រូង
ចន្លោះមិនឃើញ
កញ្ញា ឡុង ថាវរី ដែលជាសម្ដែងមួយរូបបានបាត់មុខឈឹងប្រមាណ២ឆ្នាំ ដោយទើបតែលេចមុខសប្ដាហ៍មុន ក្នុងកម្មវិធីជប់លៀងអាពាហ៍ពិពាហ៍របស់រៀមច្បងក្នុងសិល្បៈ អ៊ុន លីហ្សា ជាមួយសម្រស់ស្រស់ស្អាតខ្លាំងធៀបនឹងពេលមុន។
នៅក្នុងរាត្រីនោះ ថាវរី បានគ្រងរ៉ូបពណ៌សលាយខៀវស្រាលមួយឈុត ដែលមើលទៅបានលើកសម្រស់នាងមួយកម្រិត ស្របពេលរូបរាងក៏មានសភាពស្គមតូចជាងមុន ពិសេសឈុតនេះ បានបង្ហាញពីសម្រស់ដើមទ្រូងដ៏ស្អាតរបស់នាង ដែលមើលទៅធ្វើឲ្យនាងកាន់តែទាក់ទាញមួយកម្រិតទៀត។
បញ្ហានេះ សាមីខ្លួនបានទទួលស្គាល់ចំពោះអ្វីដែលឃើញខុសប្លែកអំពីរូបរាងនាង ពិសេសភាពទាក់ទាញតាមរយៈរ៉ូបពណ៌ស្រាលសមនឹងសាច់សខ្ចីនោះ។ សាមីខ្លួនប្រាប់ថា នេះគឺជាការច្នៃម៉ូដដោយខ្លួននាងផ្ទាល់ ដោយក្នុងនោះ ចំណាយដើមទុនត្រឹមតែជាង ២០០ដុល្លារអាមេរិកប៉ុណ្ណោះ។ យ៉ាងណា នាងខ្លួនឯងពិតជាពេញចិត្តរ៉ូបមួយឈុតនេះណាស់ ព្រោះសមនឹងដងខ្លួនរបស់នាង និងមិនសិចស៊ីពេក។
ក្រៅពីលេចធ្លោជាមួយម៉ូដរ៉ូបសាមញ្ញ ឡុង ថាវរី ក៏ត្រូវបានគេចាប់អារម្មណ៍ថា បានប្រែប្រួលរូបរាង មើលទៅសាកសមធៀបនឹងកាលពីពេលមុន។ តារាសម្ដែងរូបនេះ បញ្ជាក់ថា ជាការពិត នាងបានស្រកគីឡូជិត ១០គីឡូ ទើបធ្វើឲ្យនាងមើលទៅរាងតូចច្រឡឹង ពេញភ្នែកជាងពីពេលមុន។ បញ្ហានេះ កញ្ញា បានបញ្ជាក់ទៀតថា មិនមែនមកពីនាងមានជំងឺអ្វីទេ ប៉ុន្តែគឺនាងបានព្យាយាមសម្រកដោយខ្លួនឯង។
ឡុង ថាវរី ប្រាប់ថា កាលពីនៅប្រឡូកសិល្បៈ នាងមានទម្ងន់ខ្លួន៥២ គីឡូ ប៉ុន្តែមកដល់បច្ចុប្បន្ននាងស្រកមកនៅត្រឹម ៤៥ គីឡូប៉ុណ្ណោះ។ "ចាស...មើលទៅរាងសមជាងមុន ព្រោះខ្ញុំបានស្រកគីឡូ ពីមុន ៥២ ឥឡូវខ្ទង់តែ ៤៥ គីឡូអីទេ និយាយទៅខ្ញុំព្យាយាមសម្រក ដោយតបអាហារ និងព្យាយាមញុំាផ្លែឈឺឲ្យបានច្រើនពិសេសពេលល្ងាច!”។
កញ្ញា ឡុង ថាវរី គឺជាអតីតជយលាភីលេខ៣ ក្នុងការប្រឡងបវរកញ្ញា Miss Nikkon។ នាងបានចូលសិល្បៈអំឡុងឆ្នាំ ២០១៤ និងបានផ្អាកពីសិល្បៈទៅវិញ អំឡុងឆ្នាំ ២០១៧នេះ។ ក្នុងរយៈពេលប៉ុន្មានឆ្នាំមកនេះ នាងបានចូលសម្ដែងក្នុងស្ប៉តពាណិជ្ជកម្ម និងខ្សែរឿងជាច្រើន។ រឿងដែលគួរចាប់អារម្មណ៍នោះ គឺរឿង "2 Brother" របស់នាយ ពែកមី ដែលតាមរយៈរឿងនេះ ល្បីថា ថាវរី មានទំនាក់ទំនងពិសេសជាមួយ ពែកមី ទើបទទួលតំណែងតួឯកក្នុងសាច់រឿង។
ស្នាដៃផ្សេងទៀតរបស់ ថាវរី មានរឿង “រាជនី" និងរឿង "កូនប្រសាឡឺកឺ" ជាដើម។ ក្រោយផ្អាកពីសិល្បៈអស់រយៈពេលប្រមាណជាង ១ឆ្នាំ តារាស្រីមានទម្រង់មុខមូល ចង្កាស្រួចរូបនេះ បញ្ជាក់ថា នាងអាចនឹងវិលមកសិល្បៈឆាប់ៗ ក្រោយពីមានផលិតកម្មមួយចំនួន បានព្យាយាមទាក់ទងនាង៕
អាន៖ ផ្ទុះទៀតបាត់! ប៊ុត សីហា ទើបចេញវីដេអូចម្រៀងថ្មីទៀតហើយ អ្នកគាំទ្រពោលសរសើរមិនដាច់
អាន៖ មកមើល ម៉ូដរ៉ូបដ៏គួរឲ្យចាប់អារម្មណ៍របស់តារាស្រីល្បីៗ
អាន៖ មង្គលការ អ៊ុន អាលីហ្សា យប់មិញ តារាល្បីៗត្រៀបត្រាណាស់