- 2019-10-16 03:22:17
- ព័ត៌មាន
ត្រឹម ២ឆ្នាំ Taeyeon បាត់មិត្តល្អដល់ទៅ ២នាក់ ជាហេតុអ្នកគាំទ្រកាន់តែបារម្ភពីនាងខ្លាំង
- 2019-10-16 03:22:17
- ចំនួនមតិ 0 | ចំនួនចែករំលែក 0
ត្រឹម ២ឆ្នាំ Taeyeon បាត់មិត្តល្អដល់ទៅ ២នាក់ ជាហេតុអ្នកគាំទ្រកាន់តែបារម្ភពីនាងខ្លាំង
ចន្លោះមិនឃើញ
បន្ទាប់ពីព័ត៌មាននៃការស្លាប់របស់ Sulli ត្រូវបានផ្សព្វផ្សាយព្រាតពេញពិភពលោក អ្នកគាំទ្ររបស់ Taeyeon កាន់តែមានការព្រួយបារម្ភថែមមួយកម្រិតចំពោះសុខភាព Taeyeon។
មុន Sulli ស្លាប់ ១ថ្ងៃ Taeyeon និង SM ទើបតែបង្ហាញវីដេអូ Teaser អាល់ប៊ុមថ្មីរបស់នាងមានឈ្មោះថា "PURPOSE”។ ប៉ុន្តែក្រោយមកស្រាប់តែមានរឿងស្លុតចិត្តនេះកើតឡើង ហើយចំសិស្សប្អូនរួមផលិតកម្ម ដែលនាងស្រឡាញ់ដូចប្អូនទៅវិញ។
ជាក់ស្ដែងក្រោយដំណឹងតក់ស្លុតនេះ ផ្ទុះឡើង អ្នកគាំទ្រជាច្រើនរបស់ Taeyeon ពិតជាមានការព្រួយបារម្ភចំពោះខ្លាំងបំផុត ព្រោះនាងក៏ជាតារាម្នាក់ដែលធ្លាប់ប្រឈមនឹងវិបត្តិផ្លូវចិត្តដែរ។ ពួកគេបាន Comment ផ្ដល់កម្លាំងចិត្ត ក្ដីស្រឡាញ់ ក្នុងន័យឲ្យនាងរឹងមាំឡើង។ អ្នកគាំទ្រទាំងនោះខំប្រាប់នាងថា កុំឱបក្រសោបអារម្មណ៍ទុក្ខសោកអី ព្យាយាមព្រលែងវាចោលឲ្យអស់ និងធ្វើចិត្តឲ្យសប្បាយៗ។ ពួកគេនឹងរង់ចាំស្នាដៃថ្មីរបស់នាង ទោះត្រូវពន្យារពេលចេញ ឬមានរឿងអីក៏ដោយ ក៏ពួកគេនៅតែគាំទ្រដែរ។
សូមបញ្ជាក់ផងដែរថា Taeyeon និង Sulli បានក្លាយជាបងប្អូនល្អនឹងគ្នាតាំងពីពួកគេចេញមុខលើសិល្បៈទៅទៀត។ ពួកគេថែមទាំងបានរស់នៅក្នុងផ្ទះស្នាក់ជាមួយគ្នាកាលពីនៅជាអ្នកហ្វឹកហាត់ចំណូលថ្មីទៀតផង។ មិត្តភាពនេះនៅតែបន្តរហូតគ្មានថ្ងៃប្រែ ហើយតែងផ្ដល់ការគាំទ្រគ្នាជានិច្ចក្នុងកាលៈទេសៈណាក៏ដោយ។ មួយវិញទៀតមិនមែនតែ Sulli ទេ សូម្បី Jonghyun ក៏ជាមិត្តល្អរបស់ Taeyeon ដែរ ប៉ុន្តែត្រឹម ២ឆ្នាំ មនុស្សល្អរបស់នាង ២នាក់បានទៅចោលនាងអស់ ដូចនេះគ្មានអ្វីដែលត្រូវដែលត្រូវលាក់បាំងថានាងពិបាកចិត្តកម្រិតណានោះ៕
