- 2020-01-29 03:00:20
- ព័ត៌មាន
តារាចម្រៀងម៉ាឡេស៊ី សង្ស័យថាឆ្លងវីរុសកូរ៉ូណា ក្រោយត្រឡប់ពីចិន
- 2020-01-29 03:00:20
- ចំនួនមតិ 0 | ចំនួនចែករំលែក 0
តារាចម្រៀងម៉ាឡេស៊ី សង្ស័យថាឆ្លងវីរុសកូរ៉ូណា ក្រោយត្រឡប់ពីចិន
ចន្លោះមិនឃើញ
ផ្អែកតាមការចុះផ្សាយរបស់ Malaymail នាថ្ងៃទី ២៨ ខែមករា តារាចម្រៀងម៉ាឡេស៊ីឈ្មោះ Ika Mustafa ត្រូវបានបញ្ជូនទៅមន្ទីរពេទ្យ Sungau Buloh ក្រោយពីប្រទះឃើញរោគសញ្ញាដែលបង្កដោយវីរុសកូរ៉ូណា។
តារាចម្រៀងវ័យ ២២ ឆ្នាំខាងលើ បានត្រឡប់ពីការប្រគំតន្ត្រីក្នុងទីក្រុង Haikou ប្រទេសចិន កាលពីចុងសប្ដាហ៍ ដោយពេលជិះយន្តហោះគឺអង្គុយក្បែរបុរសមកពីទីក្រុង Wuhan ដែលមានរោគសញ្ញាផ្ដាសាយ។ Ika និយាយថា ៖ "អំឡុងពេលជិះ កៅអីរបស់ខ្ញុំគឺនៅក្បែរអ្នកដំណើរប្រុសម្នាក់ដែលមានវ័យស្របាល ៦០ ឆ្នាំ។ គាត់មានរោគសញ្ញាក្អក កណ្ដាស់ និងប្រើប្រាស់កន្សែងជាច្រើន។”
នៅព្រឹកថ្ងៃអាទិត្យ Ika និយាយលែងចេញដោយសារក្អកខ្លាំង ហើយថែមទាំងផ្ដាសាយ ឈឺក្បាល និងក្ដៅខ្លួនទៀតផង។ តារារូបនេះបន្តថាម្ដាយ និងប្អូនប្រុសរបស់ខ្លួនក៏មានរោគសញ្ញាក្ដៅខ្លួនដែរ ក្រោយពីបាននាំនាងទៅមន្ទីរពេទ្យ។
គ្រូពេទ្យនៅមន្ទីរពេទ្យ Sungau Buloh ប្រកាសថាលទ្ធផលនៃការធ្វើតេស្តរបស់ Ika នឹងចេញនៅយប់ម៉ោង ៩ ថ្ងៃទី ២៩ មករានេះ។ ប្រសិនបើលទ្ធផលបង្ហាញថាអវិជ្ជមាន Ika អាចចេញពីមន្ទីរពេទ្យ ប៉ុន្តែនាងត្រូវនៅដាច់ដោយឡែកពីគេក្នុងផ្ទះរបស់ខ្លួន រយៈពេល ១៤ ថ្ងៃ ដើម្បីតាមដានបន្ត៕
