- 2019-10-12 09:32:27
- ព័ត៌មាន
ត្រឹមយប់ទីមួយ! ព្រឹត្តិការណ៍អុំទូកបាត់ដំបង២០១៩ ពិតជាកក្រើកខ្លាំង
- 2019-10-12 09:32:27
- ចំនួនមតិ 0 | ចំនួនចែករំលែក 0
ត្រឹមយប់ទីមួយ! ព្រឹត្តិការណ៍អុំទូកបាត់ដំបង២០១៩ ពិតជាកក្រើកខ្លាំង
ចន្លោះមិនឃើញ
គិតត្រឹមថ្ងៃទី ១ នៃព្រឹត្តិការណ៍អុំទូកបាត់ដំបង ២០១៩ ប៉ុណ្ណោះ គេឃើញមានមនុស្សម្នាគ្រប់ទិសទីបានមកចូលរួមកម្សាន្តយ៉ាងច្រើនកកកុញ នៅបរិវេណម្ដុំសួននាគបាញ់ទឹក ក្រុងបាត់ដំបង។
ក្នុងពិធីបើកព្រឹត្តិការណ៍អុំទូកដ៏ធំប្រចាំឆ្នាំនេះ ទទួលបានកិត្តិយសជាគណអធិបតីពីឯកឧត្តម សរ រដ្ឋា ឯកឧត្តម អ៊ុយ រី ប្រធានក្រុមប្រឹក្សាខេត្តបាត់ដំបង និង ឯកឧត្តម ងួន រតនៈ អភិបាលនៃគណអភិបាលខេត្តបាត់ដំបង រួមជាមួយនាយករដ្ឋបាលខេត្ត រដ្ឋបាលក្រុងបាត់ដំបង និងអាជ្ញាធរពាក់ព័ន្ធថែមទៀតផង។
នារាត្រីបើកព្រឹត្តិការណ៍នេះផងដែរ ក៏មានការសម្តែងរបាំប្រពៃណីបុរាណខ្មែរចម្រុះមុខ នៅធ្វើលើឆាក បានញាំងឲ្យកម្មវិធីកាន់តែមានភាពអធិកអធម។ ក្រៅពីសកម្មភាពសម្ដែងរបាំបុរាណខ្មែរជាច្រើនទម្រង់ហើយនោះ ក៏មានការប្រគំតន្ត្រីដ៏ធំអស្ចារ្យមួយផងដែរ ដោយមានការចូលរួមពីលោក នីកូ និងកញ្ញា ចិត្ត កញ្ចនា ដោយ តារា ចម្រៀង ទាំងពីរដួងនេះ បានច្រៀងចម្រៀង ជាច្រើនបទ អង្រួន អស់ដួងចិត្តអ្នកដើរកម្សាន្តអុំទូកបាត់ដំបង ២០១៩ នេះ ។
ក្នុងព្រឹត្តិការណ៍អុំទូកបាត់ដំបង ២០១៩ ទៀតសោត ក៏មានការតាំងពិព័រណ៍ផលិតផលចម្រុះមុខរយៈ៥ថ្ងៃ ចាប់ពីថ្ងៃទី ០៩ ដល់ថ្ងៃទី១៣ ខែតុលា រួមជាមួយការប្រគំតន្ត្រីពិសេសពីតារាចម្រៀង Original Song ល្បីៗប្រចាំព្រះរាជាណាចក្រកម្ពុជាជាច្រើនរូប រយៈពេល ៣ថ្ងៃ ចាប់ពីថ្ងៃទី ១១ ១២ និង១៣។
“អ៊ុំទូកបាត់ដំបង២០១៩” គឺជាការសហការគ្នារវាងរដ្ឋបាលខេត្តបាត់ដំបង និងមន្ទីរអង្គភាពពាក់ព័ន្ធនានា ក្រុមហ៊ុន A&S Advertising ហើយកម្មវិធីទាំងមូលអាចដំណើរការទៅបានដោយមានការឧបត្ថម្ភផ្ដាច់មុខដោយស្រាបៀរអង្គរ និងភេសជ្ជៈ Pepsi៕