- 2019-12-23 04:03:49
- ព័ត៌មាន
ដល់ពេលបង្ហាញមុខ តារាចិនដែលមានប្រជាប្រិយជាងគេប្រចាំឆ្នាំ ២០១៩
- 2019-12-23 04:03:49
- ចំនួនមតិ 0 | ចំនួនចែករំលែក 0
ដល់ពេលបង្ហាញមុខ តារាចិនដែលមានប្រជាប្រិយជាងគេប្រចាំឆ្នាំ ២០១៩
ចន្លោះមិនឃើញ
ឆ្នាំ ២០១៩នឹងត្រូវបញ្ចប់ក្នុងពេលឆាប់ៗ ហើយបណ្ដាបណ្ដាញផ្សព្វផ្សាយ ក៏ដូចជាលទ្ធផលតារាងតារាល្បីប្រចាំឆ្នាំ ក៏ត្រូវបានបង្ហាញចេញជាបន្តបន្ទាប់ផងដែរ។ ជាក់ស្ដែងដូចថ្មីៗនេះ លទ្ធផលកំពូលតារាចិនដែលមានឥទ្ធិពលជាងគេប្រចាំឆ្នាំ ២០១៩ ត្រូវបានរកឃើញជាស្ថាពរ។
១. Yang Mi
ឆ្នាំនេះបើទោះបីជានាងជួបនឹងរឿងអាស្រូវច្រើនក៏ពិតមែន ក៏ប៉ុន្តែវាមិនបានធ្វើឲ្យនាងធ្លាក់ប្រជាប្រិយឡើយ ផ្ទុយមកវិញកេរ្តិ៍ឈ្មោះរបស់នាងកាន់តែហក់ឡើងខ្លាំង តាមរយៈការបង្ហាញមុខក្នុងខ្សែភាពយន្ត និងផ្សព្វផ្សាយផលិតផល Brand ជាច្រើន។
២. Jackson Yee
កំលោះសង្ហាកើតឆ្នាំ ២០០០នេះ បានឆក់បេះដូងនារីជាច្រើននាក់ឲ្យលង់ស្នេហ៍ ពេលគេបង្ហាញសមត្ថភាពសម្ដែងក្នុងខ្សែភាពយន្តជាច្រើនរឿងនៅឆ្នាំនេះ។
៣. Zhao Liying
ទោះបីនាងស្ងាត់ចេញសកម្មភាពសិល្បៈជាងកន្លះឆ្នាំក៏ពិតមែន ប៉ុន្តែពេលវិលវិញ នាងក្ដោបបានការងារជាច្រើន ហើយទោះបីរៀបការប្ដីមែន តែទីផ្សារសិល្បៈនៅតែត្រូវប៉ាន់សម្រាប់ Liying។
៤. Xiao Zhan
តារាប្រុសម្នាក់នេះក៏កំពុងពេញល្បីដែរនៅឆ្នាំនេះ ហេតុផលគឺគ្មានអ្វីក្រៅពីរូបរាងដ៏សង្ហា បន្ថែមជាមួយសមត្ថភាពខ្ពស់ផ្នែកសិល្បៈពេញខ្លួនរបស់លោកទេ។
៥. Yang Zi
ចូលដល់ស្រីស្អាតរូបនេះវិញ ត្រូវមនុស្សជាច្រើនលាន់មាត់ថា ឆ្នាំ ២០១៩ គឺជាឆ្នាំមាសឆ្នាំពេជ្ររបស់នាង។ បន្ទាប់ពីល្បីតាមរយៈភាពយន្ត នាងក៏តែងមានមុខជាញឹកញាប់លើបណ្ដាញសារព័ត៌មាន ប៉ុន្តែមិនមែនជារឿងអាស្រូវមិនល្អទេ ប៉ុន្តែក៏ដោយសារគេកោតសរសើរនឹងសម្រស់ ក៏ដូចជាភាពគួរឲ្យស្រឡាញ់។
៦. Karry Wang
តារាប្រុសម្នាក់នេះក៏មានមុខញឹកដែរឆ្នាំនេះ មានតាំងពីការបង្ហាញខ្លួនក្នុងកម្មវិធីទូរទស្សន៍ លើឆាកសម្ដែងជាដើម កម្របាត់មុខ Karry ណាស់។
៧. Luhan
សង្កេតឃើញថា ជីវិតជាតារាទោលរបស់ Luhan ជោគជ័យច្រើន ទាំងសម្ដែង និងចម្រៀង។ ការមមាញឹកទាំងនេះហើយជាអ្នករុញ Luhan ក្លាយជាតារាល្បី និងមានអ្នកពេញចិត្តខ្លាំងបំផុតក្នុងប្រទេសចិន។
៨. Lay ឬ Zhang Yixing (ក្រុម EXO)
សម្រាប់សមាជិក EXO រូបនេះវិញនៅតែមានឈ្មោះនៅជាមួយក្រុមជានិច្ច ប៉ុន្តែ១រយៈចុងក្រោយ លោកបានញែកបន្តិចមកចាប់ការងារជាតារាទោលសម្រេចក្ដីប្រាថ្នា និងទទួលបានភាពជោគជ័យច្រើនជាបន្តបន្ទាប់ ពិសេសនៅប៉ែកអឺរ៉ុប។
៩. Wang Yibo
២០១៩ គឺជាឆ្នាំដ៏មមាញឹកសម្រាប់ Yibo មិនថាការងារសម្ដែងរឿង ឬកម្មវិធីទូរទស្សន៍ទេ ភាគច្រើនគេតែងឃើញមានវត្តមានរបស់លោក។ ម្យ៉ាងវិញទៀតនៅក្នុងឆ្នាំនេះ កំលោះសង្ហារូបនេះក៏ឈ្នះពានច្រើនដែរពីកម្មវិធីធំៗប្រចាំឆ្នាំ ក្រោយធ្វើបានល្អក្នុងរឿង "The Untame"។
១០. Roy Wang
កំពូលទី១០ គ្មានអ្នកណាក្រៅពី Roy Wang តារាប្រុសវ័យក្មេងកើតឆ្នាំ ២០០០។ ឥទ្ធិពលរបស់ Roy លើបណ្ដាញសង្គមក៏មិនធម្មតាដែរ បើគិតតែក្នុងប្រទេសចិន។ ជាមួយនឹងសម្រស់សង្ហាវ័យក្មេង ទេពកោសល្យពេញខ្លួន រឿងអីខ្វះអ្នកគាំទ្រនោះ៕
