- 2019-08-22 04:36:12
- ព័ត៌មាន
ប្ដីប្រពន្ធទាំងនេះហើយជាអ្នកបញ្ជាក់ថា «ស្នេហ៍ពិតច្បាស់ជាមាន» មិនមែនតែក្នុងកុន
- 2019-08-22 04:36:12
- ចំនួនមតិ 0 | ចំនួនចែករំលែក 0
ប្ដីប្រពន្ធទាំងនេះហើយជាអ្នកបញ្ជាក់ថា «ស្នេហ៍ពិតច្បាស់ជាមាន» មិនមែនតែក្នុងកុន
ចន្លោះមិនឃើញ
ប្រមាណ ១ខែចុងក្រោយនេះ មហាជនជួបប្រទះព័ត៌មានបែកបាក់ស្នេហារបស់តារាល្បីៗ ២គូសុទ្ធតែជាជួរមុខប្រចាំពិភពសិល្បៈកូរ៉េ គឺ Song Joong Ki ជាមួយ Song Hye Kyo និង Ahn Jae Hyun ជាមួយ Goo Hye Sun។
យ៉ាងណាក៏ដោយបើក្រឡេកមើលគូស្នេហ៍តារាផ្សេងទៀតដែលកំពុងបន្តឹងចំណងស្នេហ៍ ពិតជាដាស់អារម្មណ៍អ្នកគ្រប់គ្នឲ្យជឿថា ស្នេហ៍ស្មោះពិតជាមាន មិនមែនមានតែនៅក្នុងកុនទេ។ តើមានប្ដីប្រពន្ធតារាណាខ្លះ ដែលកំពុងសាងក្ដីសុខក្នុងគ្រួសារជាមួយគ្នា?
១. Taeyang និង Min Hyo Rin
ស្នេហារបស់អ្នកទាំង ២ ប្រៀបដូចភាពយន្តចាប់តាំងពីពួកគេផ្ដើមទាក់ទងគ្នាកាលពីឆ្នាំ ២០១៤។ ពួកគេមិនដែលធ្វើឲ្យអ្នកគាំទ្រខកបំណងម្ដងណាឡើយ ហើយស្នេហាបែបចាស់ទុំនេះ រឹតតែមានអ្នកសរសើរមិនដាច់ពីមាត់។ អ្វីដែលគួរជាទីពេញចិត្ត ពួកគេបានរក្សាភក្ដីភាពរៀងខ្លួន រហូតដល់ថ្ងៃរៀបការសាងគ្រួសារជាមួយគ្នានៅឆ្នាំ ២០១៨។
២. Rain និង Kim Tae Hee
គូស្នេហ៍កំពូលតារាលំដាប់ A មួយគូនេះត្រូវគេចាត់ទុកថាជាគូស្នេហ៍គំរូប្រចាំពិភពសិល្បៈ ព្រោះថាចាប់តាំងពីធ្លាយដំណឹងស្នេហា រហូតឈានដល់ថ្ងៃរៀបការ និងបន្តមានកូនៗទៀត ពួកគេមិនដែលមានព័ត៌មានល្អក់កករទាក់ទងនឹងជីវិតគូឡើយ។ Rain និង Kim Tae Hee បានរៀបការជាមួយគ្នានៅឆ្នាំ ២០១៧ ហើយបច្ចុប្បន្ន អ្នកទាំង ២មានកូន ២នាក់។ ឯរឿងការងារ ប្ដីប្រពន្ធនេះក៏កំពុងមមាញឹកនឹងរៀងៗខ្លួនដែរ។
៣. Minhwan និង Yulhee
អាចនិយាយបានថា ប្ដីប្រពន្ធមួយគូនេះ គឺជាគូដែលក្មេងជាងគេក្នុងពិភពសិល្បៈកូរ៉។ ពេលឮដឹងថា Minhwan និង Yulhee ទាក់ទងគ្នា មជ្ឈដ្ឋានទូទៅពិតជាមានការភ្ញាក់ផ្អើលជាខ្លាំង ព្រោះខាងស្រីក្មេងពេក។ ក្រោយផ្ទុះព័ត៌មានស្នេហា ពួកគេក៏ប្រកាសរៀបការនឹងគ្នា ហើយក្រោយមកមិនយូរប៉ុន្មាន Yulhee ក៏ផ្ដល់កំណើតឲ្យកូនដំបូង។
