- 2019-09-12 02:08:40
- ស្ទីលតារា
មកដឹងពីចរិតលក្ខណៈរបស់មនុស្សស្រី ដែលសមាជិក BTS ស្រឡាញ់
- 2019-09-12 02:08:40
- ចំនួនមតិ 0 | ចំនួនចែករំលែក 0
មកដឹងពីចរិតលក្ខណៈរបស់មនុស្សស្រី ដែលសមាជិក BTS ស្រឡាញ់
ចន្លោះមិនឃើញ
សមាជិកម្នាក់ៗរបស់ BTS សុទ្ធតែមានចំណង់ចំណូលខុសគ្នា ហើយក៏មានចិត្តខុសគ្នាផងដែរ។ អ៊ីចឹងថ្ងៃនេះ យើងមកដឹងពីលក្ខណៈសម្បត្តិរបស់មនុស្សស្រីដែលពួកគេស្រឡាញ់វិញម្ដង៖
១. Jin
Jin ស្រឡាញ់មនុស្សស្រីដែលមានមុខមាត់និងចរិតគួរឲ្យស្រឡាញ់។ នារីនោះក៏ជាប្រភេទនារីដែលអាចចម្អិនអាហារបានយ៉ាងល្អ ហើយដឹងថា Jin ចូលចិត្តញ៉ាំរសជាតិបែបណាដូចគ្នា ព្រមទាំងមានចិត្តល្អ និងចេះមើលថែលោក។
២. Suga
Suga ចង់បាននារីដែលមានចរិតស្រដៀងនឹងខ្លួនឯង នារីដែលឆ្លាត ហើយស្រឡាញ់ Hip-Hop និងរ៉េប។ ប្រភេទនារីដែលមានភាពស្ងៀមស្ងាត់ និងមិនប្រកាន់អ្នកដទៃច្រើនក៏ Suga ស្រឡាញ់ដូចគ្នាដែរ។
៣. J-Hope
J-Hope ស្រឡាញ់នារីណាដែលចូលចិត្តអាន ចេះមើលថែអ្នកដទៃ ហើយចេះធ្វើម្ហូបឲ្យបានល្អ។ សមាជិក BTS រូបនេះ ចង់ឲ្យអនាគតមិត្តស្រីរបស់គេ គាំទ្រគេ មើលគេ ហើយគិតពីរូបគេតែម្នាក់គត់។
៤. Rap Monster
ប្រធានក្រុមរូបនេះ ចង់បានមិត្តស្រីដែលឆ្លាត និងមានភាពជានារី។ ម្យ៉ាងទៀត Rap Monster ក៏ចូលចិត្តនារីដែលសិចស៊ី និងមានសម្លេងពីរោះផងដែរ។ នារីដែលស្លៀកពាក់សាមញ្ញដូចជា ពាក់អាវយឺតពណ៌ស ខោខាវប៊យ ពាក់ស្បែកប៉ាតាជាដើមនោះក៏ RM ស្រឡាញ់ដូចគ្នា។
៥. Jimin
ប្រភេទនារីដែល Jimin ស្រឡាញ់នោះគឺ មានចរិតល្អ ស្អាត ហើយមើលទៅគួរឲ្យស្រឡាញ់។ គេក៏ចូលចិត្តនារីណាដែលមានកម្ពស់ទាបជាងរូបគេ។
៦. V
V ចូលចិត្តប្រភេទនារីណាដែលមើលពីក្រៅទៅកាច តែការពិតទៅនារីនោះមានចិត្តទន់ទៅវិញ។ តារាប្រុសម្នាក់នេះក៏ចង់បាននារីណាដែលចិត្តល្អ ហើយចេះគោរពឪពុកម្ដាយ។ នារីដែលចេះទុកដាក់លុយកាក់ និងអាចធ្វើសូកូឡាក្ដៅឲ្យគេ ក៏គេស្រឡាញ់ដូចគ្នា។
៧. Jungkook
Jungkook គេចង់បាននារីដែលមានសុខភាពរាងកាយមាំមួន និងមានជើងស្រឡូន ព្រមទាំងឈ្លាសវៃផងដែរ។ នារីដែលអាចច្រៀងនិងធ្វើម្ហូបបានឆ្ងាញ់ ហើយមានកម្ពស់ទាបជាងគេ ក៏ Jungkook ចាប់អារម្មណ៍ដូចគ្នា។ Jungkook ក៏បានលើកយក IU និង Emma Watson ជាឧទាហរណ៍។