- 2019-10-16 02:43:41
- ព័ត៌មាន
ក្រោយពីរំភើបនឹងសារជូនពរថ្ងៃកំណើត Jimin តបការអរគុណភ្ជាប់រូប ៣សន្លឹក
- 2019-10-16 02:43:41
- ចំនួនមតិ 0 | ចំនួនចែករំលែក 0
ក្រោយពីរំភើបនឹងសារជូនពរថ្ងៃកំណើត Jimin តបការអរគុណភ្ជាប់រូប ៣សន្លឹក
ចន្លោះមិនឃើញ
ចូលដល់ឆ្នាំ ២០១៩ Jimin សមាជិក BTS ឈានចូលដល់អាយុ ២៤ឆ្នាំហើយ ហើយចំថ្ងៃខួបកំណើត ១៣ ខែតុលា លោកក៏បានទទួលសារជូនពរជាច្រើនពីសំណាក់អ្នកគាំទ្រជុំវិញពិភពលោក។
ក្រៅពីបង្ហាញក្ដីស្រឡាញ់តាមរយៈសារជូនពរ Fan មួយចំនួនក៏ថែមទាំងបានធ្វើពិធីខួបកំណើតអបអរតូចធំ ជាលក្ខណៈជប់លៀង ខ្លះធ្វើអំពើល្អជួយសង្គម មានបរិច្ចាគឈាមជាដើម។ ប្រការនេះ ក៏បានធ្វើឲ្យ ជាប់ Trending ចំនួន Hashtag ដល់ទៅ ២០ ក្នុងពេលតែមួយ ជាហេតុបំបែកកំណត់ត្រាពិភពលោក ហើយក៏ជារឿងភ្ញាក់ផ្អើលស្មានមិនដល់សម្រាប់ Jimin ស្របពេលកំពុងសម្ដែងនៅអារ៉ាប៊ីសាអូឌីត។
ដើម្បីថ្លែងអំណរគុណនូវទឹកចិត្តដ៏ល្អរបស់អ្នកគាំទ្រ Jimin ក៏បានបង្ហោះសារមួយលើ Twitter សម្រាប់អ្វីគ្រប់យ៉ាងដែលពួកគេធ្វើចំពោះលោកក្នុងថ្ងៃកំណើត។ jimin សរសេរថា៖ «ខ្ញុំសុំទោសដែលតបការថ្លែងអំណរគុណដល់អ្នកគ្រប់គ្នាយឺតបន្តិច។ ខ្ញុំគេងច្រើនណាស់។ មនុស្សជាច្រើនបានធ្វើពិធីអបអរថ្ងៃកំណើតខ្ញុំ ហើយខ្ញុំពិតជារីករាយបំផុត។ ខ្ញុំមានអារម្មណ៍ថា ដូចខ្លួនឯងហ្នឹងជាតួឯកអ៊ីចឹង។ អរគុណគ្រប់គ្នាខ្លាំងណាស់ ដែលធ្វើឲ្យថ្ងៃខួបកំណើតមិនសូវសំខាន់របស់ខ្ញុំឲ្យទៅជារឿងមានន័យបំផុតបែបនេះ។ ខ្ញុំស្រឡាញ់អ្នកទាំងអស់គ្នា»។
អមជាមួយសារនោះ សមាជិកពូកែស្រែករបស់ BTS រូបនេះក៏បានភ្ជាប់ជាមួយរូបភាពលោកលេងលើទឹកកកចំនួន ៣សន្លឹកផងដែរ៕
