- 2019-11-29 04:43:41
- ព័ត៌មាន
តិចថាមិនជឿចុះ! មង្គលការ ប៉ែន ចំរុង យប់មិញ តារាលំដាប់ណាក៏មកអស់ដែរ
- 2019-11-29 04:43:41
- ចំនួនមតិ 0 | ចំនួនចែករំលែក 0
តិចថាមិនជឿចុះ! មង្គលការ ប៉ែន ចំរុង យប់មិញ តារាលំដាប់ណាក៏មកអស់ដែរ
ចន្លោះមិនឃើញ
លោក ប៉ែន ចំរុង បានបញ្ចប់ភាពនៅលីវ ត្រឹមយប់មិញ ក្រោយបានរៀបការតាមប្រពៃណីជាមួយអ្នកនាង ហ៊ុន ម៉ាណេ យ៉ាងឧឡារិកនាយប់មិញ ជាវេលាដែលគេបានឃើញថា កូនប្រុស ទទួលបានការរាប់អានច្រើនមិនធម្មតា ព្រោះថានាយប់មិញនេះ សិល្បករក្នុងស្រុកទាំងចម្រៀង និងសម្ដែង ឌីជេ លំដាប់ណាក៏មកចូលរួមអស់ដែរ។
និយាយពីទិដ្ឋភាពពិធីបន្តិច គេបានកត់សម្គាល់ឃើញការរៀបចំតុបតែង គឺកាន់តែប្លែកបំផុត ពោលគឺការរៀបចំគ្រប់កន្លែង គឺតាមបែបផែននៃសមុទ្រ ពោលគឺមានរូបសត្វក្នុងសមុទ្រ មួយចំនួនត្រូវបានយកមកកែច្នៃតុបតែង។ ចំណុចនេះ ត្រូវបានគេដឹងថា ដោយសារថា កូនកំលោះ ប៉ែន ចំរុង ចូលចិត្តសមុទ្របំផុត។ ដូច្នេះហើយ សូម្បីតែភ្ញៀវកិត្តិយសដែលចូលរួមក៏ត្រូវបានលើកទឹកចិត្តឲ្យស្លៀកពាក់ទៅតាមកម្មវិធីដែរ។
“ពេលគេអញ្ជើញ គេបានប្រាប់ភ្ញៀវថា Concept គឺសមុទ្រ ដូច្នេះអាចស្លៀកពាក់អ្វីឲ្យស្រដៀងៗហ្នឹងសមុទ្រ"។ សិល្បករម្នាក់បង្ហើប។ បែបនេះហើយ នៅយប់មិញនេះ គេឃើញភ្ញៀវមួយចំនួនធំដែរ បានស្លៀកបំពាក់មានពណ៌ខៀវស្រាល គឺពណ៌ទឹកសមុទ្រ។
និយាយពីភ្ញៀវកិត្តិយសវិញ ដូចបញ្ជាក់ពីខាងលើ គឺភ្ញៀវច្រើនមែនទែន។ លោក ប៉ែន ចំរុង ប្រាប់សារព័ត៌មានថា មង្គលការរបស់លោករៀបចំចំនួន ៥០តុ ក្នុងនោះ ៣០តុសម្រាប់ភ្ញៀវសិល្បៈ។ ប៉ុន្តែមើលលើភាពជាក់ស្ដែង...គេយល់ថា លោក ចំរុង មិនចង់បញ្ចេញតួលេខចំនួនតុពិត ចៀសវាងមានការនិយាយមិនល្អពីលោកថា "អួត" ព្រោះមើលតាមចំនួនភ្ញៀវ គឺចំនួនតុ អាចខ្ទង់១០០តុឯណោះ។
ជាក់ស្ដែងយប់មិញនេះ សិល្បករគ្រប់លំដាប់ សុទ្ធតែមកជុំគ្នាក្នុងពិធីមង្គលរបស់តារាប្រុសមកពីខេត្តបាត់ដំបងដែរ ដោយសូម្បីតែលោក ព្រាប សុវត្ថិ ខេមរៈ សិរីមន្ត មាស សុខសោភា សុខ ពិសី ពេជ្រ សោភា ដែលកម្រឃើញចូលរួមកម្មវិធីលក្ខណៈឯកជនបែបនេះ ក៏បានអញ្ជើញមកចូលរួមជុំគ្នាទាំងអស់ដែរ។
តោះ...ទស្សនាទិដ្ឋភាពយប់មិញទាំងអស់គ្នា!!!