បើតាមប៉ាៗ Big Hit ២បទនេះហើយដែលធ្វើឲ្យ BTS ល្បីដូចសព្វថ្ងៃ

2019-09-06 02:35:03
ព័ត៌មាន

2019-09-06 02:35:03
ចំនួនមតិ 0 | ចំនួនចែករំលែក 0

ចន្លោះមិនឃើញ

អំឡុងពេលបទសម្ភាសមួយ CEO របស់ផលិតកម្ម Big Hit លោក Bang Si Hyuk ត្រូវបានគេសួរថា តើពេលណាទៅដែលលោកប្រាកដក្នុងចិត្តថា BTS ទទួលជោគជ័យពិតប្រាកដ?

ជាចម្លើយតប លោកបាននិយាយថា មានចម្រៀង ២បទ ដែល BTS ធ្វើឲ្យលោកជឿនឹងភ្នែក ១០០ភាគរយថាក្រុមឈានដល់ចំណុចជោគជ័យ។ ដំបូងគឺនៅឆ្នាំ ២០១៥ ពេលបទ “Run” របស់អាល់ប៊ុម "The Most Beautiful Moment In Life, Pt.2.” ចេញផ្សាយជាផ្លូវការ។ វាជាបទដំបូងហើយដែលធ្វើឲ្យ CEO រូបនេះចាប់ផ្ដើមកត់សម្គាល់ថាបទចម្រៀងរបស់ BTS ទទួលបានមកវិញនូវមតិវិជ្ជមានច្រើនលើសការរំពឹងទុក។

១ឆ្នាំក្រោយមកទៀត បទទី ២ដែលនាំផ្លូវពួកគេទៅរកវិថីជោគជ័យគឺបទ "Fire”។ ក្រុមការងារបានបង្កើតបទនេះ ដើម្បីតេស្តមើលថាតើ បទភ្លេងរបស់ BTS មួយប្រភេទនេះនឹងជោគជ័យកម្រិតណា ហើយចាក៏បានក្លាយជាបទដែលសាកលលោកផ្ដោតការចាប់អារម្មណ៍មកកាន់ក្រុមកាន់តែច្រើន រហូតធ្វើឲ្យលោក Bang Si Hyuk មានមហិច្ឆតាបង្កើតគម្រោងពិសេសធំៗសម្រាប់ក្រុមនេះកាន់តែច្រើន។

ជាលទ្ធផល សមិទ្ធផលជោគជ័យដែល BTS បានទទួលទាំងប៉ុន្មាននេះ បានធ្វើឲ្យគំនិតមួយផុសក្នុងខួរក្បាល CEO របស់ Big Hit ជាប់ជានិច្ច គឺ BTS នឹងមានឱកាសកាន់កាប់ការព្រឹត្តិការណ៍ប្រគំតន្រ្តីលំដាប់ថ្នាក់ពិភពលោក។

មកដល់ពេលនេះ លទ្ធផលបង្ហាញចេញមកលើគោក មានន័យថា BTS ពិតជាបានសម្រេចរាល់ក្ដីស្រមៃ និងស្នាដៃជាច្រើន ហើយសរុបមកវិញ បទ "Run” និង "Fire” នេះហើយដែលធ្វើឲ្យ Bang Si Hyuk ស្ញប់ស្ញែងចំពោះក្រុមនេះបំផុត៕