ជាក់ស្ដែង ទោះបីជួបព្យុះភ្លៀងព័ត៌មាន បក់បោកខ្លាំងយ៉ាងណា ក៏ពួកគេមិនលែងដៃគ្នា ផ្ទុយទៅវិញរឹតតែកាន់យ៉ាងណែនបន្តដំណើរជីវិតទៅមុខ សាងគ្រួសារតូចយ៉ាងមានសុភមង្គល ហើយថ្មីៗនេះក៏ឮដំណឹងថាពួកគេត្រៀមស្វាគមន៍កូនទី ២ទៀត។
៤. Ki Tae Young និង Eugene
រៀបការរួច ៨ឆ្នាំមែន តែចំណងស្នេហ៍របស់ប្ដីប្រពន្ធ ១គូនេះកាន់តែរឹងមាំគួររីករាយជំនួស។ រម្លឹកកាលផ្ដើមស្នេហ៍ដំបូង ពួកគេជួបគ្នាពេលសម្ដែងរឿង "Creating Destiny" កាលពីឆ្នាំ ២០០៩ និងសម្រេចរៀបការនឹងគ្នានៅ ២ឆ្នាំបន្ទាប់។ គិតត្រឹមរយៈពេល ៨ឆ្នាំក្រោយសាងគ្រួសារនឹងគ្នា ពួកគេមានកូន ២ហើយ។
៥. Moon Hee Jun និង Soyul
ពេលប្រកាសថាមានទំនាក់ទំនងជាមួយគ្នាពីដំបូង Hee Jun និង Soyul រងការវាយប្រហារជាខ្លាំងពីមហាជនមួយចំនួន។ ដោយសារក្ដីស្នេហ៍ស្មោះស្ម័គ្រ ពួកគេមិនចុះចាញ់ដោយងាយៗទេ មានន័យថាអ្នកទាំង ២បែរជាព្យាយាមរឹតចំណងនេះឲ្យកាន់តែមានន័យ រហូតរៀបការ មានកូនជាចំណងដៃ និងសាងក្ដីសុខជាមួយគ្នាគួរឲ្យរំភើប។
៦. Haha និង Byul
ឈានដល់គូស្នេហ៍ ១នេះវិញ បានក្លាយជាគូស្នេហ៍ជាទីស្រឡាញ់ប្រចាំពិភពសិល្បៈកូរ៉េ។ តារាកំប្លែង Haha បានទាក់ទងនឹង Byul រយៈពេលជាង ៦ឆ្នាំ និងសម្រេចរៀបការនៅឆ្នាំ ២០១២។ លោកលួចបង្ហើបថា រយៈពេលរួមរស់ជាមួយគ្នាជាច្រើនឆ្នាំមកនេះ លោក និងប្រពន្ធកម្រឈ្លោះគ្នាណាស់។ ជាញឹកញាប់ ពេលបង្ហាញមុខក្នុងកម្មវិធី ទូរទស្សន៍ Haha តែងលើកឈ្មោះប្រពន្ធ និងកូនទាំង ៣មកនិយាយ និងអួតសរសើរមិនដាច់ពីមាត់។
៧. Sean និង Jung Hye Young
តារាចម្រៀង Sean និងតារាសម្ដែងដ៏ស្រស់ស្អាត Jung Hye Young ពេលនេះមានកូន ៤នាក់ហើយ បន្ទាប់ពីរៀបការជាមួយគ្នារយៈពេល ១៤ឆ្នាំ។ គ្រួសារនេះ តែងទទួលបានពាក្យសរសើរពីអ្នកគាំទ្រ ព្រោះតែភាពរីករាយដែលពួកគេបានផ្ដល់ឲ្យសមាជិកទាំងអស់ក្នុងគ្រួសារ ពិសេសគឺក្ដីស្នេហ៍ស្មោះដែលពួកគេមានចំពោះគ្នា។
ជាមួយគ្នានោះឲ្យតែមានថ្ងៃពិសេសអ្វីមួយ ពួកគេមិនដែលភ្លេចចំណាយពេលរួមគ្នា ជូនកាដូ និងពាក្យជូនពរផ្អែមល្ហែមឲ្យគ្នាឡើយ។ បែបនេះហើយ ជាអ្វីដែលពួកគេមានអ្នកគាំទ្រច្រើន បើទោះការងារសិល្បៈមិនហក់ខ្លាំងដូចតារាដទៃ ប៉ុន្តែបើក្រឡេកមើលជីវិតគ្រួសារពួកគេជោគជ័យខ្លាំងបំផុត៕