- 2019-11-09 08:23:42
- ភាពយន្ត
អ្នកនៅក្នុងគម្រោង "រម្យនាហ្វេស្ទីវ៉ល" ពេលនេះ រោងភាពយន្ត "ទេពច្យុត" ចេញកាលវិភាគបញ្ចាំងហើយ!
- 2019-11-09 08:23:42
- ចំនួនមតិ 0 | ចំនួនចែករំលែក 0
អ្នកនៅក្នុងគម្រោង "រម្យនាហ្វេស្ទីវ៉ល" ពេលនេះ រោងភាពយន្ត "ទេពច្យុត" ចេញកាលវិភាគបញ្ចាំងហើយ!
ចន្លោះមិនឃើញ
រោងភាពយន្ត "ទេពច្យុត" គឺជាកម្មវិធីកម្សាន្តដោយការទស្សនាភាពយន្តដោយសេរី នៅគម្រោង "រម្យនាហ្វេសស្ទីវ៉ល" ដែលប្រារព្ធធ្វើរយៈពេល៤ថ្ងៃនៅខេត្តមណ្ឌលគីរីនាឱកាសបុណ្យអុំទូកអកអំបុក សំពះព្រះខែ និងលយប្រទីបនេះ។
កម្មវិធីនឹងចាប់ផ្ដើមពីថ្ងៃសៅរ៍ទី ៩ វិច្ឆិកានេះតទៅ នៅលើផ្ទៃដីប្រមាណ ៥ហិកតា កណ្ដាលក្រុងសែនមនោរម្យនៃខេត្តមណ្ឌលគីរី តាមកម្មវិធីដែលបានរៀបចំទុក ចាប់ពីម៉ោង ៥ និង៣០នាទីល្ងាចតទៅ។ កញ្ញា ឆរដ្ឋ ឆលាភី ប្រធានគម្រោង "រម្យនាហ្វេស្ទីវ៉ល" បានឲ្យដឹងថា នេះជាបទពិសោធន៍ថ្មី ដែលត្រូវបានផ្ដល់តាមរយៈគម្រោងខាងលើ ក្នុងនោះ គឺដើម្បីឲ្យប្រិយមិត្តបានទស្សនភាពយន្តក្នុងបរិយាកាសដ៏សែនរ៉ូមែនទិក នៅក្នុងកញ្ចប់នៃដំណើរកម្សាន្តតែមួយ។
នៅក្នុងកញ្ចប់តែមួយសម្រាប់កម្សាន្តរបស់គម្រោងខាងលើដែលមានតម្លៃចាប់ពី ៤៩ដុល្លារ ដល់ ៩៩ដុល្លារនេះ ប្រិយមិត្តអាចរីករាយនឹងកម្មវិធីដូចជា ការប្រគំតន្ត្រី កម្មវិធីដាល់អំបុក ហាត់យូហ្គា ទស្សនាភាពយន្ត និងការគេងក្នុងតង់ដែលមានរៀបចំនូវពូក ខ្នើយ ម៉ាស៊ីកកំដៅ និងបន្ទប់ទឹកស្អាតជាដើម។
ដោយឡែកកម្មវិធីទស្សនាភាពយន្តវិញ គម្រោងបាននាំមកជូនប្រិយមិត្តនូវខ្សែភាពយន្តល្អៗមើលជាច្រើន។ សូមតាមដានកាលវិភាគលម្អិត និងចំណងជើងភាពយន្តដូចខាងក្រោម។
សម្រាប់អ្នកដែលនៅមណ្ឌលគីរីស្រាប់ ដែលចង់ចូលកម្សាន្តក្នុងកម្មវិធីគម្រោង គឺអាចធ្វើទៅបានដោយគ្រាន់តែទិញសំបុត្រចូលតម្លៃតែ ៥០០០រៀលប៉ុណ្ណោះ៕
