- 2019-12-01 03:43:29
- ព័ត៌មាន
“នាឡិកាដាស់វិញ្ញាណ" ប្រមូលពានជិត១០ម្នាក់ឯងពីមហោស្រពភាពយន្តជាតិទី៦
- 2019-12-01 03:43:29
- ចំនួនមតិ 0 | ចំនួនចែករំលែក 0
“នាឡិកាដាស់វិញ្ញាណ" ប្រមូលពានជិត១០ម្នាក់ឯងពីមហោស្រពភាពយន្តជាតិទី៦
ចន្លោះមិនឃើញ
មហោស្រពភាពយន្តជាតិលើកទី៦ បានបញ្ចប់ទៅហើយដោយរកឃើញថា រឿង "នាឡិកាដាស់វិញ្ញាណ" ជាប់ជាភាពយន្តឆ្នើមប្រចាំឆ្នាំ។ មិនត្រឹមប៉ុណ្ណឹងភាពយន្តខ្នាតធំរបស់ LD Picture នៅឈ្នះពានផ្សេងៗទៀតជាច្រើនពីកម្មវិធី។
“នាឡិកាដាស់វិញ្ញាណ" បានយកឈ្នះផលិតផលភាពយន្តក្នុងស្រុកចំនួន ១៧ចំណងជើងផ្សេងទៀត មិនត្រឹមជាភាពយន្តឆ្នើមប្រចាំឆ្នាំ ប៉ុន្តែក៏ជាភាពយន្តឈ្នះពីច្រើនជាងគេទៀតពីមហោស្រពដែលរៀបចំដោយក្រសួងវប្បធម៌នេះ។ ក្រៅពីពានភាពយន្តឆ្នើម ភាពយន្តនេះ នៅឈ្នះពានមួយចំនួនទៀតដូចគ្នា៖
១.ពានអ្នកកាត់តតម្លើងរូបភាពឆ្នើមៈ អ្នកឈ្នះមានឈ្មោះ រដ្ឋា។ ២.អ្នកផ្គុំសំឡេងឆ្នើមៈ អ្នកឈ្នះឈ្មោះ ធីនីត ដែលពានទាំងពីរនេះ គឺស្ថិតពានផ្នែកបច្ចេកទេស។ ៣.ពានកិត្តិយសបុរស និងនារី បានទៅលើលោក សន ពិសិដ្ឋ តួឯកក្នុងរឿង។ ៤.ឃុល សាមេនតា តួកុមារីក្នុងរឿង ក៏ឈ្នះពាននេះជាមួយតួឯកប្រុស សន ពិសិដ្ឋ។
ទី៥. ពានអ្នកដឹកនាំរឿងឆ្នើម បានទៅលើលោក លៀក លីដា ចាងហ្វាងផលិតកម្ម LD Picture និងជាផលិតកររឿង "នាឡិកាដាស់វិញ្ញាណ" និងទី៦ គឺពានភាពយន្តឆ្នើមប្រចាំឆ្នាំនេះឯង។
លោក លៀក លីដា ដែលឡើងទៅទទួលពានម្ដងហើយម្ដងទៀត បានលើកឡើងថា អ្វីទទួលបានសាកសមនឹងការខិតខំរបស់លោក និងក្រុមការងារទាំងអស់។ លោកថា ចំពោះក្រុមការងារផលិតរឿង "នាឡិកាដាស់វិញ្ញាណ" លោកទាំងមូល គឺបានដឹងក្នុងបេះដូងរួចទៅហើយថា ពួកលោកធ្វើបានកម្រិតណា និងគួរតែទទួលបានអ្វីរួចទៅហើយ។ ប៉ុន្តែការទទួលពាន គឺជាសាក្ខីភាពជាក់ស្ដែងបញ្ជាក់ពីអ្វីដែលពួកលោកបានធ្វើ។
លោក លីដា សង្កត់ធ្ងន់ថា LD បានផលិតភាពយន្តប្រមាណ ៣០រឿង និងភាគច្រើនសុទ្ធតែជោគជ័យ ប៉ុន្តែលោកមិនដែលបានយកមកដាក់ក្នុងមហោស្រពនោះទេ គឺមានតែរឿង "នាឡិកាដាស់វិញ្ញាណ" នេះ ជាលើកទី១ ដែលលោកយកមកប្រកួត ហើយទីបំផុតបានឈ្នះជយលាភីជាច្រើនពីកម្មវិធីតែមួយ។ ដូច្នេះហើយ លោកថា ពិតជាមោទកភាពណាស់ ហើយថា អ្វីដែលទទួលបានលើកនេះ ជាទុនឲ្យលោកកាន់តែមានទឹកចិត្តបន្ថែមទៀត ក្នុងការឈ្មួសឈ្មុលក្នុងវិស័យសិល្បៈទី៧របស់ខ្មែរនេះ។
ជ័យជំនះរបស់ "នាឡិកាដាស់វិញ្ញាណ" បន្ទាប់ពីរឿងនេះ ក៏ជោគជ័យក្នុងការដាក់បញ្ចាំងនៅក្នុងស្រុក និងបានដាក់គម្រោងទៅទីផ្សារអន្តរជាតិទៀត ដោយថ្ងៃទី ២៦ ខែធ្នូ ២០១៩ ចាប់បញ្ចាំងនៅប្រទេសឡាវ និងថៃ។ លោក លីដា បញ្ជាក់ថា ឥឡូវនេះ លោកទទួលបានកាលវិភាគជាក់លាក់ហើយសម្រាប់ដាក់បញ្ចាំងនៅប្រទេសទី៤ទៀត គឺសិង្ហបុរី បញ្ចាំងនៅថ្ងៃទី ៦ មករា ២០២០។ ដោយឡែកប្រទេស៣ទៀតក្នុងចំណោម៦ដែលបានទទួលយក "នាឡិកាដាស់វិញ្ញាណ" ទៅបញ្ចាំងដែរ គឺ ភូមា ម៉ាឡេស៊ី និងប្រ៊ុយណេ កំពុងពិនិត្យរកកាលបរិច្ឆេទដែលអាចចាក់ផ្សាយបានុំ
ក្រៅពីរឿងរបស់ LD នេះ ភាពយន្តខ្មែរ "ស្នេហាក្មេងៗ" របស់ផលិតកម្ម "កងចក្រភីកឈ័រ" ជាភាពយន្តបន្ទាប់ដែលឈ្នះពានច្រើនពីកម្មវិធីតែមួយ៕