- 2019-11-14 02:42:57
- ព័ត៌មាន
សិរីមង្គលណាស់ សុគន្ធកញ្ញា សម្រាលបានបុត្រម្នាក់ ខណៈ៣គូទៀត នឹងរៀបការផ្អើលចុងខែនេះ
- 2019-11-14 02:42:57
- ចំនួនមតិ 0 | ចំនួនចែករំលែក 0
សិរីមង្គលណាស់ សុគន្ធកញ្ញា សម្រាលបានបុត្រម្នាក់ ខណៈ៣គូទៀត នឹងរៀបការផ្អើលចុងខែនេះ
ចន្លោះមិនឃើញ
ខែវិច្ឆិកានេះ អាចនិយាយបានថាជាខែនៃសិរីមង្គលរបស់សិល្បករខ្មែរដោយមានទាំងអ្នកទើបសម្រាលកូនដំបូង និងមានទាំងអ្នកដែលបានដើរចែកធៀបការរួចរាល់ ត្រៀមចូលរោងជ័យក្លាយជាគូស្វាមីភរិយាតាមប្រពៃណីនាចុងខែវិច្ឆិកានេះ។
ឱក សុគន្ធកញ្ញា បានក្លាយជាម្ដាយឪពុករបស់គេជាផ្លូវការ ក្រោយពីនាងបានរៀបការយ៉ាងអធិកអធមជាមួយប្អូនប្រុសថៅកែផលិតកម្មហង្សមាសរបស់នាងកាលពីខែឧសភា។ មកទល់នឹងពេលនេះ កញ្ញា សម្រាលបានបុត្រម្នាក់ហើយកាលពីថ្ងៃទី ១១ ខែ ១១ ២០១៩ ដោយមានការចូលរួមអបអរ និងជូនពរពីមិត្តភ័ក្ដិសាច់ញាតិ ក៏ដូចជាអ្នកគាំទ្ររបស់នាង។ កូនដំបូងរបស់តារាស្រីហង្សមាស គឺជាកូនប្រុស ដែលកើតមកមានទម្ងន់ ៣,៧៥គីឡូក្រាម។
កញ្ញា និងស្វាមី បានឯកភាពដាក់ឈ្មោះកូនដំបូងរបស់ពួកគេថា "Charlie”។ "ឆ្លងកាត់ពេលវេលាដ៏វែង អារម្មណ៍នៃការរង់ចាំ ការព្រួយបារម្ភ និងរូបភាពពិតនៃការបង្កើតកូនដ៏លំបាករបស់ម្តាយគ្រប់រូប ទីបំផុតអារម្មណ៍ជាឪពុកម្តាយដ៏ពិតប្រាកដបានមកដល់ ។ នៅពេលនេះ ស្វាគមន៍ Charlie មកកាន់ពិភពលោកដ៏ស្រស់ស្អាត"។ សុគន្ធកញ្ញា ថ្លែង។
ក្រៅពីព័ត៌មានសិរីមង្គលរបស់ ឱក សុគន្ធកញ្ញា ក៏មានរឿងសិរីមង្គលរបស់សិល្បករ៣គូទៀតកើតក្នុងខែនេះដែរ ដោយពួកគេនឹងចូលរោងជ័យក្លាយជាគូស្វាមីភរិយាស្របតាមប្រពៃណីដែរហើយ ដោយក្នុងនោះមានចាប់ពីថ្ងៃទី ២៦-២៨ទៅ។
១.ពិធីការិនី កែវ សីហា និងលោក សត្យា៖ ពិធីការិនីទូរទស្សន៍អាស៊ីអាគ្នេយ៍ កែវ សីហា ដ៏ស្រស់ស្អាត បានដើរចែកធៀបអញ្ជើញភ្ញៀវកិត្តិយសរួចរាល់ហើយ ដោយនៅចាំតែថ្ងៃមង្គលជ័យចូលមកដល់ប៉ុណ្ណោះ។ តាមដំណឹង សីហា និងចូលរោងការជាមួយលោក សត្យា នៅថ្ងៃទី ២៧ វិច្ឆិកា ២០១៩។ អនាគតស្វាមីរបស់ សីហា គឺជាដុកទ័រមួយរូប ហើយពួកគេបានស្គាល់គ្នា ៩ឆ្នាំហើយ មុនពេលចាស់ៗបានសម្រេចចងស្ពានមានមេត្រីជាមួយគ្នា។
២.ប៉ែន ចំរុង និង ហ៊ុន ម៉ាណេ៖ តារាសម្ដែង និងជាពិធីករទូរទស្សន៍ ប៉ែន ចំរុង ក៏មានឈ្មោះជាសិល្បករចូលរោងជ័យនៅក្នុងខែវិច្ឆិកានេះដែរ។ តាមលោក អ៊ីណូ បានឲ្យដឹងថា តារាប្រុសមកពីខេត្តបាត់ដំបងរូបនេះ នឹងត្រូវចូលរោងជ័យនៅថ្ងៃទី ២៨ វិច្ឆិកា ២០១៩ នេះជាមួយកញ្ញា ហ៊ុន ម៉ាណេ ដ៏ស្រស់ស្អាត។ លោក ចំរុង ធ្លាប់បង្ហើបថា បន្ទាប់ពីរៀបការរួច លោក និងភរិយា នឹងដាក់ចេញគម្រោងរកស៊ីដ៏គួរឲ្យភ្ញាក់ផ្អើលមួយ។
៣.សួស វីហ្សា និង ថមមី៖ គូនេះ គឺជាគូចុងក្រោយដែលមានដំណឹងចូលរោងការនៅចុងខែវិច្ឆិកានេះ។ តាមកាលវិភាគផ្លូវការ តារាចម្រៀងហង្សមាស និងតារាសម្ដែងប្រុស នឹងចូលរោងជ័យនៅថ្ងៃទី ២៩ វិច្ឆិកា ២០១៩។ ពួកគេបានរើសរកពេលាល្អ ក្រោយពីពួកគេបានសាងសមិទ្ធផលរួមគ្នាជាច្រើន ដោយក្នុងនោះមានទាំងផ្ទះធំទ្រនំខ្ពស់ រួមទាំងរថយន្តទំនើបផង។
ក្រៅពីតារាប្រុសស្រីខាងលើ នៅមានគូសិល្បករផ្សេងទៀត ដែលនឹងចូលរោងជ័យបន្តបន្ទាប់ទៀត ខណៈបច្ចុប្បន្ន ពួកគេកំពុងតែល្អូកល្អិននឹងគ្នា ក្នុងនោះមាន ទេព បូព្រឹក្ស និងងួន ចាន់ដេវីត និង ពេជ្រ សោភា និងលោក ឈឹម សក្កដា សុខ សោម៉ាវត្តី និងលី វ៉ាហេទ ជាដើម៕
