- 2019-09-05 15:33:24
- ស្ទីលតារា
ទី្រ ដារ៉ាវុធ ប្រែហើយ! ពេលនេះស្លៀកតែលីអូ និងដោះអាវចេញបង្អួតសាច់ដុំទ្រូង
- 2019-09-05 15:33:24
- ចំនួនមតិ 0 | ចំនួនចែករំលែក 0
ទី្រ ដារ៉ាវុធ ប្រែហើយ! ពេលនេះស្លៀកតែលីអូ និងដោះអាវចេញបង្អួតសាច់ដុំទ្រូង
ចន្លោះមិនឃើញ
តារាសម្ដែង ដើរម៉ូដ និងពិធីករ ទី្រ ដារ៉ាវុធ ថ្មីៗនេះ បានធ្វើឲ្យប្រិយមិត្តមានការចាប់អារម្មណ៍ជាថ្មីទៀត បន្ទាប់ពីលោកបានទម្លាយចិត្តរូបភាពសិល្បៈមួយស៊េរី សិចស៊ីប្លែកភ្នែក ពោលគឺឈុតខ្លះ លោកស្លៀកតែលីអូប៉ុណ្ណោះ និងបានដោះអាវចេញសាច់ដុំទ្រូងទាំងដុំៗតែម្ដង។
រូបនេះនេះ គឺជាសិល្បៈមួយបែបទៀតរបស់អតីត Freshie Boy ចំណាត់ថ្នាក់លេខ១ប្រចាំ២០១៦ បន្ទាប់ពីកន្លងមកគេតែងឃើញលោកកាន់តែក្បាលមេក្រូហ្វូនធ្វើជាពិធីករ ព្រមទាំងសម្ដែង និងដើរម៉ូដប៉ុណ្ណោះ។ តាមការឲ្យដឹងពីភាគីសាមីខ្លួន គឺថា នេះជាអ្វីដែលលោកចង់ឲ្យអ្នកគាំទ្រលោកទទួលបានអារម្មណ៍ប្លែក ជាមួយស្ទីលសិល្បៈមួយថ្មី ស្របពេលលោកក៏ត្រៀមខ្លួនទៅប្រកួតសមត្ថភាព និងភាពស្រស់ស្អាតជាបុរសនៅប្រទេសមីយ៉ាន់ម៉ា ឆាប់ៗខាងមុខនេះផង។
តាមការឲ្យដឹង នៅសល់តែប៉ុន្មានថ្ងៃទៀតប៉ុណ្ណោះ តារាសម្តែង ទី្រ ដារ៉ាវុធ នឹងធ្វើដំណើរទៅកាន់ប្រទេសមីយ៉ាន់ម៉ា ដើម្បីចូលរួមប្រកួតក្នុងព្រឹត្តិការណ៍ប្រឡងសម្រស់ផ្នែកបុរស Man Of The Year។ ដែលព្រឹត្តិការណ៍នេះ នឹងត្រូវចាប់ពីថ្ងៃទី១២ ដល់ថ្ងៃទី២១ ខែកញ្ញា ឆ្នាំ២០១៩នេះ ដោយមានការចូលរួមពីបេក្ខជនតំណាងប្រទេសប្រមាណ២០មកពីជុំវិញពិភពលោកឯណោះ។
ដូច្នេះហើយទើបលោក ដារ៉ាវុធ បញ្ជាក់ថា លោកសម្រេចរំលេចឈុតសិល្បៈសិចស៊ីតាមរយៈស៊េរីរូបភាពប៉ុន្មានសន្លឹក ទុកជាការហាត់សមខ្លួនឯងផង និងផ្ដល់រសជាតិប្លែកភ្នែក ប្លែកអារម្មណ៍ដល់អ្នកគាំទ្រផង ព្រោះថា នៅការប្រកួតកម្មវិធីខាងលើ លោកក៏នឹងត្រូវគេតម្រូវឲ្យស្លៀកបែបនេះដូចគ្នា។
លោក ទី្រ ដារ៉ាវុធ អាយុ ២៤ឆ្នាំគឺជាតារាសម្តែង បង្ហាញម៉ូដ និងជាពិធីករមានប្រជាប្រិយម្នាក់។ ក្រោយពីជាប់ជយលាភីលេខ១ក្នុងកម្មវិធី Freshie Girls & Boys ២០១៦ តារារូបនេះធ្លាប់សម្តែងក្នុងភាពយន្តជាច្រើនបន្តបន្ទាប់រហូតទទួលបានការគាំទ្រច្រើន ដូចជា រឿង “កំណត់ហេតុនាងនាថ” “សរសរកន្លោង” ”ភូមិគ្រឹះជំពាក់ស្នេហ៍” និងរឿង ”កុំងាកក្រោយ” ជាដើម៕
