- 2019-10-14 09:23:34
- ជីវិតតារា
នេះជាលើកចុងក្រោយបង្អស់ដែលអ្នកគាំទ្របានឃើញមុខ Sulli
- 2019-10-14 09:23:34
- ចំនួនមតិ 0 | ចំនួនចែករំលែក 0
នេះជាលើកចុងក្រោយបង្អស់ដែលអ្នកគាំទ្របានឃើញមុខ Sulli
ចន្លោះមិនឃើញ
សារព័ត៌មានធំៗជាច្រើនបានចុះផ្សាយអំពីដំណឹងនៃការស្លាប់របស់ Sulli អតីតសមាជិកក្រុមចម្រៀងកូរ៉េ f(x)។ សមត្ថកិច្ចបានប្រាប់ដល់សារព័ត៌មានកូរ៉េ Yonhap ថាអ្នកគ្រប់គ្រងរបស់នាងបានរកឃើញនាស្លាប់នៅផ្ទះ នៅសង្កាត់ Sujeong-gu ក្រុង Seongnam ខេត្ត Gyeonggi ប្រទេសកូរ៉េខាងត្បូង។
មុនការស្លាប់នេះប្រមាណជា ៤ ថ្ងៃគឺ Sulli បានបង្ហោះរូបភាពផ្ទាល់ខ្លួនទៅលើគណនី Instagram ដែលរូបភាពនេះមានភ្ជាប់ជាមួយពាក្យដែលបកប្រែថា "ក្រហម"។ វាជារូបភាពចុងក្រោយបង្អស់ដែល Sulli បន្សល់ទុកដល់អ្នកគាំទ្រ។
ទន្ទឹមនឹងនេះដែរ Sulli គឺជាអ្នកសម្របសម្រួលម្នាក់ប្រចាំកម្មវិធី "Reply Night” របស់ទូរទស្សន៍កូរ៉េ JTBC។ នៅថ្ងៃទី ១១ ខែតុលា វីដេអូខ្លីៗនៃកម្មវិធីនេះត្រូវបានបង្ហោះឡើង ដែលអាចចាត់ទុកថាជាវីដេអូចុងក្រោយបំផុតរបស់ Sulli។
គួរដឹងដែរថាមុនដំណឹងទុក្ខសោកនេះ ៤ ខែ Sulli បានប្រឡូកជាតារាចម្រៀងទោល ដែលចេញផ្សាយបទចម្រៀង Goblin និងបានឡើងសម្ដែងឆាកពិសេសក្នុងកម្មវិធីប្រគំតន្រ្តី SM Town Theartre នាទីក្រុងសេអ៊ូល នៅថ្ងៃទី ២៩ មិថុនា។
Sulli ចូលប្រឡូកសិល្បៈដំបូងនៅឆ្នាំ ២០០៥ ពេលមានអាយុទើបតែ ១១ ឆ្នាំ ដែលនាងសម្ដែងជាព្រះនាង Seonhwa ក្នុងខ្សែភាពយន្តភាគ Ballad of Seodong របស់ SBS។ បន្តមកទៀតនាងបានដាក់ពាក្យប្រឡងចូលផលិតកម្ម SM Entertainment និងក្លាយជាអ្នកហាត់ការម្នាក់។ Sulli ប្រឡូកក្នុងវិស័យចម្រៀងក្នុងនាមជាសមាជិកម្នាក់នៃក្រុម f(x) នៅខែកញ្ញា ឆ្នាំ ២០០៩។ យ៉ាងណាក្ដីនៅខែសីហា ២០១៥ មានការបញ្ជាក់ថានាងបានចេញពីក្រុម f(x)៕
