- 2019-12-26 02:20:23
- ព័ត៌មាន
គ្រីស្មាស់ម្សិលមិញគ្រប់គ្នាសប្បាយលាន់ អាណិតខ្លោចចិត្តតែ Wendy
- 2019-12-26 02:20:23
- ចំនួនមតិ 0 | ចំនួនចែករំលែក 0
គ្រីស្មាស់ម្សិលមិញគ្រប់គ្នាសប្បាយលាន់ អាណិតខ្លោចចិត្តតែ Wendy
ចន្លោះមិនឃើញ
កាលពីថ្ងៃទី ២៥ ខែធ្នូម្សិលមិញនេះ Wendy ដែលជាសមាជិកក្រុមចម្រៀង Red Velvet បានរងរបួសធ្ងន់មុនការប្រគំតន្ត្រីចុងឆ្នាំរបស់ទូរទស្សន៍ SBS។
ផលិតកម្ម SM បានបញ្ចេញសេចក្ដីថ្លែងការណ៍ជុំវិញរបួសរបស់ Wendy និងបានបញ្ជាក់ថា Red Velvet មិនអាចសម្ដែងក្នុងកម្មវិធី SBS Gayo Daejeon ឆ្នាំ ២០១៩ បាននោះទេ។ ផលិតកម្មបានបញ្ជាក់បន្ថែមជាមួយសារព័ត៌មាន No Cut ថា អំឡុងការហាត់សមសម្រាប់ការសម្ដែងផ្ទាល់ខ្លួនរបស់នាង Wendy បានធ្លាក់ពីលើឆាក និងរងរបួស។
ផលិតកម្មបានបន្តបកស្រាយថា ៖ "Wendy ត្រូវបាននាំទៅមន្ទីរពេទ្យភ្លាមៗសម្រាប់ការត្រួតពិនិត្យឲ្យល្អិតល្អន់ ហើយនាងត្រូវរបួសចំមុខ និងបាក់ឆ្អឹងត្រគាក និងកដៃ នៅផ្នែកខាងស្ដាំនៃដងខ្លួន។ នាងបានឆ្លងកាត់ការព្យាបាលជាបន្ទាន់ ហើយពេលនេះកំពុងរង់ចាំការពិនិត្យបន្ថែម។”
ផលិតកម្មបានបញ្ជាក់ថាជុំវិញសកម្មភាពនាពេលខាងមុខរបស់ Red Velvet ផលិតកម្មនឹងធ្វើការប្រកាសជាថ្មី នៅពេលគ្រប់យ៉ាងបានដោះស្រាយរួចរាល់៕
ចុចអាន ៖ សរុបព្រឹត្តិការណ៍សំខាន់ៗដែលកើតមានក្នុងពិភព K-Pop នៅឆ្នាំ ២០១៩
