- 2019-11-08 04:52:59
- ភាពយន្ត
ប្លែកអារម្មណ៍ហើយ! សន ពិសិដ្ឋ-ព្រះកាយច័ន្ទ ចាប់ដៃគ្នាក្នុងរឿងស្នេហាបែបស្រុកស្រែមួយ
- 2019-11-08 04:52:59
- ចំនួនមតិ 0 | ចំនួនចែករំលែក 0
ប្លែកអារម្មណ៍ហើយ! សន ពិសិដ្ឋ-ព្រះកាយច័ន្ទ ចាប់ដៃគ្នាក្នុងរឿងស្នេហាបែបស្រុកស្រែមួយ
ចន្លោះមិនឃើញ
លោក សន ពិសិដ្ឋ និងព្រះកាយច័ន្ទ ដែលមិនធ្លាប់ជួបសម្ដែងជាមួយគ្នាសោះនោះ ឥឡូវស្រាប់តែជួបគ្នាក្នុងខ្សែភាពយន្តបែបស្រុកស្រែចម្ការមួយដែលបានធ្វើពិធីក្រុងពាលីនៅព្រឹកមិញនេះ។
រឿងនោះមានចំណងជើងថា "សម្បថដងស្ទឹង" ផលិតដោយទូរទស្សន៍ប៉ុស្តិ៍លេខ៥ ដែលនិយាយពីចំណងស្នេហ៍រវាងកំលោះក្រមុំមួយគូនៅតំបន់ស្រុកស្រែចម្ការ ក្នុងនោះ ព្រះកាយច័ន្ទ សម្ដែងជាតួអង្គឈ្មោះ "នួន" និងសន ពិសិដ្ឋ សម្ដែងជាតួអង្គឈ្មោះ "លាភ"។
តាមការបញ្ជាក់ ពួកគេទាំងពីរ ទើបតែប៉ះគ្នាលើកដំបូងបំផុតក្នុងការសម្ដែង។ "កុំថាឡើយថា ការសម្ដែង សូម្បីតែនៅខាងក្រៅ ក៏មិនដែលបានជួបគ្នាផងបង!”។ ភាគីខាងតារាស្រីឆ្លើយ។ ដោយឡែក ខាងប្រុស ក៏អះអាងដូចគ្នាថា ជាបទពិសោធន៍លើកដំបូងរបស់លោកជាមួយ ព្រះកាយច័ន្ទ។ មិនត្រឹមប៉ុណ្ណឹង នេះគឺជាតួឯកលើកដំបូងថែមទៀតក្នុងការសម្ដែងភាពយន្តប្រភេទភាគសម្រាប់ទូរទស្សន៍។
ចំណុចនេះខុសពីតារាស្រី ព្រះកាយច័ន្ទដែលនាង រមែងគ្រប់គ្រងតំណែងតួឯកគ្រប់រឿង។ បើទោះជាការជួបគ្នាលើកដំបូង ប៉ុន្តែពួកគេទាំងពីរមានជំនឿថា អាចនឹងសម្ដែងចូលគ្នាបានល្អ ដោយសំអាងថា ម្នាក់ៗក៏សុទ្ធតែមានបទពិសោធន៍ច្រើនរៀងៗខ្លួនហើយ។
រឿង "សម្បថដងស្ទឹង" និយាយពីចំណងស្នេហារបស់កំលោះក្រមុំមួយគូ កើតនៅតំបន់ជនបទ។ នួន ជាក្រមុំកើតក្នុងគ្រួសារក្រីក្រ ដោយឡែក លាភ ជាកូនមេឃុំ។ ដូច្នេះហើយ ចំណងស្នេហ៍របស់ពួកគេ ពោរពេញដោយឧបសគ្គជាច្រើន ពិសេសតួស្រី រងគំនាបផ្លូវចិត្តជាច្រើន រហូតដល់នាងត្រូវបង្ខំចិត្តរៀបការជាមួយបុរសដែលនាងមិនស្រឡាញ់ទៅវិញ។ សាច់រឿងយ៉ាងណា មានតែចាំតាមដានក្រោយពេលចេញបញ្ចាំងប៉ុណ្ណោះ។
តាមឯកឧត្ដម ស៊ិន សុផាត ប្រធានផលិតកម្មវិធីទូរទស្សន៍របស់ទូរទស្សន៍លេង៥ បានបញ្ជាក់ថា រឿងនេះ គឺជារឿងទី ២៣ ហើយសម្រាប់ស្ថានីយរបស់លោក នេះដោយមិនរាប់បញ្ចូលភាពយន្តដែលផលិតកម្មផ្សេងសម្រាប់ប៉ុស្តិ៍លេខ៥ផង។ ចំពោះរឿង "សម្បថដងស្ទឹង" បន្ទាប់បើកពិធីក្រុងពាលីព្រឹកនេះ ក្រុមការងារផលិតគ្រោងនឹងចេញថតនៅក្រោយបុណ្យអុំទូករួចរាល់។ ដោយឡែក កាលបរិច្ឆេទដាក់បញ្ចាំង មិនទាន់មានការបញ្ជាក់ឲ្យច្បាស់នៅឡើយ៕