- 2019-10-14 05:10:00
- ព័ត៌មាន
ក្ដីស្រឡាញ់ដូចបងប្អូន របស់តារាប្រុស ៤គូ នេះធ្វើឲ្យអ្នកគាំទ្ររំភើបបំផុត
- 2019-10-14 05:10:00
- ចំនួនមតិ 0 | ចំនួនចែករំលែក 0
ក្ដីស្រឡាញ់ដូចបងប្អូន របស់តារាប្រុស ៤គូ នេះធ្វើឲ្យអ្នកគាំទ្ររំភើបបំផុត
ចន្លោះមិនឃើញ
មិត្តភាព គឺជាអ្វីដែលមនុស្សមិនអាចខ្វះបាន ហើយក្ដីស្រឡាញ់ ការបារម្ភចំពោះគ្នាទៅវិញទៅមក ពិតជាសំខាន់ណាស់។ ក្រឡេកមកមើលសង្គម K-Pop វិញ អ្នកគាំទ្រតែងចាប់អារម្មណ៍ជានិច្ចចំពោះការស្រឡាញ់រាប់អានប្រៀបដូចបងប្អូនរវាងតារាៗសំណព្វចិត្តរបស់ខ្លួន ហើយអ្នកដែលអ្នកគាំទ្រស្រឡាញ់ជាងគេមាន៖
១. Chanyeol និង Baekhyun (ChanBaek)
ក្រុម EXO នឹងស្ងប់ស្ងាត់ បើគ្មានសមាជិក ២នាក់នេះ ព្រោះពួកគេសុទ្ធតែជាមនុស្សពូកែលេង ដើរញ៉ោះសមាជិកក្នុងក្រុម ពិសេសគ្នាគេទាំង ២នាក់។ អ្នកទាំង ២ ត្រូវអ្នកគាំទ្រលើកថាជាបងប្អូនល្អនឹងគ្នា ដោយសារកាយវិការជិតស្និទ្ធ លេងសើចដាក់គ្នា និងស្រឡាញ់ យកចិត្តទុកដាក់នេះឯង។ អ្វីដែលកាន់តែរំភើប ពេលទៅណាមកណាម្ដងៗ Chanyeol តែងការពារសមាជិករួមទាំងអស់ រួមទាំង Baekhyun ផង ដោយសារលោកមានកម្ពស់ខ្ពស់ជាងគេ។ សកម្មភាពបែបនេះ ប្រៀបដូចលោកជាបងប្រុសការពារប្អូនអ៊ីចឹង ទោះបី Chanyeol អាយុប្អូន Baekhyun ៦ខែក៏ដោយ។
២. V និង Jungkook (VKook)
អាចនិយាយបានថា BTS មាន ឈ្មោះល្បីក៏ដោយសារក្ដីស្រឡាញ់របស់សមាជិកម្នាក់ៗទៅឲ្យគ្នាដែរ។ ក្រុមនេះជាក្រុម ដែលអ្នកគាំទ្រលាន់មាត់ថាមានភាពជិតស្និទ្ធនឹងគ្នាជាងក្រុម K-Pop ដទៃទៀត។ ពួកគេខំសាងអ្វីៗគ្រប់យ៉ាងតាំងពីដៃទទេ រហូតក្លាយជាក្រុមចម្រៀងល្បីលំដាប់ពិភពលោកដូចសព្វថ្ងៃ។ សមាជិកទាំង ៧ស្រឡាញ់គ្នាប្រៀបដូចបងប្អូនទៅហើយ គ្រាន់តែអ្នកដែល Fan ចាប់អារម្មណ៍ជាងគេគឺ V និង Jungkook។ គ្រប់ពេលទៅណាមកណា ធ្វើអ្វីក៏ដោយ V តែងលេងជាមួយ Jungkook របស់គេច្រើនជាងគេ ហើយក៏តែងឱប និងមើលថែការពារជាប់រហូតដែរ។ កាយវិការទាំងនេះហើយ ចងចិត្តអ្នកគាំទ្រកាន់តែពេញចិត្តនឹងភាពជាបងប្អូនរបស់ពួកគេខ្លាំងឡើងៗ។
៣. B.I និង Bobby (Double B)
ទោះបី B.I សម្រេចចិត្តចាកចេញពីក្រុមក៏ពិតមែន តែសម្រាប់អ្នកគាំទ្រ លោកនៅតែជាផ្នែករបស់ iKON ដដែល។ ក្ដីស្រឡាញ់ ការរាប់អានរវាងលោក និង Bobby ពិតជាមិនអាចកាត់ថ្លៃបាន ពួកគេធ្វើឲ្យមហាជនរំភើបបំផុត ពេលបង្ហាញកាយវិការយកចិត្តទុកដាក់ លេងសើចដាក់គ្នាគ្រប់ពេល ពេលពួកគេនៅជុំគ្នា។ នេះ ហើយជាមិត្តភាពដ៏មានតម្លៃដែលមិនសរសើរមិនបាន។
៤. Ong Seung Woo និង Kang Daniel (OngNiel)
តាំងពីចូលរួមកម្មវិធី "Produce 101” រដូវកាលទី២មក អ្នកគាំទ្រកត់ចំណាំសកម្មភាព Daniel និង Seung Woo ជាងគេ ព្រោះអ្នកទាំង ២តែងលេងសើចដាក់គ្នា និងធ្វើអ្វីជាមួយគ្នាច្រើនជាងមិត្តដទៃទៀត។ ត្រឹម ១ឆ្នាំប៉ុណ្ណោះ មិត្តភាពនេះក៏កាន់តែល្អឡើងរហូតធ្វើឲ្យពួកគេក្លាយជាមិត្តជិតស្និទ្ធនឹងគ្នា ឬអាចហៅបានថាជា បងប្អូនល្អ៕
