- 2019-07-23 07:47:02
- ព័ត៌មាន
ដោយសារម៉ូដទំពែក ធ្វើឲ្យ សាន ផានិត បាន និងកំពុងកើបលុយសម្បើម
- 2019-07-23 07:47:02
- ចំនួនមតិ 0 | ចំនួនចែករំលែក 0
ដោយសារម៉ូដទំពែក ធ្វើឲ្យ សាន ផានិត បាន និងកំពុងកើបលុយសម្បើម
ចន្លោះមិនឃើញ
បើនិយាយពី តារាចម្រៀង សាន ផានិត លោកអ្នកប្រហែលជាស្គាល់ច្បាស់ហើយត្បិតអីលោក គឺជាតារាចម្រៀងជើងចាស់ម្នាក់នៅតែអាចរក្សាប្រជាប្រិយភាពរហូតមកដល់បច្ចុប្បន្ន។ ក្រៅពីអាជីពចម្រៀង ម្ចាស់បទ"ទូរស័ព្ទប្រាប់ផង"រូបនេះ ក៏បានហក់ចូលវិស័យភាពយន្តបានជាច្រើនរឿងផងដែរ ដែលចំណុចគួរកត់សម្គាល់ គឺក្រោយពីលោកកោសក់អស់រលីងពីក្បាល។
សាមីខ្លួន បានអះអាងថា បច្ចុប្បន្នលោកបាន និងកំពុងតែមមាញឹកជាខ្លាំងលើទីផ្សារសម្ដែងជាខ្លាំង ដោយមិនចាញ់អាជីពចម្រៀងដែលធ្លាប់លើកស្ទួយលោកកាលពីជាង ១០ឆ្នាំមុននោះទេ។ លោកបានថ្លែងថា ការមានទីផ្សារទាំងនេះក៏ព្រោះតែម៉ូដសក់ទំពែកស្ទើរអស់របស់ខ្លួន ដែលបានទាក់ទាញផលិតករចាប់អារម្មណ៍ហៅលោកសម្ដែងជាបន្តបន្ទាប់។
តាមការបញ្ជាក់របស់លោក សាន ផានិត បានរៀបរាប់ឲ្យដឹងថា គ្រាន់តែភាពយន្តបែបកំប្លែងខ្នាតខ្លីប៉ុណ្ណោះ លោកបានថតមិនក្រោម៥០រឿងឡើយ ក្នុងនោះ គឺថតឲ្យផលិតកម្មថោន ភាពយន្តទាំងនោះនៅមិនទាន់ចាក់បញ្ចាំងនៅឡើយ ហើយបច្ចុប្បន្នកំពុងតែសម្រុកថតបន្ថែមទៀត។ ភាពយន្តដែលលោកថតភាគច្រើនថតឲ្យកម្មវិធី"ដូច្នឹងផង" ភាគច្រើន លោកតួបែបកំប្លែង ជាព្រះសង្ឃ ឬជាមនុស្សក្បាលខួចជាដើម។
វិលការសម្ដែងភាពយន្តខ្នាតធំ ឬភាពយន្តសម្រាប់បញ្ចាំងនៅរោងកុនវិញ លោក សាន ផានិត ប្រាប់ថា ក៏មានចំនួនច្រើនដូចគ្នា ក្នុងនោះលោក បានថតចំនួន២រឿងរួចមកហើយ តែនៅមិនទាន់បានចាក់បញ្ចាំងដូចគ្នា។ ភាពយន្តទាំងពីររឿងរបស់លោកនោះ មានរឿង "ឈាម" ផលិតកម្មរ៉ុក និងរឿង "ខ្មោចគរ" របស់ផលិតកម្ម ថោន។ ភាពយន្តទាំងពីនេះដើរតូចជា ព្រះសង្ឃពោល។
ក្រៅពីភាពយន្តដែលបានរៀបរាប់ខាងលើ លោក សាន ផាន កន្លងមកក៏ធ្លាប់ស្ដែងភាពយន្តខ្នាតធំ ចំនួន២រឿងផ្សេងទៀតដែរ មានរឿង" កម្លាំង និងវាសនា" កាលពីឆ្នាំ២០០៦ និង រឿង"ខ្មោច០០៧ កាលអំឡុងឆ្នាំ ២០១៤។ លោកឲ្យដឹងថា លោកហាក់មានយីអ៊ុនខ្ពស់ពិតមែន ក្រោយពីកោរសក់។ យ៉ាងណា លោកសុំមិនបង្ហាញពីតួលេខនៃប្រាក់ចំណូល ក៏ដូចជាតម្លៃខ្លួនបានពីការងារទាំងនោះឡើយ គ្រាន់តែលោកបង្ហើបថា "ច្រើនគួរសម"៕