- 2019-07-31 03:49:42
- ព័ត៌មាន
តាំងពីចូលសិល្បៈមក តើ Yaya ធ្លាប់ថតរឿងជាមួយតួឯកប្រុសសង្ហាណាខ្លះ?
- 2019-07-31 03:49:42
- ចំនួនមតិ 0 | ចំនួនចែករំលែក 0
តាំងពីចូលសិល្បៈមក តើ Yaya ធ្លាប់ថតរឿងជាមួយតួឯកប្រុសសង្ហាណាខ្លះ?
ចន្លោះមិនឃើញ
Yaya គឺជាតារាស្រីថៃដែលកំពុងបន្តសាងភាពល្បីល្បាញរបស់ខ្លួន លើវិថីសិល្បៈតាមរយៈការបង្ហាញនូវសមត្ថភាពប្លែកថ្មីឥតឈប់ក្នុងការសម្ដែង និងការងារផ្សេងៗជាច្រើន។
ថ្មីៗខ្សែភាពយន្តថ្មីមានចំណងជើងថា "ក្លិនស្នេហ៍ផ្កាកាសាឡង"របស់នាង និង James Ma ទើបតែបញ្ចប់ ស្របពេលស្រមោលរឿងថ្មីដែលមាន Mario Maurer ជាដៃគូកំពុងធ្វើឲ្យអ្នកគាំទ្រអន្ទះសាររង់ចាំតាមដានជាបន្ត។
សង្កេតឃើញថាចំណងដៃភាពយន្តរបស់ Yaya ក៏មានច្រើនដែលនាងដើរជាតួឯក។ ឯតួប្រុសដែលបានរួមការងារជាមួយនាង ក៏សុទ្ធតែជាតារាល្បី អីចឹងមកដឹងទាំងអស់គ្នា ថាតើមានអ្នកណាខ្លះ?
១. Tah Warit
តារាសម្ដែងប្រុស ដែលក្លាយជាដៃគូសម្ដែងជាមួយ Yaya ដំបូងគេ គឺ Tah Warit។ ពួកគេបានសម្ដែងរឿងរួមគ្នាមួយមានចំណងជើងថា "Peun See Long Hon"។
២. Ohm Atshar
ឆ្នាំ ២០១០ Yaya ក៏ត្រូវរួមការងារជាមួយ Ohm តាមរយៈរឿងថ្មី "Kularb Rai Narm”។
៣. Nadech Kugimiya
នាងបានជួបជាមួយ Nadech Kugimiya ជាលើកដំបូងពេលសម្ដែងរឿងមានចំណងជើងថា "Duang Jai Akkanee” ក្នុងឆ្នាំ ២០១០។ ដោយសារឃើញពីភាពស៊ីសង្វាក់គ្នា និងថែមទាំងសមគ្នាទៀតនោះ ទើប Nadech និង Yaya មានមុខសម្ដែងជាមួយគ្នាដល់ទៅ ៧រឿង បូកសរុបទាំងរឿងភាគ និងខ្សែភាពយន្តខ្នាតធំ។ មួយវិញទៀតក្នុងឆ្នាំនេះ ក៏លេចឮដំណឹងថា ពួកគេគ្រោងនឹងវិលមកសម្ដែងជាមួយគ្នាជាថ្មីម្ដងទៀតក្នុងរឿង "Lai Kinnaree”។
៤. Mark Prin
នាងបានរួមការងារជាមួយនឹង Mark Prin ចំនួន ២ដងតាមរយៈរឿង "Tawan Deard” កាលពីឆ្នាំ ២០១១ និង "Kluen Chivit” ក្នុងឆ្នាំ ២០១៧។
៥. Aum Atichart
ឈានចូលដល់ឆ្នាំ ២០១៣ Yaya ក៏មានឱកាសបានសម្ដែងជាមយយរៀមច្បង Aum Atichart ក្នុងរឿង "Maya Tawan”។
៦. Por Thrissadee
ឆ្នាំ ២០១៣ ដដែលនោះ នាងបានចូលរួមសម្ដែងរឿងភាគមួយទៀតមានចំណងជើងថា "Dao Rueng” ជាមួយ Por។
៧. James Jirayu
រហូតដល់ឆ្នាំ ២០១៥ នាងត្រូវបានអ្នកដឹកនាំជ្រើសឲ្យដើរតួជាមួយកម្លោះសង្ហា Jams Jirayu ជាលើកដំបូងតាមរយៈរឿង "Neung Dai Suang”។
៧. Sunny Suwanmethanon
សម្រាប់ឱកាសជួបជាមួយ Sunny លើកដំបូងនេះ Yaya ត្រូវដើរតួជាប្អូនស្រីរបស់តួឯកប្រុសក្នុងរឿង "Brother Of The Year កាលពីឆ្នាំ ២០១៨"។ តាមរយៈការសម្ដែងរបស់ពួកគេទាំង ២នាក់ក៏ត្រូវអ្នកគាំទ្រនាំគ្នាពេញចិត្តគ្រប់គ្នាដែរ ម្នាក់ៗបានមើលរឿងហើយសុទ្ធតែលាន់មាត់ថា Sunny និង Yaya ស័ក្ដិសមធ្វើជាបងប្អូននឹងគ្នាណាស់
៩. Nichkhun (ក្រុម 2PM)
ឆ្នាំ ២០១៨ និងក្នុងរឿងដដែល Yaya បានដើរតួជាគូស្នេហ៍របស់ Nickhun សមាជិកក្រុម K-Pop ដ៏ល្បី 2PM។
១០. James Ma
រីឯឆ្នាំ ២០១៩នេះវិញ នាងលេចមុខជាថ្មីក្នុងរឿងភាគ ដែលជាប្រភេទរឿងបុរាណ លាយសម័យ "ក្លិនស្នេហ៍ផ្កាកាសាឡង” ជាមួយ James Ma។ តាមរយៈរឿងថ្មីមួយនេះ ក៏រឹតតែធ្វើឲ្យអ្នកគាំទ្រកោតសរសើរពីសមត្ថភាព និងការអត់ធ្មត់របស់នាង ព្រោះរឿងនេះផ្ដល់បទពិសោធន៍លំបាកសម្រាប់នាងជាច្រើន។
១១. Mario Maurer
តាមព័ត៌មាន បានបញ្ជាក់ថា Mario និងត្រូវចាប់ដៃគូសម្ដែងជាមួយ Yaya នៅក្នុងរឿងថ្មីមានចំណងជើងថា "Jao Gum Nai Wen”។ អ្នកគាំទ្ររបស់តារាប្រុសស្រីទាំង ២នាក់ក៏កំពុងរង់ចាំ និងសង្ឃឹមថារឿងថ្មីនេះនឹងផ្ទុះការគាំទ្រច្រើនទៀតហើយ៕
