- 2020-01-03 08:34:04
- ព័ត៌មាន
តារា K-Pop ទាំងនេះជាប់ងារពូកែថែបេះដូងឲ្យនៅទំនេរស្អាត ខណៈគូមិនទាន់ដល់
- 2020-01-03 08:34:04
- ចំនួនមតិ 0 | ចំនួនចែករំលែក 0
តារា K-Pop ទាំងនេះជាប់ងារពូកែថែបេះដូងឲ្យនៅទំនេរស្អាត ខណៈគូមិនទាន់ដល់
ចន្លោះមិនឃើញ
វាជារឿងពិបាកបន្តិចក្នុងការជឿថា តារាល្បីៗមិនដែលធ្លាប់ប៉ះពាល់សម្ព័ន្ធភាពស្នេហាពីមុន ប៉ុន្តែការពិតនៅតែជាការពិត ហើយរឹតតែភ្ញាក់ផ្អើល នៅពេលដឹងរឿងពិតថាតារាកូរ៉េទាំងនេះមានបេះដូងទំនេរ មិនទាន់មានអ្នកណាក្លាយជាម្ចាស់នៅឡើយ។
ដោយសារតែសមត្ថភាព សម្រស់ និងភាពលេចធ្លោ ក៏ដូចជាអត្តចរិតគួរឲ្យស្រឡាញ់ទៀត ច្បាស់ណាស់ ពួកគេទាំងនេះសុទ្ធតែមានគេលង់ស្នេហ៍ ប៉ុន្តែមែនទែនទៅតារាទាំងនេះមិនទាន់ស្គាល់ស្នេហ៍ពិតម្ដងណាឡើយ តាំងពីមុនមកដល់បច្ចុប្បន្ន។ ស្របពេលព័ត៌មានទាក់ទងស្នេហាផ្ទុះឡើងជាបន្តបន្ទាប់ អ៊ីចឹងយើងងាកមកស្គាល់អ្នកដែលពូកែថែបេះដូងឲ្យនៅទំនេរទាំងនេះទាំងអស់គ្នា៖
១. V (ក្រុម BTS)
ក្នុងបទសម្ភាសមួយជាមួយ BTS សមាជិកគ្រប់គ្នាត្រូវបានគេសួរថា តើមានអ្នកណាមិនធ្លាប់មានស្នេហាពីមុនទេ? V និយាយយ៉ាងលឿនថា តាំងពីដើមមក លោកមិនដែលទាក់ទងនារីណាម្នាក់ឡើយ ប៉ុន្តែលោកក៏បានបញ្ជាក់ដែរថា លោកធ្លាប់មានមិត្តស្រីម្ដងពីមុន តែពេលនោះក៏ព្រោះតែលោកអន់ចិត្តបំផុត ពេលត្រូវគេបដិសេធ ហើយទំនាក់ទំនងនោះក៏ត្រូវបញ្ចប់រយៈពេលមិនដល់ ២០ថ្ងៃផង។
២. Minhyun (ក្រុម NU'EST)
លោកទទួលស្គាល់ថា លោកធ្លាប់មានមិត្តស្រីកាលពីនៅអនុវិទ្យាល័យ ប៉ុន្តែទំនាក់ទំនងនោះ គឺមានត្រឹមតែតាមរយៈការផ្ញើសារប៉ុណ្ណោះ រហូតធ្វើឲ្យអ្នកដែលកំពុងស្ដាប់លោកនិយាយពេលនោះ លាន់មាត់ថា ទំនាក់ទំនងបែបនេះមិនហៅថាជាការទាក់ទងស្នេហាទេ ដូច្នេះហើយទើបគ្រប់គ្នាយល់ស្របថា Minhyun ពិតជានៅ Single ពិតៗតាំងពីកើតមក។
៣. Gongchan (ក្រុម B1A4)
អំឡុងពេលចូលរួមក្នុងកម្មវិធីមួយ សមាជិក B1A4 ទាំងអស់បានទម្លាយពីវ័យដែលពួកគេបានទទួលស្នាមថើបគ្រាដំបូង ប៉ុន្តែលើកលែង Gongchan ម្នាក់គត់ដែលមិនមាននឹងគេ។ លោកបានទទួលស្គាល់ថាលោកធ្លាប់តែឃើញគេថើបគ្នាក្នុងរឿងកុនប៉ុណ្ណោះ ជីវិតពិតលោកមិនទាន់ទទួលម្ដងឡើយ។
៤. Chungha
ក្នុងបទសម្ភាសមួយ Chungha បាននិយាយថា នាងមិនដែលមានមិត្តប្រុសឡើយ ហើយអ្នកដែលនាងធ្លាប់ស្និទ្ធជាមួយគឺបុរសម្នាក់ដែលនាងធ្លាប់ផ្ញើសារលេងជាមួយរយៈពេលត្រឹម១ខែប៉ុណ្ណោះ ប៉ុន្តែគ្មានអ្វីលើសពីនេះឡើយ។
៥. Hanbin
ឯ Hanbin វិញក៏ធ្លាប់ណែនាំឲ្យគេគ្រប់គ្នាបានដឹងម្ដងដែរ ថាលោកជាអ្នកដែលរក្សាភាពនៅលីវ Single រយៈពេល ២០ឆ្នាំហើយ។ ទោះជាយ៉ាងណា លោកបានទម្លាយឲ្យដឹងថា លោកពិតជាមិនធ្លាប់មានទំនាក់ទំនងស្នេហា ឬធ្លាប់ថើបគ្នាជាមួយអ្នកណាម្នាក់ឡើយតាំងពីដើមមក។
៦. Kei (ក្រុម Lovelyz)
នៅក្នុងកម្មវិធីទូរទស្សន៍មួយ Kei បានបញ្ជាក់ថានាងក៏ជាអ្នកដែលមិនធ្លាប់មានប្រវត្តិមានស្នេហានឹងគេដែរ ហើយក៏មិនដែលមានអ្នកណាសារភាពសុំស្នេហ៍ដែរ។ នាងថានាងមានអ្វីត្រូវធ្វើច្រើនទៀត សម្រាប់យុវភាពរបស់នាង ហើយក៏មិនចង់បញ្ចប់ផ្លូវខ្លួនឯងលើវិថីសិល្បៈ ដោយសារតែរឿងស្នេហាអីដែរ៕