- 2020-02-05 04:39:00
- ព័ត៌មាន
ជួបគ្នាម្ដង Suho និង RM ទម្លាយខ្ទេចពីរឿងលំបាក និងអម្រែកធំៗក្នុងនាមជាមេក្រុម
- 2020-02-05 04:39:00
- ចំនួនមតិ 0 | ចំនួនចែករំលែក 0
ជួបគ្នាម្ដង Suho និង RM ទម្លាយខ្ទេចពីរឿងលំបាក និងអម្រែកធំៗក្នុងនាមជាមេក្រុម
ចន្លោះមិនឃើញ
អ្នកគាំទ្ររបស់ K-Pop ច្បាស់ជាដឹងច្បាស់ថានៅក្នុងពិភពនេះ ក្រុមបុរសណាខ្លះដែលមានសន្ទុះនៃការគាំទ្រខ្លាំងដាច់គេ គឺគ្មានអ្នកណាក្រៅពី EXO និង BTS ទេ។
ជាក់ស្ដែងនាពេលបច្ចុប្បន្ននេះ ក្រុមទាំង ២មានឥទ្ធិពលខ្លាំងបំផុត មិនត្រឹមតែនៅក្នុងប្រទេសកូរ៉េ ឬអាស៊ីឡើយ គឺទូទាំងពិភពលោកតែម្ដង។ មានឈ្មោះល្បីល្បាញយ៉ាងនេះ ដួចនេះបើនិយាយពីអ្នកដឹកនាំក្រុមក៏មិនស្រួលដែរ ហើយក៏មិនមែនគ្រប់គ្នាសុទ្ធតែយល់ពីទុក្ខលំបាក និងកង្វល់របស់មេក្រុមដែរ។ ប៉ុន្តែសម្រាប់ Suho (មេក្រុម EXO) និង RM (មេក្រុម BTS) តែងបង្ហាញឲ្យអ្នកគាំទ្រដឹងថា ពួកគេធ្វើបាន ទោះបីមានរឿងអ្វីក៏ដោយ។
យ៉ាងណាក្ដី ជាឱកាសពិសេសមួយ ពេល Suho និង RM ជុំគ្នាក្នុងកម្មវិធីទូរទស្សន៍របស់កូរ៉េ ពួកគេបានធ្វើឲ្យមហាជនចាប់អារម្មណ៍ និងភ្ញាក់គ្រប់គ្នា។ កាន់តែគួរឲ្យចាប់អារម្មណ៍នៅពេលនោះ ពួកគេក៏បានទម្លាយពីតួនាទី និងទំនួលខុសត្រូវដ៏ធំក្នុងនាមជាមេក្រុម ជាពិសេសដឹកនាំក្រុមដែលមានឈ្មោះល្បីមិនធម្មតាទូទាំងពិភពលោកទៀត។
អ្នកទាំង ២ចាប់ផ្ដើមចែករំលែក ផ្លាស់ប្ដូរយោបល់គ្នាពីតួនាទីរៀងៗខ្លួនទៅវិញទៅមក ក្នុងនោះមានដូចជាការណែនាំក្រុម ឬក៏និយាយតំណាងគ្រប់ពេលទាំងអស់ ពិសេសពេលក្រុមឡើងទទួលពានម្ដងៗ។ មេក្រុមគឺជាអ្នកដែលតែងតែព្យាយាមធ្វើជា តំណាងក្រុម ឬតំណាងសមាជិកទាំងអស់ផ្សេងទៀត។ ម្យ៉ាងវិញទៀត សម្រាប់តំណែងសំខាន់មួយនេះ ពួកគេក៏ត្រូវតែចេញមុខជានិច្ច ដើម្បីដោះស្រាយបញ្ហាទាំងអស់ក្នុងក្រុម។ នេះមានន័យថា ធ្វើជាមេក្រុមគេ គឺត្រូវទូលរែក ការពារសព្វគ្រប់ ហើយបើមានរឿងអ្វីខុសឆ្គង មេក្រុមក៏ត្រូវទទួលខុសត្រូវដែរ។
ទោះបីជាយ៉ាងណាក៏ដោយ រឿងដែលពិបាកបំផុតនោះ គឺក្នុងមានជាមេក្រុម ត្រូវធ្វើយ៉ាងណាខំព្យាយាមផ្សះផ្សាការយល់ឃើញរបស់មនុស្សម្នាក់ៗ។ធ្វើជាអ្នកដឹកនាំម្នាក់ ប្រៀបដូចជាស្ពាន ដែលត្រូវចម្លង ឬជញ្ជូនសារអ្វីមួយទៅមករវាង សមាជិកក្រុម និងថ្នាក់ថ្នាក់ដឹកនាំជាន់ខ្ពស់របស់ក្រុមហ៊ុនជានិច្ច។
រឿងសំខាន់មួយទៀត វាតែងមានរឿងចម្រូងចម្រាសចៀសមិនផុតកើតឡើងក្នុងក្រុម ដូចនេះតួនាទីរបស់មេក្រុម គឺត្រូវខំប្រឹងដោះស្រាយបញ្ហាទាំងនោះឲ្យបានឆាប់ចប់ ដើម្បីសម្រាលភាពតឹងតែងក្នុងក្រុម។ ដូចនេះសរុបមក ធ្វើជាមេក្រុម មិនមែនជារឿងងាយស្រួល ឬបានតែល្អមើលទេ ព្រោះថាពួកគេត្រូវអត់ទ្រាំគ្រប់កាលៈទេសៈទាំងអស់ ដើម្បីមានរីករាយសម្រាប់ក្រុម ក្រុមហ៊ុន និងសម្រាប់អ្នកគាំទ្រទាំងអស់របស់ពួកគេ។
ការងារលំបាកនេះ មិនមែនគ្រប់គ្នាសុទ្ធតែធ្វើបាន រហូតដល់ខ្លះសុំដកខ្លួន ប៉ុន្តែ Suho និង RM អាចទៅរួច ហើយអ្វីទាំងឡាយដែលពួកគេប្រឹងប្រែងនាពេលកន្លងមក អ្នកគាំទ្រមើលឃើញទាំងអស់ ថែមទាំងសរសើរ និងលើកថាពួកគេស័ក្ដិសមនឹងតំណែងមេក្រុមដ៏ឆ្នើមប្រចាំ K-Pop ណាស់៕