- 2020-01-08 05:15:00
- ស្ទីលតារា
ខ្លាចអ្នកកាសែត ប្រមាញ់រូបខ្លួនយកទៅលក់បាន តួរឿង Harry Potter ពាក់ខោអាវឈុតដូចគ្នាកន្លះឆ្នាំ
- 2020-01-08 05:15:00
- ចំនួនមតិ 0 | ចំនួនចែករំលែក 0
ខ្លាចអ្នកកាសែត ប្រមាញ់រូបខ្លួនយកទៅលក់បាន តួរឿង Harry Potter ពាក់ខោអាវឈុតដូចគ្នាកន្លះឆ្នាំ
ចន្លោះមិនឃើញ
ដើម្បីទប់ស្កាត់នឹងបញ្ហាត្រូវក្រុមអ្នកប្រមាញ់រូបតាមដានថតរូបខ្លួន តារាសម្ដែងប្រុសល្បីឈ្មោះអង់គ្លេស Daniel Radcliffe បានប្រើមួយក្បាច់ធ្វើឲ្យគេតទល់លែងបាន។
នៅពេលដែលសម្រេចចិត្តឈានជើងចូលសិល្បៈហើយ សិល្បករទាំងអស់ មិនថាប្រុស ឬស្រីគឺគេចមិនផុតឡើយពីករណីត្រូវអ្នកកាសែតតាមដាន។ ខណៈមនុស្សចំនួនគិតថាការត្រូវគេតាមដានជារឿងធម្មតានោះ តែមនុស្សជាច្រើនមិនពេញចិត្តឡើយ។
ដ្បិតក្រៅពីប្រមាញ់រូបដើម្បីដឹងពីជីវិតឯកជនរបស់តារាដើម្បីដឹងរឿងឯកជនរបស់ពួកគេនោះ ក្រុមអ្នកប្រមាញ់នេះ ក៏តាមដានសិល្បករដើម្បីផ្ដិតយករូបទៅលក់ឲ្យ បណ្ដាញព័ត៌មានធំៗដើម្បីយកលុយផងដែរ ដោយតម្លៃនៃរូបទាំងនេះគឺក្រាស់ក្រែលគួរសមដែរ។
ក្នុងនាមជាតារាសម្ដែងដ៏ល្បីឈ្មោះម្នាក់ តួរឿង Harry Potter លោក Daniel Radcliffe ត្រូវបានអ្នកកាសែតជាច្រើនតែងលបតាមលោករាល់ពេលលោកមានវត្តមាននៅទីណាម្ដងៗ។ ដើម្បីតទល់នឹងអ្នកកាសែតទាំងនោះ លោកមិនអាចគេចខ្លួនបានរហូតឡើយ ដូចនេះលោកបានគិតឃើញវិធីដ៏ឆ្លាតមួយនោះគឺ ក្នុងរយៈពេល៦ខែ រាល់ពេលចេញក្រៅ គឺប្រុសស្អាតវ័យ៣០ឆ្នាំ ស្លៀកពាក់ខោអាវមានម៉ូដនិងពណ៌ដូចគ្នាមួយឈុតគត់។
នៅពេលធ្វើដូចនេះ អ្នកកាសែតទាំងឡាយដែលប្រមាញ់រូបលោកដើម្បីយកទៅលក់នោះ មិនអាចរកលុយបានឡើយ ដោយបណ្ដាញព័ត៌មានទាំងនោះគិតថានេះគឺជារូបដដែរ ទើបមិនបានចំណាយលុយទិញឡើយ។ នៅពេលអនុវត្តវិធីនេះយូរៗទៅ អ្នកកាសែតក៏ចាប់ផ្ដើមលែងតោងតាមលោក។ ទស្សនិកជនជាច្រើនបានសរសើរនូវគំនិតដ៏ឆ្លាតនេះ របស់តារាមកពីអង់គ្លេស ព្រោះមិនចាំបាច់ប្រើកម្លាំងច្រើន ក៏លោកអាចបណ្ដេញអ្នកតាមខ្លួនដោយងាយៗ៕
