- 2020-01-10 06:58:06
- ព័ត៌មាន
អស់ពីខំវះកាត់មុខរាប់សែនដុល្លារ អ្នកគាំទ្រម្នាក់នេះសម្រេចរៀបការជាមួយផ្ទាំងរូប Jimin
- 2020-01-10 06:58:06
- ចំនួនមតិ 0 | ចំនួនចែករំលែក 0
អស់ពីខំវះកាត់មុខរាប់សែនដុល្លារ អ្នកគាំទ្រម្នាក់នេះសម្រេចរៀបការជាមួយផ្ទាំងរូប Jimin
ចន្លោះមិនឃើញ
បុរសម្នាក់ដែលជាជនជាតិអង់គ្លេសបានចំណាយប្រាក់ដល់ទៅ ១៦៥ ០០០ដុល្លារ ដើម្បីបានមុខដូច Jimin សមាជិកក្រុម BTS កំពុងក្លាយជាប្រធានបទពេញបណ្ដាញផ្សព្វផ្សាយសាជាថ្មីដោយសារតែលោកបានសម្រេចរៀបការជាមួយនឹងផ្ទាំងរូបរបស់ Jimin។
Oli បុរសជនជាតិអង់គ្លេសដែលគេស្គាល់ច្បាស់ថាជាអ្នកគាំទ្ររបស់ Jimin បានបង្កឲ្យបណ្ដាញផ្សព្វផ្សាយចុះព័ត៌មានពេញអ៊ីនធើណិតម្ដងទៀតហើយ បន្ទាប់ពីលោកបានប្រកាសថា ខ្លួនរៀបការជាមួយនឹងផ្ទាំងរូបឈររបស់ Jimin កាលពីថ្ងៃទី ០៧ ខែមករា។
មង្គលការចម្លែកនេះ បានធ្វើឲ្យមនុស្សជាច្រើនមានការភ្ញាក់ផ្អើលស្មានមិនដល់ចំពោះអ្នកគាំទ្រជនជាតិអង់គ្លេសអាយុ ២៩ឆ្នាំរូបនេះ ក្នុងនោះរួមមានទាំងអ្នកគាំទ្ររបស់ BTS និងមិនមែន។ លើគណនី Instagram របស់ខ្លួន Oli បានសរសេរថា៖ «មង្គលការផ្លូវការ! អរគុណដល់អ្នកគ្រប់គ្នាដែលបានគាំទ្រ។ ក្ដីស្រឡាញ់ចំពោះគ្នាទៅវិញទៅមករបស់ពួកយើង ពិតជារឹងមាំ ហើយទោះបីជាមានការរិះគន់យ៉ាងណាក៏ដោយ យើងនឹងមានក្ដីសុខជាមួយគ្នា»។
មួយវិញទៀត អាពាហ៍ពិពាហ៍នេះដែរ ក៏មានការចូលរួមពីមិត្តភ័ក្ដិជាច្រើនរបស់ Oli ហើយចុងបញ្ចប់កម្មវិធីលោកថែមទាំងបណ្ដើរផ្ទាំងរូប Jiminទៀតផង៕