- 2019-09-26 07:22:32
- ចម្រៀង
ចំនួន View នៃ MV ថ្មីរបស់ TWICE ធ្លាក់ចុះខ្លាំង ក្រោយ YouTube ចេញច្បាប់ថ្មី
- 2019-09-26 07:22:32
- ចំនួនមតិ 0 | ចំនួនចែករំលែក 0
ចំនួន View នៃ MV ថ្មីរបស់ TWICE ធ្លាក់ចុះខ្លាំង ក្រោយ YouTube ចេញច្បាប់ថ្មី
ចន្លោះមិនឃើញ
កាលពីថ្ងៃទី ១៣ ខែកញ្ញា YouTube បានប្រកាសអំពីការផ្លាស់ប្ដូរនៃគោលការណ៍រាប់ចំនួនទស្សនាសម្រាប់វីដេអូចម្រៀង ដោយចំនួនទស្សនាបានមកពីការផ្សាយពាណិជ្ជកម្ម (Ads) នឹងមិនត្រូវរាប់បញ្ចូលនោះទេ។ ដូចនេះ វីដេអូចម្រៀងដែលចេញថ្មីៗដែលចង់បំបែកកំណត់ត្រាចំនួនទស្សនាច្រើនលើសលប់ក្នុងពេល ២៤ ម៉ោងត្រូវពឹងផ្អែកលើកម្លាំងផ្ទាល់ខ្លួន។
TWICE ជាក្រុមចម្រៀងដំបូងដែលរងសម្ពាធពីគោលការណ៍ថ្មីនេះ។ ជាក់ស្ដែង MV នៃបទ "Feel Special” ពេលចេញបាន ២៤ ម៉ោងដំបូង មានចំនួនទស្សនាប្រមាណ ១៤,៧ លានដងប៉ុណ្ណោះ។ ប្រៀបធៀបនឹង MV ពីរចុងក្រោយគឺ "Fancy” និង "Yes Or Yes” គឺសុទ្ធតែមានចំនួនទស្សនាលើស ៤០ លានដង ពេលចេញផ្សាយ ២៤ ម៉ោងដំបូង។
នេះបានបង្ហាញថាការចំណាយទឹកប្រាក់របស់ផលិតកម្មចម្រៀង ឬការចំណាយរបស់អ្នកគាំទ្រ ក្នុងការទិញផ្ទាំងពាណិជ្ជកម្មពិតជាជះឥទ្ធិពលខ្លាំងដល់ចំនួនទស្សនានៃ MV។ ទស្សនាវដ្ដីដ៏ល្បី Rolling Stone បាននិយាយថាផលិតកម្មចម្រៀងនឹងចំណាយចន្លោះពី ២ ម៉ឺន ទៅ ៦ ម៉ឺនដុល្លារ ឬរហូតដល់ ១០ ម៉ឺនដុល្លារ ក្នុងពេលចេញផ្សាយ MV ២៤ ម៉ោងដំបូង ដើម្បីបង្កើនចំនួនទស្សនាឲ្យបានច្រើន។
ហេតុនេះពីពេលនេះទៅ អ្នកគាំទ្រមានតែត្រូវប្រើសមត្ថភាពផ្ទាល់ខ្លួនក្នុងការបង្កើនចំនួនទស្សនានៃបទថ្មីៗរបស់តារាខ្លួនពេញចិត្តនៅពេល ២៤ ម៉ោងដំបូង តាមរយៈការចុចចូលមើលផ្ទាល់ៗ៕