- 2019-07-25 07:55:00
- ព័ត៌មាន
សរសើរ តារាវ័យក្មេង ចេះមានគំនិត ចង់ឲ្យមានការជួលសំលៀកបំពាក់ខ្មែរថតនៅតំបន់ប្រាសាទបុរាណ
- 2019-07-25 07:55:00
- ចំនួនមតិ 0 | ចំនួនចែករំលែក 0
សរសើរ តារាវ័យក្មេង ចេះមានគំនិត ចង់ឲ្យមានការជួលសំលៀកបំពាក់ខ្មែរថតនៅតំបន់ប្រាសាទបុរាណ
ចន្លោះមិនឃើញ
តារាសម្ដែង និងពិធីករស្រស់សង្ហា យក់ ឆេងហាក់ បានបង្ហាញគំនិតមួយ ដោយចង់ឲ្យមានការជួលសំលៀកបំពាក់បែបបុរាណខ្មែរឲ្យភ្ញៀវជាតិ និងអន្តរជាតិស្លៀកនៅតំបន់ប្រាសាទបុរាណ និងសង្ឃឹមថាអាជ្ញាធរពាក់ព័ន្ធគាំទ្រ។
ចេតនាមួយនេះ បានកើតឡើងក្រោយពីតារាប្រុសរូបនេះបានធ្វើដំណើរទៅកាន់ខេត្តសៀមរាបជាថ្មី ដើម្បីបំពេញការងារ និងបានដើរកម្សាន្តនៅតំបន់ប្រាសាទខ្មែរបុរាណដ៏គួរឲ្យទាក់ចិត្តនោះផង។ តារារូបនេះលើកឡើងថា រមណីយដ្ឋានប្រវត្តិសាស្ត្រ ពិសេសតំបន់ប្រាសាទបុរាណ ជាយូរមកហើយ បានក្លាយជាទីចាប់អារម្មណ៍ខ្លាំងពីសំណាក់ភ្ញៀវជាតិ និងអន្តរជាតិទស្សនាកម្សាន្ត និងស្វែងយល់។
បន្ថែមលើការទស្សនា ការថតរូប ក៏បានក្លាយជារឿងពេញនិយមសម្រាប់មនុស្សទូទៅដែរ ហើយការស្លៀកសំលៀកបំពាក់បុរាណនៅតំបន់ប្រាសាទក៏នឹងកាន់តែទាក់ទាញទៀត ព្រោះតែភ្ញៀវអន្តរជាតិមួយចំនួននៅមិនទាន់បានស្គាល់ លោកជឿថា ពួកគេនឹងចាប់អារម្មណ៍លើសំលៀកបំពាក់បែបប្រពៃណី នៅតំបន់ប្រាសាទដ៏មានវ័យចំណាស់របស់ខ្មែរមិនខាន។ “ម្យ៉ាង នេះចាត់ទុកជាផ្នែកមួយនៃការជួយផ្សព្វផ្សាយសិល្បៈវប្បធម៌ខ្មែរផង រួមទាំងអាចឲ្យបងប្អូននៅក្នុងតំបន់អាចរកចំណូលបានផងដែរ។” យក់ ឆេង ថ្លែង។
លោកបន្តថា សំលៀកបំពាក់ខ្មែរមានភាពទាក់ទាញ និងសម្បូរបែប គឺពិតជាទាក់ទាញចិត្តភ្ញៀវជាតិ ពិសេសភ្ញៀវអន្តរជាតិ ក្នុងនោះគ្រាន់តែការថតPre-wedding របស់គូស្វាមីភរិយាថ្មោងថ្មីមួយចំនួននៅតំបន់ប្រាសាទ ក៏បានធ្វើឲ្យអ្នកទេសចរអន្តរជាតិតាមទស្សនា និងសុំផ្ដិតយករូបភាពមិនតិចទេ។ ដូច្នេះហើយ ចាត់ជាការជួយរក្សាអត្តសញ្ញាណជាតិ និងជួយផ្សព្វផ្សាយពីសិល្បៈវប្បធម៌ខ្មែរផង លោកថា ពិតជាល្អណាស់ ប្រសិនបើមានការផ្ចុងផ្ដើមឲ្យមានការផ្គត់ផ្គង់សេវាជួលសំលៀកបំពាក់បែបបុរាណខ្មែរនៅតំបន់សំខាន់ៗបែបប្រវត្តិសាស្ត្រសំខាន់ៗ។
ក្រៅតែពីការសំណូមពរនេះ លោកក៏ស្នើឲ្យប្រជាជនខ្មែរជួយថែរក្សា លើកកម្ពស់សិល្បៈនៃការតុបតែង និងស្លៀកពាក់របស់ខ្មែរតាមរយៈការថតរូបបែបបុរាណនេះ នៅតំបន់ប្រាសាទនានា ជាជាងការជិះយន្តហោះទៅថតសំលៀកបំពាក់បរទេស ដែលលោកយល់ថា ចំណាយច្រើន ដោយយកលុយទៅឲ្យគេហើយ នៅជួយផ្សព្វផ្សាយវប្បធម៌គេថែមទៀត៕
