- 2020-01-13 07:12:24
- ព័ត៌មាន
ក្ដៅៗ! Chen ប្រកាសរៀបការ ស្របពេល SM ទម្លាយថាខាងស្រីកំពុងមានទម្ងន់
- 2020-01-13 07:12:24
- ចំនួនមតិ 0 | ចំនួនចែករំលែក 0
ក្ដៅៗ! Chen ប្រកាសរៀបការ ស្របពេល SM ទម្លាយថាខាងស្រីកំពុងមានទម្ងន់
ចន្លោះមិនឃើញ
ជារឿងគួរឲ្យភ្ញាក់ផ្អើលបំផុតចេញពីសមាជិកសម្រែកបានរបស់ EXO គឺ Chen ដែលប្រកាសថាខ្លួននឹងរៀបការក្នុងពេលឆាប់ៗ។
Chen ដែលមានឈ្មោះពិត Kim Jongdae បានបង្ហោះសារមួយដែលសរសេរដោយដៃផ្ទាល់ជូនដល់អ្នកគាំទ្រទាំងអស់ថាលោកនឹងរៀបការក្នុងពេលឆាប់ៗ។ ក្នុងសារនោះ លោកបានសរសេរថា៖ «សួស្ដីទាំងអស់គ្នា ខ្ញុំ Chen! ខ្ញុំមានរឿងមួយចង់ជម្រាបដល់អ្នកគាំទ្រទាំងអស់ ដូចនេះទើបខ្ញុំសរសេរសំបុត្រមួយច្បាប់នេះ។ ខ្ញុំមិនដឹងថាគួរចាប់ផ្ដើមរបៀបណាទេ អ៊ីចឹងខ្ញុំហាក់ដូចជាភ័យបន្តិច។ ខ្ញុំចង់ក្លាយជាមនុស្សដំបូងដែលប្រាប់ព័ត៌មាននេះដល់អ្នកគាំទ្រទាំងអស់ដែលខ្ញុំស្រឡាញ់ខ្លាំងបំផុតដូចនេះទើបខ្ញុំសម្រេចចេញសារមួយនេះទោះបីខ្ញុំមិនចេះរាបពាក្យក៏ដោយចុះ។ ខ្ញុំមានមិត្តស្រីហើយ ជាអ្នកដែលខ្ញុំចង់ចំណាយពេលពេញមួយជីវិតជាមួយ។ ខ្ញុំក៏មានការបារម្ភ និងខ្វល់ខ្វាយចំពោះអ្វីដែលនឹងអាចកើតឡើងទាក់ទងនឹងការសម្រេចចិត្តរបស់ខ្ញុំ ប៉ុន្តែខ្ញុំចង់ឲ្យគ្រប់គ្នាដឹងឲ្យបានលឿនដូចជាសមាជិករួមក្រុមរបស់ខ្ញុំ ក្រុមហ៊ុន និងជាពិសេសអ្នកគាំទ្រទាំងអស់ដែលតែងមានមោទនភាពមកលើខ្ញុំ ដូចនេះពេលដែលព័ត៌មានចេញទៅអ្នកទាំងអស់មិនភ្ញាក់ផ្អើលខ្លាំង ហើយមុនសម្រេចចេញដំណឹងនេះ ខ្ញុំក៏បានពិភាក្សាជាមួយសមាជិករួមក្រុម និងក្រុមហ៊ុនដែរ»។
ក្នុងសារដដែលនោះ Chen ក៏បានបញ្ជាក់ដែរថា លោកនឹងរៀបចំមង្គលការក្នុងពេលឆាប់ៗដែរ ហើយក៏មិនចង់លាក់បាំងរឿងនេះពីអ្នកគាំទ្រដែរ។
ចំណែកផលិតកម្ម SM ឯណេះវិញក៏បានចេញមុខទទួលស្គាល់ការពិតដែរ ព្រមទាំងបានបន្ថែមទៀតថា មង្គលការរបស់ Chen នឹងរៀបចំជាលក្ខណៈឯកជនស្ងាត់ៗ និងសំណូមពរដល់អ្នកគាំទ្រក៏ដូចជាបណ្ដាញផ្សព្វផ្សាយទាំងអស់សូមមានការយោគយល់ផង៕
